Акимат » Семей қаласындағы жастар саясаты 2017 жылдың 1 шілдесіне

Семей қаласындағы жастар саясаты 2017 жылдың 1 шілдесіне

Мемлекеттік жастар саясаты Қазақстан Республикасының «Мемлекеттік жастар саясаты туралы» Заңы және «Қазақстан 2020: болашаққа жол»  Қазақстан Республикасы мемлекеттік жастар саясатының 2020 жылға дейінгі даму тұжырымдамасы  аясында жүзеге асырылады. 
Статистикалық мәліметтерге сәйкес, 14 пен 29 жас аралығындағы жастар саны 93 мың 157 адам немесе тұрғындардың жалпы санының  27%-ын құрайды. 
Мемлекеттік жастар саясатын жүзеге асыру саласында төмендегідей іс-шаралар ұйымдастырылып, өткізілді.
Қаңтар айында радиотехника және байланыс колледжі студенттерімен «Болашақ маман» тақырыбында кездесу өткізілді. Оған  жастар ресурстық орталығының және жұмыспен қамту орталығының өкілдері қатысты.
Қазақстан Республикасы дін істері және азаматтық қоғам вице-министрі Абзал Нүкенұлы Нүкеновпен электротехникалық колледж базасында  жастар ұйымдарының көшбасшылары мен «Серпін -2050» бағдарламасы бойынша білім алып жатқан студенттермен кездесуі өткізілді. Кездесу барысында мемлекеттік әлеуметтік тапсырыстың өткізілу ережесі, жастарға арналған бағдарламалар жайлы түсіндірілді.
Ақпан айында Қазақстан Республикасы Президентінің  2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты Жолдауын  түсіндіру мақсатында  электротехникалық, «Қайнар» және көлік колледждерінде студенттермен кездесу ұйымдастырылды.
15 ақпан күні қалалық Достық үйінде Кеңес әскерінің Ауғанстан жерінен шығарылуының 28 жылдығына орай, «Жас Отан» жастар қанатының белсенділері «Айбыны асқақ - ардагерлер» атты  қалалық ауған соғысы ардагерлері ұйымының төрағасы Б. О. Бегатовпен кездесу өткізді. Кездесу барысында жастар қонаққа сұрақтарын қойып, еркін түрде әңгіме жүргізді.
1 наурыз – Алғыс айту күніне орай,  жастар ресурстық орталығы «Қазақстан студенттерінің альянсы» РСҚ бірлесе отырып, «Мен алғыс айтамын...» акциясын ұйымдастырды. Акция барысында жастар көшеге шығып, қала тұрғындарына құттықтау хаттар таратты.
Сонымен қатар, қала жастары 22 наурыз күні  Ұлыстың ұлы мерекесі – Наурыз мейрамына арналған театрландырылған қойылымға белсене қатысты.
Қалалық  Мәдениет сарайында «Семей аруы» байқауы ұйымдастырылды. Байқауға қаланың жоғарғы және арнайы-орта оқу орындарының арулары қатысты. Бірнеше кезеңнен тұрған сайыс қорытындысы бойынша «Семей аруы» атағын құқық және бизнес колледжінде «Серпін -2050» бағдарламасымен білім алып жатқан студент жеңіп алды.
Діни экстремизм мен терроризмнің алдын-алу мақсатында жоғарғы және арнайы-орта оқу орындарында түсіндіру жұмыстары жүргізіліп,  қалалық Мәдениет сарайында «Біз, жастар сектаға қарсымыз» атты арнайы спектакль қойылды.
5 сәуірде Абай атындағы кітапханада ақын Фариза Оңғарсынованың шығармашылығына арналған «Поэзия патшайымы» атты жас ақындар  кеші ұйымдастырылды. Кеш барысында жоғарғы және арнайы-орта оқу орындарының студенттері ақын шығармаларын жатқа оқыды.
7 сәуір күні әкімідіктің мәжіліс  залында қала әкімі орынбасарының төрағалық етуімен жастар істері жөніндегі Кеңестің отырыс өткізілді. Кеңес күн тәртібіне «Қала мектептеріндегі жастар ұйымдарының жұмысы туралы», «Техникалық және кәсіби білім беру ұйымдарындағы тәрбие жұмысытары» мен «Шульбинск кентінде жастар саясатының жүзеге асырылуы туралы» мәселелер енгізіліп,  жауапты бөлім және мекеме басшыларының ақпараттары тыңдалды.
10 сәуір күні қалалық мәдениет Сарайында «Қазақстан жастарын қолдау» жастар қоғамдық бірлестігі «Қозы Көрпеш – Баян Сұлу» атты ғашықтар байқауын ұйымдастырды. Байқауға 6 жұп қатысып, өз өнерлерін көрсетті. 
