Акимат » Мемлекеттік және салалық бағдарламалардың 2017 жылғы 1 шілдеге іске асырылуы туралы ақпарат

Мемлекеттік және салалық бағдарламалардың 2017 жылғы 1 шілдеге іске асырылуы туралы ақпарат

Қазақстан Республикасын индустриялық-инновациялық дамытудың 2015 - 2019 жылдарға арналған мемлекеттік бағдарламасы.
 
2015-2019 жылдар арналған индустриялық-инновациялық даму мемлекеттік бағдарламасының  екінші бесжылдығында  жалпы сомасы 257,0 млрд. теңгені құрайтын 9 инвестициялық жобаны іске асыру жоспарлануда, жобалар толық қуатта жұмыс істесе 1,7 мың астам жұмыс орны  ашылмақ. 
2015-2016 жылдар аралығында қала бойынша екі жоба: «Автоклавты газбетон өндірісі» «Семей асбестцемент бұйымдар зауыты» ЖШС және «Электр желілері бағандарын өндіруді ұйымдастыру»«Фирма «Азия» ЖШС  іске асырылды, 36 жұмыс орны ашылды. 
Ағымдағы жылы «Семей ағаш өңдеу зауыты» ЖШС «Ламинатталған фанер, OSB тақталары өндірісін ұйымдастыру» инвестициялық жобасын іске асыру барысында цех құрылысы жалғасуда, жоба іске асырылса100-ден астам  жұмыс орны ашылмақ.
Қазақстан Республикасында білім беруді және ғылымды дамытудың 2016 - 2019 жылдарға арналған мемлекеттік бағдарламасы.
2017 жылы білім беру саласын дамытуды қаржыландыру көлемі 
12,8 млрд. теңгені құрады, 2016 жылы – 12,2 млрд. теңге, 2015 жылы – 9,2 млрд. теңге, үш жыл ішінде қаржыландыру көлемі  27 % пайызға артты.
Мектепке дейінгі тәрбие және оқыту
Қаласында 48 балабақша (оның ішінде 16 мемлекеттік, 32 жеке меншік), 48 мектеп жанындағы шағын-орталықтар қызмет етеді.
2017 жылдың бірінші жарты жылдығы бойынша мектепке дейінгі тәрбиелеумен 10275  бала қамтылды, 1 және 3 жас аралығында – 2252 бала,       3 жастан 6 жасқа дейін -  8023 бала, бұл 96% құрайды.
Мектепке дейінгі ұйымдарға кезекте – 11509 бала тұр: туғаннан 2 жасқа дейін – 10477 бала, 3 жастан 6 жас аралығында – 1032 бала.
2017 жылда мемлекеттік-жеке меншік әріптестік бағдарламасы бойынша  640 орынға 2 балабақша салыну жоспарланған: Қарағайлы кентінде -320 орынға, Ұшақтар кентінде -320 орынға. Сонымен қатар 725 орынға 5 жеке меншік балабақшалардың ашылуы жоспарлануда: «Ертан -1» балабақшасы, Юность көш., 70 – 240 орын, «Baby Care» балабақшасы, Спартак көш., 24 А – 275 орын, «Әміржан»шағын орталығы, Березовский кенті – 50 орын, «Panda child» шағын орталығы, Акмолинская көш., 23 «Г» - 60 орын, Иртышская, 9 көшесіндегі шағын орталық – 100 орын.
Жалпы орта білім беру
2017 жылғы 1 қаңтарға қала мектептері желісі 41939 бала санымен 66 білім беру ұйымын құрайды. 
Мектеп немесе сәйкес үлгідегі мектептері жоқ елді мекендерде тұратын балалардың жалпы орта білім алуы үшін жағдайлар туғызу мақсатында 1310 оқушы үшін тасымал ұйымдастырылған.  
Болжам бойынша орта есеппен оқулықтармен қамтылу 2017- 2018 оқу жылы 98% құрайды.
Облыстық мәслихат сессиясыың шешімімен «Дарынды мектеп» кешенді жоспары бекітілді: «№ 40 жалпы орта білім беретін мектеп» КММ «Шығыс Ұландары» кадет сыныптары,«№ 38 жалпы орта білім беретін мектеп-лицей» КММ«Зияткер»  иженерлік сыныбы, «№ 23 жалпы орта білім беретін мектеп» КММ спорт сыныптары, № 1 «Арман ясли-бақшасында «Ой ойнакабинеті, «Семей қаласының № 37 гимназиясы» КММ  К. Битибаеваның зертханасы ашылды.
«Ұлт жоспары: институционалдық бес реформаны іске асыру бойынша 100 қадамның» 79 қадамын іске асыру аясында үштілділікті дамыту бойынша 2015-2019 жылдарға арналған Кешенді жоспар әзірленді. Бағдарлама бойынша қазақ, орыс, ағылшын тілі пәндері мұғалімдерінің 80% курстардан өтті. Қазіргі уақытта политехникалық цикл мұғалімдерін ағылшын тіліне оқыту басталды.
