Акимат » 2017 жылдың 1 қаңтарына қала бюджетінің орындалуы туралы

2017 жылдың 1 қаңтарына қала бюджетінің орындалуы туралы

2016 жылы қала бюджетіне 27 816,7 млн. теңге келіп түсті, оның ішінде меншік кіріс көздері бойынша 14 841,2 млн. теңге.
Жоғарғы деңгейдегі бюджеттен трансферттер түрінде 12 925,5 млн. теңге оның ішінде Ұлттық қордан 2 617,6 млн.теңге, республикалық бюджеттен 6 404,6 млн. теңге, облыстық 3 903,0 млн. теңге бөлінді.
Бюджеттің шығыс бөлігі 99,5 пайызға немесе 27 360,6 млн. теңге игерілді, оның ішінде білім саласының шығындары 12 119,2 млн. теңгені, әлеуметтік көмек және әлеуметтік қамтамасыз етуге 1 521,6 млн. теңге, мәдениет, спорт, туризм және ақпараттық кеңістік шығындары 638,8 млн. теңгені құрады.
Халықты жұмыспен қамту бағдарламасының іс-шараларын жүзеге асыруға бюджеттен 221,2 млн. теңге жұмсалып, тұрғын үй көмегіне 54,2 млн. теңге, үйде оқытылатын мүгедек балаларға материалдық көмекке 50,7 млн. теңге, мемлекеттік атаулы әлеуметтік көмекке 21,2 млн. теңге, 18 жасқа дейінгі балаларға 22,5 млн. теңге жұмсалды. Жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек көрсетуге 319,8 млн.теңге жұмсалды. 
Білім саласындағы тапсырмаларды орындауға 12 119,2 млн. теңге пайдаланылды. Оның ішінде жалпы білім беру шығыстары бойынша 8 288,2 млн. теңге сомасына 68 мекеменің жұмысы қамтамасыз етілді, мектепке дейінгі тәрбиелеу мен білім беруге 984,9 млн. теңге, кәсіби білім беруді ұйымдастыруға мемлекеттік тапсырысты орналастыру аясында 1 166,4 млн. теңге бағытталды.
Тұрғын үй-коммуналдық шаруашылығының жұмысын қамтамасыз етуге және оны дамытуға, көліктік инфрақұрылымға және құрылысқа шығындар 11 045,7 млн. теңгені құрады.
 
Білім және әлеуметтік көмек пен қамтамасыз етуге бюджеттік қаражаттың пайдалануы туралы ақпарат
 
