Акимат » Семей қаласының білім беру жүйесінің дамуы 2017 жылдың 1 сәуіріне

Семей қаласының білім беру жүйесінің дамуы 2017 жылдың 1 сәуіріне

Білім беру жүйесінде ҚР Президентінің 2016 жылғы 1 наурыздағы № 205 Жарлығымен бекітілген Қазақстан Республикасында білім беруді дамытудың 2016-2019 жылдарға арналған мемлекеттік бағдарламасы іске асырылуда. 
2017 жылғы білім саласын қаржыландыру көлемі 12 737,2 млн.теңгені құрады (2016 ж - 12 147,8 млн. теңге.). Бір оқушыға шығатын қаржының көлемі  158,3 мың теңге  (2016ж. – 147,7).
Күрделі жөндеу жұмыстарына  (16 мектеп) – 114 157,0 мың теңге, ағымды жөндеу жұмыстарына   (21 мекеме) – 110 696,0 мың теңге ( 2016 ж -98 872,5 мың теңге), Жол картасы бойынша (2 мектеп) – 8 982 мың теңге, қаржы жұмсалды. 
Мамандармен қамтылу
Жалпы білім беретін мектептерде 4026 мұғалім қызмет атқарады.  Оның         3587 (89 %)  жоғары білімді, 439(10 %) арнаулы орта. Деңгейлік курстардан өткен мұғалімдер саны-742. 
2016-2017 оқу жылында жұмысқа 98 жас маман қабылданды, оның  81-і қала мектептеріне, ал 17-сі ауыл мектептеріне орналасты.  
2016-2017 оқу жылында «Дипломмен ауылға» бағдарламасымен 3 маман ауыл мектептеріне жіберіліп, 7 641 000 мың теңге көлемінде несие беріліп, 9 маманға 1 326 500 мың теңге көлемінде республикалық бюджеттен жәрдемақы берілді.  
2016-2017 оқу жылында 1-сыныптарға сабақ беретін 445 бастауыш мұғалімдері, бейнелеу, музыка, дене шынықтыру пәні мұғалімдері білім мазмұнын жаңарту аясындағы квалификацияны жоғарлату курстарынан өтті.  
Мектепке дейінгі тәрбие беру мен оқыту
Семей қаласында 48 балабақша және 49 мектеп жанындағы шағын орталық  қызмет етеді. 2016 жылы 541 мемлекеттік тапсырысы орналастырылған, мемлекеттік-жекеменшік әріптестік шеңберінде 7 жекеменшік балабақша  ашылды. 
Мектепке дейінгі біліммен қамтылған  барлық  балалардың  саны 96.2 % (10130).
Селевина көшесі бойынша 140 орынды коррекциялық балабақша ашылуы жоспарлануда(№3 балалар үйі ғимараты).
Жалпы орта білім беру
2016 жылғы 1 қыркүйекке қарасты  қала мектептерінің желісі  66 білім беру мекемесімен ұсынылып,  41939 оқушы білім алуда. 
Барша балаларды тең дәрежеде жалпы  орта біліммен қамту мақсатында, мектептері жоқ алыс аймақтарда тұратын 1283 оқушыларға тегін тасымалдау ұйымдастырылған. Оқушыларды тегін тасымалдау үшін 10 автокөлік берілді.  
2016-2017 оқу жылының басында 1-6, 8-11 сыныптарды оқулықпен қамту 100% (7 сыныптар оқулықпен қамту 70%, 2017 жылы оқулықтар жаңартылады), 2015 жылы 75% құраған. 
2016 жылы қала мектептерінде 1539 бала 11 сыныпты бітірді. Оның ҰБТ-ға қатысқаны 61,7%. Қала бойынша орта балл – 82,6  ( 2015 жылы– 76 балл),  облыс бойынша – 82 6алл, республика бойынша – 81,2 балл. «Алтын белгі» төсбелгісін 72,2% ақтап шықты, үздік аттестат 78,5 %.