Тілдерді тереңдетіп оқыту үшін Cambridge University Press баспасының ағылшын тілі оқулығы, Оразбаев редакиясының қазақ тілі оқулығы, Хамраева редакциясының орыс тілі оқулығы сатып алынды.
Білім беру ұйымдары мектеп оқушыларын ыстық тамақпен қамту бойынша шаралар қабылдайды, ыстық тамақ 58 қала мектебінде ұйымдастырылған, ыстық тамақпен қамту 100 % өсті. Әлеуметтік қорғалмаған санатқа жатқызылған барлық балалар (6031 бала) ыстық тамақпен қамтылған.
Кадрлық қамтамасыз ету
Қаланың жалпы орта білім беретін мектептерінде 4026 педагог жұмыс істейді, оның ішінде 3587 (89%) жоғары білімді, 439 (10%) - орта білімді.
3-деңгейлі курстарды ұйымдастыру және өткізу кезеңінде 742  педагог оқыды.2016-2017оқу жылы 98 жас маман жұмысқа қабылданды, оның ішінде 81 – қала мектептеріне және  17 – ауыл мектептеріне. «Дипломмен ауылға» бағдарламасы бойынша үш педагогке ауылда баспана алуға жалпы сомасы 7,6 млн. теңгеге несие бөлініп және 9маманғареспубликалық бюджет есебінен 1,3 млн. теңгеге көлемінде жәрдемақы төленді. 
ҚР білім мазмұнын жаңарту шеңберінде 1 сыныптарда сабақ беретін 445 мұғалім (97%) біліктілік арттыру курстарынан өтті.
Қосымша білім беру
Қала аумағында 11 қосымша білім беру ұйымдары жұмыс істейді, онда 514 үйірме және секция бар. 2016 жыл ішінде екі қосымша білім беру ұйымы оңтайландырылды. Бұған қарамастан, үйірмелер мен секциялардың саны 1,1% өсті.
Қосымша білім беру ұйымдарындағы оқушылар контингенті, қала мектептерінің үйірмелері мен секцияларындағы қамтылу оқушылардың жалпы санынан алғанда 30188адамды немесе 73,4 % құрайды. 
2017 жылы жазғы демалысқа қала бюджетінен 14,3 млн. теңге бөлінді, оның ішінде тегін жолдамаларға – 10,3 млн. тенге. 
«Жаз-2017» Қалалық бағдарлама құрылып, берілген бағдарлама бойынша  іс шаралар жасалды, қала сыртындағы лагерлерде балаларды қабылдау бойынша қалалық комиссия құрылды.
Семей қаласында 3 қала сыртындағы лагерлер қызмет етеді: 300 орынды тіл жүйесі бағытындағы «Түрксібке 50 жас», 80 орынды «Жас қанат»,  120 орынды спорттық-туристік бағытындағы «Радуга» және 3 лагердегі жаз кезіндегі қамтылуы 2000 бала мен жасөспірімдерді құрайды.
Күндізгі мектеп жанындағы 62 лагерьде балалар спорттық, ойын-сауық іс шаралармен бос уақытын ұйымдастырды. 
Балалардың демалысын ұйымдастыру мақсатында «EXPO-2017» Халықаралық көрмесіне жалпы білім беру мекемелерінен оқушылар қатысты, соның ішінде әлеуметтік қорғалмаған санатқа жатқызылған 1667 бала тегін жолдама алды.
30 мектепте «Мәңгілік ел» кабинеттері ашылды. Бұл кабинеттер балалар үшін патриотизм орталығы болып табылады. 
Білім беруді ақпаратттандыру - «е –learning» электронды оқытуы
Интернет желісіне қол жетімділігі бар мектептер үлесі 100 %, оның ішінде 81,5% - кең жолақты қол жетімділігімен.
Жалпы орта білім беретін 66 ұйымның 51 (70%) интерактивті жабдықтары бар, интерактивті тақтаның жалпы саны 117 бірлік.
 517 педагог(12,8%) Ақпараттандыру және білім сапасын бағалау Орталығы базасында біліктілікті арттырудың курстық дайындығынан өтті. 2016 жылдан бастап барлық білім беру мекемелері «Білім Медия» цифрлық білім беру ресурстарымен жұмыс істеп бастады, онда барлық пәндер бойынша интерактивті білім беру материалдары бар. Сондай-ақ 2016 жылдан бастап 30 мектеп «Kyndelik.kz» пилоттық жобасымен жұмыс бастаса,қаланың 35 мектебі «е-learning» электронды оқыту жүйесі бойынша жұмысты  жалғастыруда.
 
