Акимат » Семей қаласының халқын әлеуметтік қорғау 2017 жылдың 1 шілдесіне

Семей қаласының халқын әлеуметтік қорғау 2017 жылдың 1 шілдесіне

«ШҚО Семей қаласының жұмыспен қамту және әлеуметтік бағдарламалар бөлімі» ММ 18 әлеуметтік бағдарламаның игерілуін қамтамасыз етуде. Бөлімнің ведомстволық бағынысында 4 мекеме бар.
2017 жылдың  I  жартыжылдығында 847,8 млн. теңге игерілді, соның ішінде қалалық бюджеттен 573,1 млн. теңге, облыстық бюджеттен 245,4 млн. теңге, республикалық бюджеттен 29,3 млн. теңге.
Есепті мерзім ішінде көрсетілген мемлекеттік  қызметтер саны 23657, соның ішінде «Азаматтарға арналған Үкімет» Мемлекеттік корпорациясы арқылы 4365.
 
Нәтижелі жұмыспен қамтуды және жаппай кәсіпкерлікті дамыту бағдарламасы
 
Республикалық және жергілікті бюджет қаражаттарынан қаржыландырылған Нәтижелі жұмыспен қамтуды және жаппай кәсіпкерлікті дамыту бағдарламасы мен Қаланы дамыту бағдарламасы өнімді жұмыспен қамтамасыз етудің пәрменді тетігі болып табылады, бұл бағдарламалар аясында қала халқының жұмыспен қамтылуына жәрдемдесудің белсенді шаралары іске асырылады: жұмысқа орналастыру; уақытша ақылы қоғамдық жұмыстарға тарту; қәсіптік оқытуға жолдау; жастар тәжірибесі және әлеуметтік жұмыс орындарымен қамту.
Халықты жұмыспен қамтуға жәрдемдесу үшін 2017 жылға арналған Кешенді жоспар әзірленді. Аталған жоспарға сәйкес жыл басынан жұмыспен қамтудың белсенді шараларымен 3555 адам қамтылды, соның ішінде 880 адам  нәтижесіз өз бетінше жұмыспен қамтылғандар. Тұрақты және уақытша жұмыс орындарына         3026 адам жұмысқа орналастырылды, оның ішінде тұрақты жұмыс орындарына – 2525, уақытша әлеуметтік жұмыс орындарына - 259 адам, жастар тәжірибесіне оқу орындарының 242 түлегі жолданды. Қоғамдық жұмыстарға 355 адам жіберілді. Кәсіптік оқытуға (қысқа мерзімді курстарға) 174 адам жолданды.  
Шағын несиелендіру мәселесі бойынша өтініш беруші үміткерлердің саны 111 адам, олардан 19 - іске асырылудағы бизнесті кеңейтуге және 92 – өз ісін ашуға, оның ішінде 51 өтініш ауылдық елді мекендерінен және 60- қаладан.
2017 жылы жұмыс берушімен бірлесе қаржыландырумен,  Мұздыбай ауылында 10 екіпәтерлік  тұрғын үйлердің  құрылысы жүргізілуде. Жергілікті бюджеттен осы мақсатқа 157 млн. теңге бөлінді, соның ішінде үйлерді салуды аяқтауға  – 127,0 млн. теңге және инженерлі-коммуналдық инфрақұрылымды салуға  – 30,0 млн. теңге. ОҚО өткізілген бос жұмыс орындарының жәрмеңкесіне, қоныс аударумен жұмыс күшін тарту мақсатында, «Мұздыбай» ШҚ басшысы Т. Баймуринов қатысты. 
2017 жылдың 1 шілдесінде  еңбек нарығындағы тіркелген жұмыссыздар саны 1806 адамды құрады. 
 