Шығыс Қазақстан облысы маслихатының 2016 жылғы  14 шілдедегі кезекті V сессиясының VІ шақырылымының шешімі негізінде 2016 жылғы 1 қыркүйектен бастап «Дарынды  мектеп»  кешенді жоспарына сәйкес  төмендегі сыныптар ашылды:
- «№40 жалпы орта білім беретін мектеп» КММ «Шығыс Ұландары» кадет сыныптары;
- «№38 жалпы орта білім беретін мектеп-лицейі» КММ «Зияткер»инженер сыныптары;
- «№23 жалпы орта білім беретін мектеп» КММ спорт сыныптары;
- №1 «Арман» бала бақшасында «Ой ойна»;
- К.Бітібаева зертханасы  «Семей қаласындағы №37 гимназия».
Шығыс Қазақстан әкімі Д. Ахметовтың 2015 жылғы 27 тамыздағы  №1/357 хаттамалық тапсырысы бойынша «Ұлт жоспары- «100 нақты қадам» стратегиясының 79-қадамын жүзеге асыру мақсатында ШҚО білім басқармасы 2015-2019 оқу жылдарына арналған үштілдікті дамыту кешенді жоспарын әзірледі. Аталмыш бағдарлама бойынша орыс тілі, қазақ тілі, ағылшын тілі мұғалімдерінің 80%  курстан өтті. Политехникалық цикл мұғалімдеріне де ағылшын тілі курстары басталды. 
Тілдерді терең зерттеу үшін облыстық бюджеттен бөлінген қаражатқа (176 млн.теңге) Cambridge University Press баспасының ағылшын тілі оқулықтары, Оразбаев редакциясының қазақ тілі оқулықтары, Хамраева редакциясының орыс тілі оқулықтары  қамтылды. 
Білім беру мекемелері оқушылардың толық қанды ыстық тамақпен  қамтылуын қамтамасыз етуде. Ыстық тамақ 54 қала мектептерінде 100% ұйымдастырылған. Тегін ыстық тамақпен әлеуметтік-қорғалмаған категориясына жататын балалардың барлығына ұйымдастырылды (5842 бала).  
2017 жылға Бобровка  кентінде 600 орынға және Ұшақтар кентінде 1200 орынға мектеп құрылыстары жоспарлануда. 2017 жылы Степной кентінде 300 орынды мектеп салу үшін ЖСҚ әзірлеу жоспарлануда. 
Қосымша білім беру
Қалада 11 қосымша білім беру ұйымдары қызмет атқарады, оларда 514 үйірме жұмыс жасайды.
Қосымша білім беру ұйымдарындағы оқушылар контингенті 16081 адамды құрайды немесе оқушы санынан  40 %. 
Жыл сайын оқушылардың бөлінетін қаржы көлемі өсуде.  Осы мақсатта 466 аз қамтылған отбасы балаларының жазғы демалысын ұйымдастыруға 2017 жылы қала бюджетінен жолдамаға 10 млн. 485 мың теңге бөлінді. 
Қаламыздың 15 мектебінде «Мәңгілік ел» кабинеттері ашылды. Бұл орталықтар балаларға патриоттық тәрбие беру ретінде ашылуда.  Бұл кабинеттер жанында туған елдің тарихын, мәдениетін меңгертуге бағытталған интеллектуалды клубтар ашылды.  
 
Білім бөлімі
 
 

Семей қаласының білім беру жүйесінің дамуы 2016 жыл

 

Семей қаласының білім беру жүйесінің дамуы 2015 жыл

 

Семей қаласының білім беру жүйесінің дамуы 2014 жыл

 

Семей қаласының білім беру жүйесінің дамуы 2013 жыл

 

Семей қаласының білім беру жүйесінің дамуы 2012 жыл

 

Семей қаласының білім беру жүйесінің дамуы 2011 жыл

 

Семей қаласының білім беру жүйесінің дамуы 2010 жыл

Өңдеу күні: 14-04-2017