Қазақстан Республикасында тілдерді дамыту мен қолданудың мемлекеттік бағдарламасы.
 
Мемлекеттік бағдарлама аясындағы іс-шаралар жоспарына сәйкес 2017 жылдың  І  тоқсанында  17 іс – шара өткізілді. Олардың  ішінде: 1 фестиваль, 5 конкурс, 4 дөңгелек үстел, 3 олимпиада,  2 айлық және  2 ономастикалық жұмыс тобының   отырысы өтті.
Мәселен,  үш тілді жетік меңгерген жастар арасында  «Тіл- парасат» жүргізушілер  конкурсы, өзге этнос өкілдері арасында мемлекеттік тілді білуден «Тіл-халық жанын танудың  кілті» олимпиадасы, О. Бөкей атындағы көркемсөз оқу шеберлерінің байқауы, «Алаш туы астында» атты ақындар мүшәйрасы, «Қазақстанның болашағы-қазақ тілінде»» тілдер фестивалі, өзге ұлт жастары арасында «Мақсұтым-тіл ұстартып, өнер шашпақ...» атты Абай оқулары байқауы, мемлекеттік қызметшілер арасында «Мемлекеттік тіл-мемлекеттік қызметте» байқауы өткізілді.
2017 жылғы 25 қаңтар- 25 ақпан аралығында ұлты қазақ азаматтарының тегін, әкесінің атын және жалқы есімдерін реттеу мақсатында «Есімің мен тегің- сенің ұлттық келбетің» айлығы ұйымдастырылды. Айлық Алаш үкіметінің құрылғанына 100 жыл толуына орайластырып өткізілді. Шара барысында АХАЖ бөлімі мамандарының қатысуымен  жалпы білім беру мектептерінде дөңгелек үстел отырысы ұйымдастырылып, аталған Жарлықты түсіндіру жұмыстары жүргізілді.
2017 жылғы 13 ақпан- 13 наурыз күндері көрнекі ақпарат пен жарнама мәтіндерін заң талаптарына сай біріздендіру және жарнама мазмұнының дұрыс болуын қадағалау мақсатында облыстық «Қате жарнамаға жол жоқ!» айлығы өткізілді. Айлық аясында қоғамдық ұйымдардың, белсенді жастардың қатысуымен рейдтер ұйымдастырылып, 160 нысан тексерілді. Көрнекі ақпараттардағы олқылықтарды жою бойынша бөлім мамандары тарапынан әдістемелік көмек көрсетілді.
Сондай-ақ, қалада 2013 жылдан бастап қала тұрғындары мен мемлекеттік қызметшілерге қазақ, орыс, ағылшын тілдерін оқытатын «Тілдерді оқыту орталығы» жұмыс жасайды. 2016-2017 жылғы оқу жылының І жартыжылдығындағы орталықтың тыңдаушылар саны: мемлекеттік тілде -345, орыс тілінде-64, ағылшын тілінде-57 адам. Достық үйі жанындағы 18 этно-мәдени орталықтың төртеуінде (орыс, неміс, еврей, татар)  ұлттық тілдерін оқыту мақсатында жексенбілік мектептер ұйымдастырылған. 
Қала әкімінің аппараты мен дербес бөлімдердегі құжат айналымының мониторингіне сәйкес, мемлекеттік тілдегі құжат айналымының үлес салмағы   2014 жылы – 99,8% болса, 2015 жылдан бастап 99,9 % құрайды. 
 
Қазақстан Республикасының денсаулық сақтау саласын дамытудың 2016 - 2019 жылдарға арналған «Денсаулық» мемлекеттік бағдарламасы.
 