          
   Әлеуметтік бағдарламалар
 
Басымды бағыттар мен міндеттердің бірі болып табысы күн көріс деңгейінен төмен адамдарды (отбасыларды) әлеуметтік қолдау есебінен кедейлік деңгейін төмендету болып табылады. Есепті мерзім ішінде мемлекеттік атаулы әлеуметтік көмек – табысы күнкөріс деңгейінен төмен 478 азаматы бар 132 отбасыға көрсетілді. Осы мерзімде төленген сома 9,7 млн. теңге. 18 жасқа дейінгі балаларға мемлекеттік жәрдемақы 1443 балаға 12,0 млн. теңге сомасында тағайындалды. 37,1 млн. теңге мөлшерінде 1518 отбасыға тұрғын үй жәрдемақысы төленді, өтініштер саны 2016 жылмен салыстырғанда 183 отбасыға ұлғайды (1335 отбасы), бұл аз қамтылған халықты ұлғайтуды қамтуға мүмкіндік.
«Өрлеу» жобасы бойынша келісілген қаржылай көмекті енгізу» бағдарламасы бойынша 471 алушылары бар 121 отбасыға барлығы 16,8 млн. теңге сомасында, соның ішінде республикалық бюджеттен – 9,2 млн. теңге, жергілікті бюджеттен – 7,6 млн. теңге көмек көрсетілді. Ағымдағы жылы атаулы әлеуметтік көмек алушылар қатарынан 48 алушылары бар 10 отбасы, балалар жәрдемақысын алушылар қатарынан 248 азаматы бар 50 отбасы және бірінші рет өтініш бергендер 175 азаматы бар 61 отбасы жобаға тартылды.
Жергілікті өкілетті органдардың шешімі бойынша мұқтаж азаматтардың жекелеген санаттарына әлеуметтік көмек көрсету бойынша есепті мерзім ішінде 267,4 млн. теңге игеріліп, 8674 алушыға әлеуметтік көмек көрсетілді. 
Біржолғы әлеуметтік көмек мереке және атаулы күндерге: Ауғанстан аумағындағы ұрыс-қимылдарға қатысушыларға, Ауғанстанда қайтыс болған әскери қызметшілердің жанұяларына, ҰОС қатысушылары мен мүгедектеріне, көп балалы аналарға. Бұдан басқа, қиын өмірлік жағдай туындаған мұқтаж азаматтардың жеке өтініштері бойынша, аз қамтылған отбасылардан шыққан түлектерінің, жетім балалардың және ата-анасының қамқорлығынсыз қалған балалардың облыстың жоғары оқу орындарындағы оқуын төлеу, шәкірақы, жатақханада тұру үшін мемлекеттік қолдау ретінде әлеуметтік көмек көрсетіледі.
Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт және ветеринар мамандарына отын сатып алуға Қазақстан Республикасының заңнамасына сәйкес әлеуметтік көмек көрсетуге есепті мерзім ішінде 0,01 млн. теңге игеріліп, 1 алушыға әлеуметтік көмек көрсетілді.
 Халықтың әлеуметтік қорғауға аса мұқтаж мүгедектер болып табылады. Есепті мерзімде 356 мүгедек міндетті гигиеналық құралдармен, 136 кресло-арбалармен, тифлотехникалық құралдармен 137, сурдотехникалық құралдармен 145 мүгедек қамтамасыз етілді. Есту қабілеті бойынша 172 мүгедекке 4 ымдау тілі маманының, жүріп - тұруы қиын бірінші топтағы 220 мүгедекке жеке көмекшінің қызметі көрсетілді. 
«Уба», «Самал», «Мойылды»   шипажайларында 629 адам, соның ішінде 109 мүгедек емделуден өтіп, денсаулығын түзеді. Қалалық бюджет қаражаты есебінен «Үйде оқитын және тәрбиеленетін мүгедек балаларды материалдық қамсыздандыру» бағдарламасы бойынша 246 мүгедек балаға 32,3 млн. теңге төленді. 
Мүгедектерді әлеуметтік қорғаудағы қажетті шаралардың бірі кәсіптік оңалту – бұл мүгедектерге жұмысқа орналасуға, оқуға және қайта оқуға көмек көрсету болып табылады. 