Білім беру мекемелерінің жұмысын қамтамасыз етуге 2016 жылдың қала бюджетінде 12 119,2 млн.теңге қаражат қарастырылған, оның ішінде  жергілікті бюджет шығындары 8084,9 млн. теңгені, республикалық бюджет трансферттері есебінен 3755,5 млн. теңгені, облыстық бюджет трансферттері есебінен 186,3 млн. теңгені, Ұлттық қордың нысаналы трансферттері есебінен 92,4 млн.теңгені,  орындалуы 12 111,5 млн. теңгені немесе 99,9 %  құрады. 
Мектепке дейінгі білім беру және тәрбиелеуге 984,9 млн. теңге жұмсалды, оның есебінен мектепке дейінгі 12 мекеменің жұмысы қамтамасыз етілді. 
«Балапан» бағдарламасы шеңберінде 1166,4 млн. теңге сомасына мемлекеттік тапсырыс орналастырылды (оның ішінде 32 – мектепке дейінгі жеке меншік мекемелерде).
Жалпы білім беру шығындарына 8288,2 млн. теңге сомасына 68 мекеменің жұмысы қамтамасыз етілді. 
Көпбалалы және жеткілікті түрде қамтамасыз етілмеген отбасылардың балаларына материальдық көмек көрсету үшін көмек көрсетуге жалпыға бірдей мiндеттi орта бiлiм қорының есебінен ыстық тамақты ұйымдастыруға, киіммен қамтамасыз етуге және басқада шығындарға 247,5 млн. теңге жұмсалды.
Жетім және ата ананың қамқорынсыз қалған балаларды бағып-қағуға асыраушыларына ай сайынғы ақшалай қаражат төлемдері 73,5 млн. теңгені құрады.
Қосымша білім беретін мектептен тыс  11 мекеменің қызметін қамтамасыз етуге шығындар 575,7  млн. теңгені құрады.
Мемлекеттік тапсырыс орналастыру аясында 3 мамандандырылған-техникалық мекемеде мамандандырылған білім беруді ұйымдастыруға 152,3 млн. теңге бағытталды.
Мектептегі олимпиадаларды, мектептен тыс шараларды және конкурстарды өткізу үшін 15,1 млн.теңге қаражат бөлінді.
Жетім баланы (жетім балаларды) және ата-анасының қамқорлығынсыз қалған баланы (балаларды) асырап алған Қазақстан азаматтарына біржолғы ақшалай қаражаты төлеуге 1,0 млн. теңге бағытталды, патронат тәрбиешілерге берілген баланы (балаларды) асырап-бағуға 10,3 млн. теңге бағытталды.
Балалардың және жасөспірімдердің психикалық денсаулығын тексеру және халыққа психологиялық-медициналық-педогогикалық көмек көрсету бағдарламасы бойынша 9,0 млн. теңге игерілді. 
Оқулықтар сатып алу және жеткізу бағдарламасы бойынша 548,2 млн.теңге жұмсалды, оның ішінде (2015 жылы құралған сомасы 78,6 млн. тенге кредиторлық берешегі төленді). 
«Жұмыспен қамту жол картасы 2020» бағдарламасы бойынша қалаларды және ауыл елді мекендерін дамыту шеңберіндегі білім объектілерін жөндеуге 111,4 млн. тенге бағытталды. 
«Өңірлерді дамыту» бағдарламасы аясында 19,0 млн. теңге игерілді.
Ведомстволық бағыныстағы мемлекеттік мекемелердегі және ұйымдағы күрделі шығыстары бағдарламасы бойынша 156,5 млн. тенге игерілді, оның ішінде  75,9 млн. тенге балаларды тасымалдауға автокөліктер сатып алуға, 52,5 млн. теңге күрделі жөндеу жұмыстарын жүргізуге; 28,1 млн. теңге негізгі құралдарды сатып алуға бағытталды.
Қала бюджетінде 2016 жылға әлеуметтік көмек және әлеуметтік қамтамасыз етуге 1 411,6 млн. теңге қарастырылып, 1 410 млн.теңге шығындалды (жұмыспен қамту және әлеуметтік бағдарламалар бөлімінің аппаратын ұстау шығындарын есепке алмағанда).
2016 жыл бойынша әлеуметтік қамтамасыз етуге арналған 4 мекеменің жұмысын қамтамасыз етуге  528,4 млн.теңге бағытталды, оның ішінде белгілі тұрағы және құжаттары жоқ адамдарға арналған әлеуметтік бейімдеу орталығы, арнаулы әлеуметтік қызметтер көрсету орталығы,  зейнеткерлерге әлеуметтік қызмет көрсету аумақтық орталығы,  Жұмыспен қамту орталығы.  
Халықты жұмыспен қамтуды қолдау мақсаттарға есептік кезеңде 221,2 млн. теңге шығындалды. Оның ішінде жұмыссыздарды кәсіптік даярлау және қайта даярлауға 25,7 млн.теңге, халықты жұмыспен қамту саласында азаматтарды әлеуметтік қорғау жөніндегі қосымша шараларға 55,4 млн.теңге, қоғамдық жұмыстарға 64,6 млн. теңге. «Жұмыспен қамту жол картасы 2020» бағдарламасы аясында 75,5 млн. теңге, оның ішінде  республикалық бюджеттен трансферттер есебінен – 66,7 млн.теңге және Қазақстан Республикасы Ұлттық қорынан мақсатты трансферттер есебінен 8,8 млн.теңге бағытталды.
Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт және ветеринар мамандарына отын сатып алуға 7,9 млн.теңгеге әлеуметтік көмек көрсетілді.
Мемлекеттік атаулы әлеуметтік көмек төлемдеріне 21,2 млн. теңге, тұрғын үй көмегін көрсетуге 54,1 млн.теңге шығындалды. 
Жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек көрсетуге 319,8 млн.теңге шығындалды.
Үйден тәрбиеленіп оқытылатын мүгедек балаларды материалдық қамтамасыз етуге 50,7 млн. теңге және 18 жасқа дейінгі балаларға мемлекеттік жәрдемақылар төлеуге 22,5 млн теңге бағытталды.
Мұқтаж мүгедектерді міндетті гигиеналық құралдармен және ымдау тілі мамандарының қызмет көрсетуін, жеке көмекшілермен қамтамасыз етуге 85 млн. теңге бағытталды.
Өрлеу жобасы бойынша келісілген қаржылай көмекті енгізуге 36,7 млн. теңге шығындалды.
Мүгедектер өмірінің сапасын арттыруға және құқықтарын қамтамасыз етудегі іс-шаралар Жоспарын жүзеге асыруға 58 млн.теңге шығындалды.
 

 

2015 жылға қала бюджетінің орындалуы туралы

 

2014 жылға қала бюджетінің орындалуы туралы

 

2013 жылға қала бюджетінің орындалуы туралы

 

2012 жылға қала бюджетінің орындалуы туралы

 

2011 жылға қала бюджетінің орындалуы туралы

Өңдеу күні: 16-01-2017