Қала тұрғындарына медициналық көмекті тегін медициналық көмектің кепілдендірілген көлемі шеңберінде 65 медициналық ұйым (25 жекеменшік) көрсетеді: оның ішінде 23 стационар (6 жекеменшік), 32 амбулаториялық-емханалық (18 жекеменшік).
Бүгінгі таңда қаланың медициналық мекемелерінде 1,5 мыңнан астам дәрігерлер мен 3 мыңнан астам орта медициналық қызметкерлер жұмыс атқарады. 
Сапалы кәсіби медициналық білім алуды жалғастыру мақсатында біліктілікті жетілдіру ісі Қазақстан Республикасының Медициналық орталықтарында, сонымен қатар шетелде – Оңтүстік Корея, Израиль, Германия, Ресей, Франция, Латвия, Туркия, Польшада жүргізіледі. 
Біліктілік санаты бар медициналық қызметкерлердің салмақтық үлесі 73%-ды құрайды. 
Жыл сайын денсаулық сақтау саласына бөлінетін қаржы өсіп келеді. 
Амбулаториялық деңгейде 26 мыңнан астам науқасты 42 кең тараған, соның ішінде сирек кездесетін және ауыр аурулардан емдеуге тегін дәрілік көмек қарастырылған.
Қалада жекеменшік және мемлекеттік – жекеменшіктік серіктестік түріндегі медициналық ұйымдардың қызмет етуіне бәсекеге қабілетті жағдай жасалуда. 
Медициналық ұйымдардың жабдықталуы 83%-ға артты. 
«Бес институционалдық реформаның орындалуының 100 нақты қадамы» Ұлттық Жоспарына сәйкес медициналық ұйымдарда менеджмент пен корпоративті басқару жүйесі дамып келеді. Мемлекеттік медициналық ұйымдардың дербестігін ұлғайту бақылау кеңестері бар шаруашылық жүргізу құқығындағы ұйымдарға ауыстыру арқылы жүзеге асырылуда. Семей қаласы бойынша 16 медициналық ұйым шаруашылық жүргізу құқығына ауыстырылды, 10 бақылау кеңесі құрылды. 
Облыстық бюджет қаражатынан жалпы сомасы 48,5 млн. теңгені құрайтын Юность кентіндегі № 6 Алғашқы медициналық санитарлық көмек орталығынының күрделі жөндеуден өткеннен кейін 2016 жылдың желтоқсанында салтанатты ашылуы болды.  
Биылғы жылы Мемлекет Басшысының Жарлығымен  бекітілген Қазақстан Республикасының денсаулық сақтау саласының 2016-2020ж. арналған «Денсаулық» жаңа мемелекеттік бағдарламасы басталды. Ол алдынғы бағдарламалардың логикалық жалғасы болып табылады және денсаулық сақтау саласын жақсартуды тереңдетуге бағытталған. 
 

Көрсеткіш атауы

2016 жыл

6 ай

2017 жыл

6 ай

1

Нәресте өлімі

7,3

4,4

2

Ана өлімі

0

0

3

Туберкулезбен ауыру

32,5

31,6

4

Онкопатологиямен ауыру

123,9

111,4

5

Онкопатологиядан өлім

54,6

54,3

6

Туберкулезден өлім

2,3

1,5


Емдеу мен зерттеуге жаңа технологияларды енгізу жалғасуда. Бүгінгі таңда Семей қаласының Мемлекеттік Медициналық Университеті Медициналық Орталығының кардиохирургиялық базасында кардиологиялық және кардиохирургиялық көмек көрсету дамып келеді. 2016 жылы кардиохирургиялық операциялар мен интервенционды араласулар жасалды: аортокоронарлы шунттау – 90, стенттеу – 618, коронарография – 1270. Қабылданған іс-шаралар қан жүйесі аурулары көрсеткішін тұрақтандырып, 3 жылда өлім көрсеткішін 26%-ға төмендетуге мүмкіндік берді. 
Семей қаласының Өңірлік Онкологиялық Диспансерін заманауи жоғары технологиялық медициналық құрылғыларымен жабдықтау арқасында (компьютерлі томограф, магнитті-резонансты томограф, сызықтық үдеткіш, эндовидеоскоптық құрылғы, обырды химиоэмболизациялау әдісі) онкология дертіне шалдыққан науқастарды емдеу әлемдік стандарттарға сай жүргізіледі. 
 
