Акимат » Кәсіптік оқыту

Кәсіптік оқыту

«Семей қаласы әкімдігінің халықты жұмыспен қамту орталығы» коммуналды мемлекеттік мекемесі жұмыспен қамту және әлеуметтік бағдарламалар Басқармасы бекіткен жоспар бойынша 2017 жылы Қазақстан Республикасы Үкіметінің 2016 жылдың 29 желтоқсанындағы қаулысымен бекітілген «2017-2021 жылдары Нәтижелі жұмыспен қамту және жаппай кәсіпкерлікті дамыту» Бағдарламасының (ары қарай Бағдарлама) аясында бірінші траншпен бөлінген қаржы есебінен 450 адамды (соның ішінде 100 адам – арнайы жоба бойынша) қысқа мерзімді кәсіптік оқуларға жіберуі қажет.
Қазақстан Республикасы Ұлттық экономика Министрлігінің  хатына  сәйкес, Бағдарлама аясында қаралған кәсіпкерлік негіздеріне оқыту (30 адам) «Бастау бизнес» жобасы бойынша оқытылатын болып, 1564,0 мың теңге бюджетке қайтарылды. Осыған байланысты Нәтижелі жұмыспен қамту және жаппай кәсіпкерлікті дамыту Бағдарламасы аясында қысқа мерзімді кәсіптік оқуларға оқытылатын адамдар саны 420-ға дейін азайды.
Оқытатын оқу орындарын анықтау Қазақстан Республикасының «Мемлекеттік сатып алу туралы» Заңына сәйкес конкурс тәсілімен өткізілді. Жұмыспен қамту орталығы ағымдағы жылдың 5 мамырында бірінші траншпен бөлінген 97811,0 мың теңге қаржы есебінен 420 адамды оқыту үшін ҚР Қаржы Министрлігінің порталында электронды мемлекеттік сатып алу  туралы хабарландыру орналастырды. 24 лоттың ішінде 8 лот бойынша (дәнекерлеуші (барлық түрі бойынша), слесарь-сантехник, бухгалтер, электронды есептеу машинасының операторы, кондитер, аспаз, аспаз-кондитер, сақтандырушы агент) конкурс өтті деп есептелді де, «Құрлыс колледжі», «Бизнес және сервис колледжі», «Жастар колледжі» мекемесі, «Қайнар» жауапкершілігі шектеулі серіктестігі мекемелерімен келісім шарт жасалып, 175 адам оқуды  бастады.
Қалған 16 лот бойынша (наубайшы, тырнақ сәндеу шебері, аяқ киім жөндеуші, тігінші, шаштараз, қызмет көрсетуші менеджер, кеңесші, модельер-пішуші, бақылау-өлшеу аспаптары мен автоматика слесарі, күш желілері және электр жабдықтары бойынша электр монтаждаушы, автокөліктің электр құрылғыларын жөндеуші электрик, ауыл шаруашылығы өндірісінің тракторшы-машинисі, краншы, плитамен қаптаушы, ет сылушы, кәсіби күтуші) мемлекеттік сатып алу ҚР «Мемлекеттік сатып алу туралы» Заңына сәйкес бір көзден алу тәсілімен өткізіліп, «Құрлыс колледжі», «Электротехника колледжі», «Бизнес және сервис колледжі»,  «Шығыс Қазақстан технологиялық колледжі», «М. О. Әуөзов атындағы педагогикалық колледжі» коммуналды мемлекеттік қазынашылық кәсіпорындарымен, «Жастар колледжі», «Семей қаласының технология колледжі» мекемелерімен келісімшарт жасалып, 2017 жылдың 11 шілдесінен 245 адам сабақты бастайды деп күтілуде.
 
 

Жұмыспен қамту және әлеуметтік бағдарламалар бөлімі


Кәсіптік оқыту 2016 жыл

 

Өңдеу күні: 10-07-2017