18 сәуір күні Абай атындағы кітапханада «Семей қаласында жастардың жұмыспен қамтылуы» тақырыбында дөңгелек үстел ұйымдастырылды. Оған  мәдениет және тілдерді дамыту, дене шынықтыру және спорт, жұмыспен қамту және әлеуметтік бағдарламалар бөлімі мен жұмыспен қамту орталығының өкілдері, жастар ресурстық орталығының директоры мен жастар ұйымдарының жетекшілері қатысты.
22 сәуір күні қала жастарының бастамасымен Ертіс өзенінің жағалауында «Музыкалық сенбілік» атты экологиялық акция өткізілді. Оған «Жас Отан» жастар қанаты мен «Қазақста нстуденттерінің Альянсы» РСҚ белсенділері қатысты.
25 сәуірде қалалық  мәдениет Сарайында  жыл сайын ұйымдастырылатын «Студент жастар театры - 2017» байқауы өткізілді. Оған 5 оқу орынынан студенттер театры қатысты.
29-30 сәуір күндері қала жастары және жастар ұйымдары арасында Спартакиада ойындары өткізілді. Спорттың 4 түрінен өткізілген Спартакиада ойындарына барлығы 200-ден астым қатысушы қатысты.
1 мамыр күні Абай атындағы театрда Семей қаласы әкімінің Кубогына арналған  республикалық «Жайдарман» ойындары өткізілді. Оған  Астана, Алматы, Шымкент, Қызылорда, Өскемен, Аягөз және Семей қалаларының командалары қатысты.
5 мамыр күні Орталық алаңда  жастар ресурстық орталығының ұйымдастыруымен  Қазақстан Республикасы Қарулы Күштерінің 25 жылдығына арналған «Елім деп соғар жүрегім» атты флешмоб ұйымдастырылды. Оған «Шығыс» өңірлік қолбасшылығының қызметкерлері мен студент жастар қатысты. 
6 мамыр күні «Жас қанат» әскери-патриоттық спорт клубының базасында жоғарғы сынып оқушылары арасында «Жас Ұлан» әскери-патриоттық ойындары ұйымдастырылды. Ойын соңында  қатысушылар алғыс хаттар мен марапатталып, жеңімпаздарға 2017 жылдың 10 маусымы мен 10 қыркүйегі аралығында Астана қаласынжа өтетін  халықаралық мамандандырылған «ЭКСПО-2017» көрмесіне билеттер тапсырылды.
7 мамыр күні Орталық алаңда Қазақстан Республикасы Қарулы Күштерінің 25 жылдығына орай дәстүрлі «Вен балы» ұйымдастырылды. 
9 мамыр күні Ұлы Отан соғысындағы Жеңістің 72 жылдығына орай, қала жастары ерлікке тағзым ету мақсатында автошеру және «Жеңіс саябағында» «Жеңіс шырағы» акциясын ұйымдастырды. Оған белсенді жастар мен қатар қала тұрғындары да белсене қатысты.
13 мамыр күні «Семей жастар Ассамблеясы» қоғамдық бірлестігі  «ЭКСПО-2017» көрмесін қолдауға арналған «Жас еріктілер слетін» өткізді. Оған  Павлодар, Өскемен және Семей қаласынан келген еріктілер қатысты. Слет барысында   мектеп оқушыларының қолымен жасалған көрме,  семинар-тренинг және конференция ұйымдастырылып, соңында семинар қатысушыларына сертификаттар, көрме қатысушаларына «ЭКСПО-2017» көрмесіне билеттер  тапсырылды.
25 мамырда қалалық мәдениет Сарайында  «Мәңгілік ел жастары – индустрияға!» «Серпін - 2050» бағдарламасымен білім алу үшін басқа өңірлерден келген студенттер арасында «Серпін – 2017» фестивалі ұйымдастырылды.  Оған  8 оқу орынынан қатысушылар қатысты.
4 маусым күні Қазақстан республикасы Мемлекеттік рәміздерінің  25 жылдығына орай, Орталық алаңда «Менің Қазақстаным!» атты патриоттар форумы ұйымдастырылды. 
25 маусымда жастар күніне орай, қала жастарына арналған «Яркокросс» бояулар мерекесі ұйымдастырылды. Бояулар мерекесі Ертіс өзенінің жағалауынан басталып, Орталық мәдениет және демалыс саябағында мерекелік концерттік бағдарламамен жалғасты.
28 маусым күні әкімдіктің мәжіліс залында  жастар істері жөнінегі Кеңестің отырысы ұйымдастырылды. Кеңес мүшелерінің, мемлекеттік мекеме басшыларының қатысуымен өткізілген отырыста «Жастар арасындағы суицидтің алдын-алу жұмыстары» мен «Приречный ауылында мемлекеттік жастар саясатының жүзеге асырылуы туралы»  мәселелер қаралды.
 

 
Ішкі саясат бөлімі
 

 
 
 
 
 
 
 
 
 
 
 
 
 
 
 
 
Өңдеу күні: 29-06-2017