Қазақстан Республикасының агроөнеркәсіптік кешенін дамытудың 2017 - 2021 жылдарға арналған мемлекеттік бағдарламасы
2017-2021 жылдарға арналған Қазақстан Республикасы АӨК дамыту мемлекеттік бағдарламасы жасалды және 2017 жылдан бастап іске асуда.
Бағдарламаның басты бағытты индикаторлары еңбек өнімділігінің өсімі, ауыл шаруашылығы өнімінің өсімі, өндірілген тауарлардың экспорт көлемінің өсуі, импорттық тауарлардың көлемінің төмендеуі.
Бағдарламаның міндеттері ауыл шаруашылығы кооперацияларын ұйымдастыру, отандық өнімді экспорттау және ішкі сауданы толтыру, қаржылай мемлекеттік қолдауды пайдалану, жер ресурстарын тиімді пайдалану, ауыл шаруашылығы өндірісін техникамен қамтамассыз етуді жоғарлату, сауда-логистикалық инфрақұрылымдарды дамыту болып айқындалды.
Қала АӨК саласында 1 жартыжылдықта осы бағдарлама бойынша төмендегідей көрсеткіштерге жетті:
Ауыл шаруашылығы өнімінің жалпы ФКИ 105,8 пайызды құрады, былтырғы көрсеткіштен 16,1 пайызға жоғары. Соның ішінде ауыл шаруашылығы өнімінің жалпы көлемі 7955,3 млн. теңгені құрады, бұл былтырғы жылдың көлемінен 1103,5 млн. теңгеге артық.
Осы кезеңде қаладағы тамақ өндірісі кәсіпорындары 12,396 млрд. теңгенің өнімін өндірді.
Ауылдық округтерде тұрғындар және жеке шаруашылықтарды біріктіретін 12 ауыл шаруашылық кооперативтері құрылды. Коопертивтің құрамында 173 адам бар. Қызметтің негізгі бағыттары: мал шаруашылығын дамыту (бордақылау, мал сою, мал басын көбейту, мал жаю, асылтұқымды селекция жұмыстары).
Мал шаруашылығы және өсімдік шаруашылығы тауар өндірушілерінің шығынын мемлекет субсидия түрінде қайтаруда. Мал шаруашылығында өнімнің сапасымен өнімділігін арттыруда 1 жартыжылдықта 239,586 млн. теңге, өсімдік шаруашылығында 43,56 млн. теңге субсидия төленді. 
 
Өңірлерді дамытудың 2020 жылға дейінгі бағдарламасы.
 
Қазақстан Республикасы Үкіметінің 2014 жылғы  28 маусымдағы №728 қаулысымен 2020 жылдарға арналған Аумақтарды дамыту бағдарламасы бекітілді.
Ауылдық аймақтарды дамыту бойынша бағыттарының бірі жергілікті өзін өзі басқаруды қаржылық қолдау болып табылады.
Жергілікті өзін өзі басқаруды қаржылық қолдау шеңберінде Семей  қаласы бойынша келесі ауылдар таңдалды: 
- орташа даму әлеуетті: Новобаженова а., Знаменка а., Қайнар а.
- жоғары даму әлеуетті: Приречное а.
1. Приречное ауылы жоғары әлеуметтік-экономикалық даму әлеуетті, Приречное ауылдық округінің орталығы болып табылады. Ауылда 1437 адам тұрады. «Приречное ауылдық округінің Приречное а. белсенді даму алаңын жайластыру» жобасы бойынша жалпы сомасы 1 818,0 мың теңгеге қаражат бөлінді.
2. Новобаженова ауылы орташа әлеуметтік-экономикалық даму әлеуетті, Новобаженова ауылдық округінің орталығы және тірке ауылды елді мекен болып табылады. Ауылда 1878 адам тұрады. «Ибраев атындағы жалпы орта білім беретін мектеп» КММ ғимаратын ағымдағы жөндеу» жобасы бойынша жалпы сомасы 4 623,0 мың теңгеге қаражат бөлінді.
3. Знаменка ауылы орташа әлеуметтік-экономикалық даму әлеуетті, Знаменка ауылдық округінің орталығы және тірке ауылды елді мекен болып табылады. Ауылда 1415 адам тұрады. «Знаменка а. Е. Альжанова көшесі бойынша белсенді даму алаңын жайластыру» жобасы бойынша жалпы сомасы 2 186,0 мың теңгеге қаражат бөлінді.
4. Қайнар ауылы орташа әлеуметтік-экономикалық даму әлеуетті, Қараөлең ауылдық округінің орталығы және тірке ауылды елді мекен болып табылады. Ауылда 1564 адам тұрады. «Қайнар а. мәдениет үйі» КМҚК татырды ағымдағы жөндеу» жобасы бойынша жалпы сомасы 6 701,0 мың теңгеге қаражат бөлінді. «Бегалин атындағы жалпы орта білім беретін мектеп» КММ ғимаратын ағымдағы жөндеу» жобасы бойынша жалпы сомасы 4 359,0 мың теңгеге қаражат бөлінді.
 
