Акимат » Семей қаласында дене шынықтыру мен спорттың дамуы 2017 жылдың 1 қаңтарына

Семей қаласында дене шынықтыру мен спорттың дамуы 2017 жылдың 1 қаңтарына

Дене шынықтыру және спорт бөлімімен дене шынықтыру және спортты дамыту және дене шынықтыру және спортпен үнемі айналысушылардың санын арттыру бойынша бірқатар жұмыстар атқарылды. Қабылданған шаралар Семей қаласында дене шынықтыру және спорттың динамикалық дамуына септігін тигізеді. 
Семей қаласында бүгінгі таңда 343 556 адам тұрады, оның шамамен 100 000  мектеп оқушылары мен студенттер құрайды. Олардың қызметіне 384 спорт ғимараты, оның ішінде 7 бассейн, 4 стадион, 5 спорт кешені, 123 спорт залы, 1 дене шынықтыру – сауықтыру кешені, 5 шаңғы базасы, 5 мылтық ату тирі, 2 мұз айдыны (Локомотив, Цементник), 1 коньки тебу стадионы, 22 футбол алаңы, 130 арнайы салынған спорт залдар және 72 қосарланған спорт залдар бар. 
Аймақты дамыту жоспарына сәйкес мемлекеттік бюджет есебінен спортпен шұғылдануға қажетті жағдайлармен қамтамасыз ету үшін спорттық ғимараттардың құрылысы бойынша жұмыстар атқарылуда. 
Футбол манежінің құрылысы үшін 20 млн. теңгеге мемлекеттік сараптамасы мен бірге технико - экономикалық негіздеме құрастырылды. 
Хоккей модулінің құрылысы бойынша жобалық сметалық құжаттамасына өзгерістер енгізілуде.
Степной кентіндегі ипподромды жөндеуден өткізу үшін 7 млн. теңгеге жобалық-сметалық құжаттама дайындалды.
Озерки кенті ауданында биатлон кешені бар шаңғы базасының құрылысы үшін жер телімі бөлініп, жер актісі және жерге орналасу жоспары даярланып, жобалық сметалық құжаттаманы даярлауға  бюджеттік тапсырыс даярланды. 
Дастенов көшесі, 34 «А» мекен-жайында орналасқан «Семей қаласы бойынша № 1 Шығыс Қазақстан облыстық мамандандырылған балалар – жасөспірімдердің спорт мектебі» коммуналдық мемлекеттік кәсіпорнының базасында 2016 жылы 12 желтоқсанда дарынды балаларға арналған 200 орындық спорт академиясы және 4 кілемдік күрес залы ашылды. 
Қалада 2017 жылы 5000 орынға арналған мәдени – спорттық кешеннің құрылысын салу жоспарлануда. Бүгінгі күні техникалық – экономикалық негіздеме даярлау жұмысы басталды және жер телімінің бөлінуі бойынша жұмыстар атқарылуда. 
Қала бюджеті есебінен 2017 жылы жалпы құны 39,6 млн. теңге тұратын жарықтандыруы және ернеуі бар 4 көп жүйелі спорттық алаңдардың салынуы жоспарланған. Бұдан басқа «Workout» спорттық алаңдарының құрылысы да жоспарда тұр. Бүгінгі күні аталған алаңның құрылысы Юность мөлтек ауданында және Восход кентінде аяқталуға жақын. Сонымен бірге алаңдардың құрылысын Энергетик кентінде, Ертіс өзенінің жағалауында, Сәтпаев және Шмидт көшесіне орналастыру анықталып отыр. Шмидт 44 көшесінде орналасқан балалар – жасөспірімдер спорт мектебінде облыстық бюджет есебінен «Workout» спорт алаңының құрылысы аяқталуда. 