Есепті мерзімде жұмыспен қамтуға жәрдемдесу үшін 107 мүгедек өтініш берді. Тұрақты жұмыс орындарына 47 адам, соның ішінде квоталы жұмыс орындарына 22 адам, қоғамдық ақылы жұмыстарға 41 адам, жастар тәжірибесіне          10 адам, әлеуметтік жұмыс орындарына 3 адам, кәсіптік оқу курстарына 6 адам жолданды. 
Қалалық мүгедектер қоғамында тірек – қозғалыс аппараты бұзылған 1 – 2 топ мүгедектерін қаланың әлеуметтік маңызды нысандарына жеткізу бойынша қалалық бюджет қаражаты есебінен «Әлеуметтік такси» қызметі ұйымдастырылған. Жыл басынан осы қызметті 180 мүгедек пайдаланды, 2169 тапсырыс орындалып, осы қызметке қалалық бюджеттен 5,6 млн. теңге игерілді.
Бөлім жұмысының басым бағыты мүгедектерге, мүмкіндігі шектелген балаларға, жалғызілікті қарттарға және белгілі тұрағы жоқ адамдарға әлеуметтік қызметтерді көрсету болып табылады.
Арнаулы әлеуметтік қызметтерді көрсету 3 орталықта мынандай бағыттар бойынша жүргізіледі: үйден қызмет көрсету және күндізгі бөлімшеде жартылай стационар жағдайында, күндізгі бөлімшесінде болу және түнгі бөлімшесінде болу.
Арнаулы әлеуметтік қызметтер қамқорлықтағы 1431 адамға, соның ішінде 272 психоневрологиялық ауытқулары бар және тірек – қимыл аппараты бұзылған балаларға, 129 – 18 жастан асқан тұлғаларға, 1030 қарттар мен еңбекке қабілетсіз адамдарға. Күндізгі бөлімшеде 519 қызмет алушыға, соның ішінде 480 қартқа және 18 жасқа дейінгі мүмкіндігі шектелген 39 балаға арнаулы әлеуметтік қызметтердің кешені көрсетіледі. Белгілі тұрағы және құжаттары жоқ адамдарға арналған әлеуметтік бейімдеу орталығында екі бөлімше жұмыс істейді: 120 төсек орынға арналған күндізгі бөлімше, 30 төсек орынға арналған түнгі бөлімше. Есепті кезеңде орталыққа 702 адам жүгінді, соның ішінде: күндізгі бөлімшесіне 339 адам, түнгі бөлімшесіне 363 адам, 145 адам бейімделіп, 107 адам жұмысқа орналастырылды. 
Семей ядролық сынақ полигонындағы жарылыстардан зардап шеккен азаматтардан құжаттарды қабылдау жалғасуда. Есепті мерзімде экологиялық куәліктерді ресімдеу үшін 731 құжат жиынтығы ресімделді және 200 алушыға біржолғы ақшалай көмек төлеміне құжаттары ресімделді, 118 алушыға 3,6 млн. теңге өтемақы төленді.
Семей қаласында Ұлттық жоспарды іске асыру мақсатында тыныс-тіршіліктің барлық салаларындағы объектілер мен қызметтерге мүгедектердің қолжетімділігін қамтамасыз ету бойынша қолданыстағы үйлерге және ғимараттарға түгендеу жүргізу жөніндегі жұмыс тобы құрылды. 2012 жылдан бастап 2017 жылдың 1 шілде аралығында барлығы әлеуметтік инфрақұрылымның 341 нысаны түгенделді. 142 жоспарланған нысан жалпыға бірдей қабылданған стандарттарға сәйкес жартылай бейімделуден өтті. Семей қаласы бойынша 2017 жылға мүгедектердің әлеуметтік, көліктік инфрақұрылым нысандарын бейімдеу жөніндегі бекітілген өңірлік жоспарында 49 әлеуметтік нысандар бейімделуден өтеді деп жоспарланған. 
 
 
Жұмыспен қамту және әлеуметтік бағдарламалар бөлімі
 

 
 
 
 
 
 
 
 
 
 
 
 
Өңдеу күні: 10-07-2017