 
«Бизнестің жол картасы – 2020» бизнесті қолдау мен дамытудың бірыңғай бағдарламасы.
 
Бірыңғай бағдарламаның іске асуынан бастап Семей қаласы бойынша жалпы сомасы 22,4 млрд. теңгеге 244 жоба бойынша қолдау көрсетілді, оның ішінде 2017 жылдың басынын бастап сомасы 2888,2 млн. теңгеге 30 жоба бойынша, ол 2016 жылдың (22 жоба) тиісті кезеңіне 36,4 % ұлғайды, оның ішінде 2827,0 млн. теңгеге 24 жоба субсидияланды және 61,2 млн. теңгеге 6 кепілдік берілді. Жобалардың іске асу барысында кәсіпорындарда 1100 аса жаңа жұмыс орындары ашылды, оның ішінде 2017 жылы 35 жұмыс орыны.
Жобалар экономиканың әртүрлі салаларында іске асуда: өңдеуші өнеркәсібінде – 7, көлік және қоймалау саласында – 6, көтерме және бөлшек саудада – 4, білім саласында – 2, денсаулық сақтау және әлеуметтік қызметтерде – 7, ауыл, орман және балық шаруашылығы саласында – 3, жылжымайтын мүлікпен жасалатын операциялар – 1.
«Даму» кәсіпкерлікті қолдау қоры» АҚ, екінші деңгейлі банктермен бірлесіп кәсіпкерлерді осы бағдарламаға қатысуға тарту бойынша жұмыс жүргізілуде. «Даму» кәсіпкерлікті дамыту қоры» АҚ жанындағы кәсіпкерлерге қызмет көрсету орталығымен (КҚКО) 2017 жылдың басынан бастап 1400 аса кеңестік қызметтер көрсетілді.
Қаржылық емес қолдау Біріңғай бағдарламасының төртінші бағыты аясында «Бизнес-Кеңесші», «Бизнес-кеңесші-2», «Жаңа бизнесті ашуға қолдау», «ШОБ топ-менеджментін оқыту» АҚ базасында «Назарбаев Университеті», «Іскерлік байланыстар», «Жас кәсіпкер мектебі», «Аға сеньорлар» жобалары бойынша оқу өткізіледі. Барлығы оқудан 1558 адам өтті, оның ішінде 2017 жылдың басынан бастап 164 адам.
Жаңа потенциальдық жоба және бизнес – идеялары бар кәсіпкерлерді  тарту бойынша жұмыстар жалғасуда.
2017 жылдың басынан бастап дербес бөлім басшылары, мемлекеттік бақылаушы органдар, қоғамдық бірлестіктер,  «Даму» кәсіпкерлікті қолдау қоры» АҚ, ШҚО кәсіпкерлер палатасының Семей қалалық филиалы, екінші деңгейлі банктер өкілдерінің және қала кәсіпкерлерінің қатысуымен кәсіпкерлікті қолдау және дамыту мәселесі бойынша келесідей тақырыптарға 41 кеңес (кездесулер, дөңгелек үстел) өткізілді.
Біріңғай бағдарламаның іске асуынын бастапжетіспейтін инфрақұрылымды өткізу бойынша жалпы сомасы 515,7 млн. теңгеге 6 жоба іске асырылды, оның ішінде 2017 жылдың басынан 2 жобасы(«КХ «Нұр», «Семей Жолдары» ЖШС)  іске асырылуда.
Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы
Мемлекет Басшысы Н.А. Назарбаевтың «Қазақстанның үшінші жаңғыруы: жаһандық бәсекеге қабілеттілік» атты Жолдауын орындау мақсатында, нәтижелі жұмыспен қамтуға жәрдемдесу және азаматтарды кәсіпкерлікке тарту үшін, Қазақстан Республикасы Үкіметімен Нәтижелі жұмыспен қамтуды және жаппай кәсіпкерлікті дамытудың жаңа бағдарламасы қабылданды.
Ағымдағы жылдың 6 айында жұмыспен қамтуға жәрдемдесудің белсенді шараларымен 3555 адам қамтылды, соның ішінде санатар бойынша: 1321 адам жұмыссыздар, өзін-өзі жұмыспен қамтығандар – 880 адам, 1354 адам - жұмыс іздеуші тұлғалар.