Сонымен қатар спорт саласына жеке инвестицияларды тарту жұмыстары да атқарылады:
«Цементник» стадионының территориясында жеке кәсіпкер                                          С. Темірханованың есебінен стадионға келушілерге арналған кафе және 100 орынға арналған қонақ үй салынды. Сонымен бірге жеке кәсіпкер С. Темірхановамен «Цементник» стадионының территориясында спорт залдың және жағажай футболына арналған алаңның құрылысы жоспарлануда. 
Жеке кәсіпкер А. Алтайбаевпен Толстой көшесі 9 мекен – жайында жалпы құны 50 млн. теңге тұратын пауэрлифтинг залы және осы кәсіпкер есебінен Момышұлы көшесі 35 мекен-жайында фитнес залы ашылды.   
2016 жылдың 21 ақпанында Глинки 16 мекен-жайында орналасқан «Жаңа Көктем» сауда үйінде Шығыс Қазақстан облысының таэквондо федерациясымен спорт зал ашылды. 
Аквапарк ауданында жеке кәсіпкер С. Агапкиннің есебінен теннис кортының құрылысы аяқталды. 
Биылғы жылы 3 футбол алаңының, 2 теннис кортының және бір жағажай волейболына арналған ойын алаңының құрылысы аяқталды. 
Ағымдағы жылдың шілде айында «Полковничий» аралында жеке меншік инвестиция есебінен WORKOUT» алаңы ашылды. 
Кекушинкай каратэ республиклық федерациясымен жалпы құны 70 млн. теңге тұратын каратэ модуль – залының құрылысы жоспарлануда. Бүгінгі күні жер телімінің бөліну жұмыстары атқарылуда. 
Қазақстан ауыр атлетика федерациясымен бекітілген меморандумға сәйкес құны 100 млн.теңгеге ауыр атлетика залының құрылысы жоспарланып, жер телімі бөлінді. 
Жеке кәсіпкер А. Кузнецованың жеке инвестициясы есебінен Абай көшесінде жалпы құны 90 млн. теңгені құрайтын хауыз залы бар теннис залының құрылысы салынуда. Пайдаланылуға берілу уақыты 2017 жыл.
Шүлбі кентінде жергілікті кәсіпкерлер есебінен стандартты, заман талабына сай және жалпы құны 7 млн. теңгені құрайтын хоккей кортының құрылысы аяқталды және 2 млн. теңгеге спорттық құрал – жабдықтармен қамтамасыз етілді. 
Спорт саласына 2015 жылы жалпы тартылған инвестициялар 138 млн. теңгені құрады. 2016 жылдың аяғына дейін 230 млн. теңге инвестиция тарту жоспарлануда. 
Кәмелет жасқа толмағандар және жасөспірімдер арасында қылмысты азайту және балалар мен жасөспірімдердің бос уақыттарын тиімді пайдалану мақсатында, сабақтан тыс уақыттарда 800 –ден астам әр түрлі үйірмелер мен спорттық секциялар жұмыс істейді. Қазіргі уақытта 37398 оқушының ішінен спорттық секцияларға қатысатыны 25469, яғни 50 %.
Барлық ауыл округтерінде спорт залдар бар, оларда дене шынықтыру және спортпен 2000 балалар және ересектер үнемі шұғылданады. 2015 жылдан бері ауыл жастары спартакиадасы жанданып, оған 700-ге жуық адам қатысты. Ауыл округтерінің спортшылары әр түрлі спорт түрлері бойынша қалалық жарыстарға қатысады. 
2013 жылдан бері дене шынықтыру және спортпен айналысушылар санының біршама өскендігі байқалады. Мысалы, 2013 жылы 61885 адамды немесе 18,4 % -ды, 2014 жылы 99200 адам немесе 28, %, 2015 жылы 99600 адам немесе 29,2  % -ды, 2016 жылы 102370 немесе 29,8 % -ды құрады.
