Акимат » Семей қаласындағы денсаулық сақтау 2017 жылдың 1сәуіріне

Семей қаласындағы денсаулық сақтау 2017 жылдың 1сәуіріне

Қала тұрғындарына медициналық көмекті тегін медициналық көмектің кепілдендірілген көлемі шеңберінде 62 медициналық ұйым (25 жекеменшік) көрсетеді: оның ішінде 20 стационар (6 жекеменшік), 32 амбулаториялық-емханалық (18 жекеменшік).

Бүгінгі таңда қаланың медициналық мекемелерінде 1,5 мыңнан астам дәрігерлер мен 3 мыңнан астам орта медициналық қызметкерлер жұмыс атқарады.

Сапалы кәсіби медициналық білім алуды жалғастыру мақсатында біліктілікті жетілдіру ісі Қазақстан Республикасының Медициналық орталықтарында, сонымен қатар шетелде – Оңтүстік Корея, Израиль, Германия, Ресей, Франция, Латвия, Туркия, Польшада жүргізіледі.

Біліктілік санаты бар медициналық қызметкерлердің салмақтық үлесі 73%-ды құрайды.

Жыл сайын денсаулық сақтау саласына бөлінетін қаржы өсіп келеді.

Денсаулық сақтау саласының бюджеті: 2013ж. – 16,2млрд., 2014ж. – 18,7 млрд., 2015ж. – 16,9 млрд., 2016ж. – 19,8 млрд., 2017ж. - 14,6 млрд.

Амбулаториялық деңгейде 26 мыңнан астам науқасты 42 кең тараған, соның ішінде сирек кездесетін және ауыр аурулардан емдеуге тегін дәрілік көмек қарастырылған. Биылғы жылы 801 млн. теңгеден жоғары қаражат бөлінген.

Қалада жекеменшік және мемлекеттік – жекеменшіктік серіктестік түріндегі медициналық ұйымдардың қызмет етуіне бәсекеге қабілетті жағдай жасалуда.

Медициналық ұйымдардың жабдықталуы 83%-ға артты.

«Бес институционалдық реформаның орындалуының 100 нақты қадамы» Ұлттық Жоспарына сәйкес медициналық ұйымдарда менеджмент пен корпоративті басқару жүйесі дамып келеді. Мемлекеттік медициналық ұйымдардың дербестігін ұлғайту бақылау кеңесте рі бар шаруашылық жүргізу құқығындағы ұйымдарға ауыстыру арқылы жүзеге асырылуда. Семей қаласы бойынша 16 медициналық ұйым шаруашылық жүргізу құқығына ауыстырылды, 10 бақылау кеңесі құрылды. 

Мемлекет Басшысының 2016 жылғы 15 қаңтарындағы №176 Жарлығымен  бекітілген Қазақстан Республикасының денсаулық сақтау саласының 2016-2020ж. арналған «Денсаулық» жаңа мемелекеттік бағдарламасы басталды. Ол алдынғы бағдарламалардың логикалық жалғасы болып табылады және денсаулық сақтау саласын жақсартуды тереңдетуге бағытталған.

Тұрғындардың әлеуметтік жағдайының жақсаруы және денсаулық сақтау саласында жаңа ииновациялық технологиялардың енгізілуі арқасында бала өлімі төмендеді, ана өлімі тіркелген жоқ, қан айналымы аурулары  және онкологиялық аурулардан өлім төмендеді, туберкулез және онкологиялық аурулармен ауру көрсеткіші төмендеді. Аталғандардың барлығы демографиялық жағдайдың және өмір сүру ұзақтығының жақсаруына ықпал етті.      

 

Көрсеткіш атауы

 

2016 жыл

2016 жыл

3 ай

2017 жыл

3 ай

1

Бала өлімі

9,4

8,2

8,1

2

Ана өлімі

0

0

0

3

Туберкулезбен ауру

59,5

15,4

13,8

4

Онкологиялық аурулармен ауру

288,2

65,9

67,4

5

Онкологиялық аурулардан өлім

134,2

62,6

64,1

 

         Аталған бағдарлама аясында алғашқы медициналық көмекті, кардиологиялық және онкологиялық қызметті жақсарту жұмыстары, инновациялық технологияларды енгізу жұмыстары қарқынды жүргізіліп жатыр. 

Емдеу мен зерттеуге жаңа технологияларды енгізу жалғасуда. Семей қаласының Өңірлік Онкологиялық Диспансерін заманауи жоғары технологиялық медициналық құрылғыларымен жабдықтау арқасында (компьютерлі томограф, магнитті-резонансты томограф, сызықтық үдеткіш, эндовидеоскоптық құрылғы, обырды химиоэмболизациялау әдісі) онкологиялық аурулармен ауру мен өлім көрсеткішін төмендетуге ықпал етті.

         МАҚСАТТАР:

         - Денсаулық көрсеткіштеріне жоспарлы түрде жету үшін тұрғындардың денсаулығын жақсарту.

         - Денсаулық көрсеткіштерін орындау: онкологиялық аурулардан өлімді азайту, туберкулез ауруынан өлімді азайту, қан айналымы ауруларынан болатын өлімді азайту, бала өлімін азайту.

         - Интеграцияланған денсаулық сақтау жүйесі негізінде тұрғындардың барлығына сапалы медициналық көмекті қол жетімді ету. 


Семей қаласындағы денсаулық сақтау 2016 жыл

 

Өңдеу күні: 15-04-2017