Бағдарламаның бірінші бағыты аясында мамандықтар және бейімділігінің еңбек нарығы сұранысы бойынша жұмысшы кадрларды қысқа мерзімді кәсіптік оқытуға 1422 адам қарастырылған. Олардан бірінші транш бойынша 450 адам, оның ішінде 100 адам – арнайы жобалар бойынша. Ағымдағы жылдың 30 маусымынан бастап 174 адам оқуға жолданды, соның ішінде 10 адам арнайы жобалар бойынша. Оқыту «Құрылыс колледжі», «Бизнес және сервис колледжі», «Жастар колледжі», «Қайнар колледжі» мекемелерінде дәнекерлеуші (барлық түрі бойынша), слесарь-сантехник, бухгалтер, электронды есептеу машинасының операторы, кондитер, аспаз, аспаз-кондитер, сақтандырушы агенті мамандықтары бойынша жүргізіледі. Екінші транш бойынша қосымша жоспарда 972 адам қарастырылған. Нарықтағы сұраныстар есебімен техникалық және кәсіптік білімімен кадрларды даярлауға 404 адам жолданады. Бағдарламаға қатысуға ниет білдірген үміткерлерді іріктеу жұмыстары жалғасуда.
Бағдарламаның екінші бағыты шеңберінде Жұмыспен қамту орталығына шағын несиелендіру мәселесі бойынша тікелей өтініш беруші үміткерлердің саны 111 адам, олардан 19 – жұмыс істеп тұрған бизнесті кеңейтуге және 92 – өз ісін ашуға, оның ішінде 51 өтініш ауылдық елді мекендерінен және 60 - қаладан. Ауылдық округтер әкімдеріне шағын несиелендіру мәселесі бойынша өтініш беруші азаматтар санын анықтау бойынша хаттар жолданды. «Бастау – Советник» бағдарламасы бойынша «Атамакен» Ұлттық кәсіпкерлік палатасы арқылы 35 адам кәсіпкерліктің негіздерін оқытудан өтті және оқытуды аяқтаған соң барлық қатысушыларға сертификаттар берілді. 
Бағдарламаның үшінші бағыты аясында 3381 қатысушыларға жұмысқа орналастуға жәрдемдесу көрсетілді, оның ішінде 2525 адам тұрақты жұмыс орындарына жұмысқа орналасты. Уақытша әлеуметтік жұмыс орындарына 259 адам жұмысқа орналасты. Жастар тәжірибесіне 242 оқыту мекемелерінің түлектері қатысты. Қоғамдық жұмыстарға 355 адам жұмысқа орналасты. 
Бекітілген кестеге сәйкес Халықты жұмыспен қамту орталығының мамандары «Өрлеу» жобасының кеңесшілері, ауыл шаруашылығының мамандарымен бірлесе, Нәтижелі жұмыспен қамту және жаппай кәсіпкерлікті дамыту Бағдарламасын, «Өрлеу» жобасын және арнайы әлеуметтік қөмегінің жаңа үлгісін түсіндіру бойынша ауылдық округтерге баруы іске асырылды. 
Бекітілген кестелерге сәйкес Нәтижелі жұмыспен қамту және жаппай кәсіпкерлікті дамыту Бағдарламасын жүзеге асыру мәселелері бойынша қалалық комиссияның 2 отырысы және шағын несиелік қаражаттарды қайтару бойынша комиссияның 2 отырысы әзірленді және өткізілді.
 
 
Экономика және бюджеттік жоспарлау бөлімі
 
 

2016 жылға мемлекеттік және салалық бағдарламалардың іске асырылуы туралы ақпарат
 
 
2015 жылға мемлекеттік және салалық бағдарламалардың іске асырылуы туралы ақпарат
Өңдеу күні: 27-07-2017