Қалада облыстық спорт басқармасының теңгеріміндегі 3 спорт мектебі: «Семей қаласы бойынша № 1 Шығыс Қазақстан облыстық мамандандырылған балалар- жасөспірімдер спорт мектебі», «Семей қаласы бойынша № 2 Шығыс Қазақстан облыстық мамандандырылған олимпиадалық резерв мектебі», «Шығыс Қазақстан облыстық спорттың бұқаралық түрлері бойынша жоғары спорт шеберлігі мектебі», «ШҚО Семей қаласының дене шынықтыру және спорт бөлімі» мемлекеттік мекемесінің «Семей қаласы бойынша балалар – жасөспірімдер спорт мектебі» және білім бөліміне қарасты спорттық шеберлік мектебі, 23 федерация, 27 әртүрлі бағыттағы спорттық клубтар жұмыс істейді. 
Спорт саласында 692 маман қызмет атқарады, оның 595-нде жоғары дене шынықтыру білімі, 97 -нде орта арнайы дене шынықтыру білімі бар. Соның ішінде 295 жалпы білім беру орта мектептерінің мұғалімдері, 163 жоғары оқу орындары мен колледждердің мұғалімдері, 192 спорт бойынша жаттықтырушы – мұғалімдер, 15 балалар жасөспірімдер спорт мектебінің қызметкерлері (директор, директордың орынбасары, әдіскерлер). 12 кәсіптік техникалық мектептердің мұғалімдері және дене шынықтыру пәндерінің басшылары, 12 -сі спорт клубтар аппараттарының, 10 басқа дене шынықтыру қызметкерлері.  
2017 жылы балалар – жасөспірімдер спорт мектебінде бұқаралық спорт түрлері және мүмкіндіктері шектеулі тұлғаларға арналған бөлімдердің ашылуы жоспарланған.
Қалада спорттың 65 түрі, соның 25 - олимпиадалық спорт түрлері, 40 – олимпиадалық бағдарламаға жатпайтын спорт түрлері. Қазақ күресі, тоғызқұмалақ, жеңіл атлетика, футбол, волейбол, жағажай волейболы, баскетбол, стритбол, грек-рим күресі, дзюдо, еркін күресі, ауыр атлетика, бокс, коньки тебу спорты, шайбалы хоккей, шаңғы спорты, әскери – қолданбалы спорт түрлері, гандбол,  допты хоккей (бенди), велоспорт, полиатлон, спорттық туризм, авто – мото спорт және т.б.  дамыған.
Уәкілеттік орган ретінде 2016 жылы: 507 мемлекеттік қызмет көрсетілді. 
Жыл сайын мемлекеттік органдардың қызметкерлерін дене шынықтыру және спортпен айналысуға тарту, салауатты өмір салтын насихаттау мақсатында он спорт түрі бойынша мемлекеттік қызметкерлердің спартакиадасы өткізіледі. 
Семей қаласы тұрғындарының қысқы демалысын және сауықтырылуын ұйымдастыру мақсатында қалада 4 мұз айдыны құйылды. Олар: шаңғыны, конькиді, шаналарды жалға беретін «Цементник», «Локомотив», Орталық парк, «Строитель» профилакториі, «Тисса», олимпиадалық спорт түрлері бойынша балалар жасөспірімдер спорт мектебінің, «Строитель», Семей қаласының медицина университеті және Шәкәрім атындағы Семей мемлекеттік университетінің шаңғы базалары қала тұрғындары үшін буфет, жылы киім ауыстыру орындары, шаңғы, шананы жалға алу орындарымен сағат 9.00 ден 18.00-ге дейін жұмыс істеді. 
Тұрғындардың қысқы демалысын ұйымдастыру бойынша іс-шаралар, соның ішінде қысқы спорт түрлері бойынша «Алтын шайба», «Шаңғы шақырады», «Жаңа жыл жарысы», аула клубтарының қысқы старттары және т.б. бар. Қала тұрғындарының бұқаралық мұзда коньки тебуі үшін үлкен мұз айдындары құйылды.  Күнделікті Старый Крепость, Қызыл Кордон аудандарындағы шаңғы базалары қала тұрғындары үшін жұмыс істеді.
2016 жылдың 5 қарашасында Астана қаласындағы «Астана – Арена» стадионында Шығыс Қазақстан облысының командасы «Алтай» Тараз қаласының «Тараз» командасымен футболдан өтпелі кездесу өткізіп 3:0 есебімен жеңіске жетіп, Премьер – Лигаға жолдама алды. «Алтай» командасын қолдау үшін қаладан жанкүйерлер Астана қаласына поезбен және автобустармен барып  - қайтуы ұйымдастырылды. Бұдан басқа Л. Гумилев атындағы университет басшылығымен Семей аймағынан шыққан студенттер және мұғалімдер тарапынан қолдау көрсету топтары ұйымдастырылды. «Алтай футбол клубының үйдегі әр ойындарында 4000 –ға жуық жанкүйерлермен көрермендер қатысып отырды. 
Қызылорда облысының Байқоңыр қаласында 2016 жылдың 17-24 қазанында өткен футболдан 2000 жылы туылған жасөспірімдер арасындағы «Жас Қыран» Қазақстан балалар – жасөспірімдер Лигасы» Қазақстан Біріншілігінде Семей қаласының құрама командасы жеңімпаз атанды. Жарыста еліміздің облыстарымен қалаларынан келген барлығы 10 команда қатысты. Аталған Біріншілікте қаламыздың командасының қақпашысы ең үздік қақпашы атанды. Сонымен бірге қаланың балалар командалары спорт түрлері бойынша облыстың көп кезеңдегі чемпионаттарына қатысады және футбол академиясымен спорттан дарынды балаларға арналған интернатқа іріктеуге қатысты. 
2016 жылдың 23 маусымында мемлекеттік қызметкерлер күніне орай «Спартак» стадионында спорттың жеті түрі бойынша: футболдан, дойбыдан, тоғызқұмалақтан, қол күресінен, гір спортынан, арқан тартудан, жеңіл атлетикадан  мемлекеттік қызметкерлер арасындағы қалалық кіші спартакиада өтті. 
Қазақстан Республикасы Тәуелсіздігінің 25-жылдығына арналған Шығыс Қазақстан облысы әкімінің жүлдесі үшін өтетін облыстық ХХ халық спорты ойындары 2016 жылдың 19-24 мамыры аралығында Өскемен қаласында өтіп, Семей қаласының құрама командасы ұтқан медаль санына байланысты ІІ орынға ие болды.
Екінші рет қалада кәсіпорындар және ұйымдардың дене шынықтыру ұжымдары арасында 6 спорт түрінен қалалық спартакиада өткізілді: шағын-футбол, волейбол, баскетбол, шаңғы спорты, үстел теннисі, шахмат, спартакиадаға ұйымдардан 14 команда қатысты, олардың ішінде «Силикат» АҚ, «Цемент зауыты» ЖШС, «Теплокоммунэнерго», «Водоканал», ФИК «Алел» АҚ және т. б.  
- «Наурыз мейрамы» құрметіне қаланың орталық алаңында, «Көктем» сауда үйінің алаңында, Әуезов алаңында және «Силикат» жауапкершілігі шектеулі серіктестігі алдындағы алаңдарда 1000 –ден астам адам қатысқан гір тасын көтеру спортынан, таэквондодан, дойбыдан, қазақ күресінен, дарцтан, пауэрлифтингтен, шағын – футболдан және дойбыдан жарыстар өткізілді.
«Спартак» стадионында ай сайын үздіксіз шағын-футболдан С. Рымбаевты, В. Дронкинді еске алуға арналған, «Наурыз» мерекесіне арналған жарыстар өткізіледі, жарысқа 20 –дан астам команда қатысады. Шәкәрім атындағы Семей мемлекеттік университетінің спорт кешенінде ай сайын шағын – футболдан әуесқой футболшылар лигасы өткізіледі, оған 20 команда қатысады. 
«Қазақстан Республикасы Тұңғыш Президентінің – Елбасының тестілерін өткізу қағидаларын бекіту туралы» Қазақстан Республикасы Мәдениет және спорт министрінің м.а. 2014 жылғы 21 қарашадағы № 103 бұйрығын орындау мақсатында жыл сайын Семей қаласы тұрғындарынан қысқы және жазғы президенттік сынамаларды ауқымды түрде қабылдау шаралары өтеді, қысқы тестке 44039 адам, жазғы тестке – 48 231 адам қатысты.
Қалада тұңғыш рет бөлімнің қолдауымен мотокросс және авто дыбыс бойынша қалалық жарыстар өтіп, оған 40 тан астам авто көліктер және 30-ға жуық мотокросшылар қатысты. Аталған жарыстар Қазақстан Республикасы Тәуелсіздігінің 25-жылдығына арналды. 
2016 жылдың 16 ақпанында Грек – рим күресінен жасөспірімдер арасында «КСРО спорт шебері, КазССР еңбек сіңірген жаттықтырушысы, Әлем және олимпиада чемпионы Жақсылық Үшкемпіровтың бірінші жаттықтырушысы» Ром Хасанұлы Ильматовтың жүлдесіне арналған Шығыс Қазақстан облысының ашық турнирі өтті. 
2016 жылдың 6  наурызында Селевин көш. 1 «А» мекен жайындағы күрес түрлері бойынша «Тарлан» дене шынықтыру сауықтыру кешенінде ережесіз күрес бойынша ММА (Mixed Martial Arts) бойынша облыстық ашық чемпионат болып өтті.
2016 жылдың  13 наурызында Селевин көшесі 1 «А» мекен-жайында орналасқан «Тарлан» жекпе – жек спорт кешенінде каратэ Шинкиокушинкай бойынша Semey Open Ашық Республикалық чемпионаты өтті. 
2016 жылдың 30 сәуірінде Қазақстан Республикасы Тәуелсіздігінің 25-жылдығына, Семей ядролық сынақ полигонының жабылуына, Әлихан Бөкейхановтың 150-жылдығына және Қазақстан Республикасы халқының бірлігі күніне арналған ат спорты түрлерінен қалалық жарыс өтті. 
13-15 мамырда есту қабілеттері зақымданған тұлғалар арасындағы үстел теннисінен Қазақстан Республикасының чемпионаты өтті. 
19 шілдеде футбол бойынша балалар командалары арасындағы «Coca-Cola» республикалық турнирінің жабылуы өтті. 
21 шілдеде Халықаралық «Бег Мира» алау эстафетасының қатысушыларын тосып алу рәсімі өтті. 
2016 жылдың 7-9 қазанында Грек – рим күресінен Қазақ ССР-нің еңбек сіңірген жаттықтырушысы Б. Тұрлыхановтың Мемориал Халықаралық турнирі өтті.
4-6 қарашада грепплингтен Қазақстан Республикасының Ашық Кубогы өтті.
5-6 қараша аралығында Олимпиада жылы қарсаңында және Қазақстан Республикасы Тәуелсіздігінің 25-жылдығы, Семей ядролық сынақ полигонының жабылуының 25 – жылдығы аясында өткізіліп отырған каратэ Шинкиокушинкай бойынша Қазақстан Республикасының Ашық Кубогымен біріншілігі және Ашық республикалық турнирі өткізілді. 
Қаланың спорттық өміріне белсене қатысатын ардагерлер Кеңесі жұмыс істейді. Сонымен бірге бөлім спорттық федерациялармен, спорттық клубтармен және қоғамдық бірлестіктермен тығыз байланыста жұмыс істейді. 
Ағымдағы жылдың 3 қыркүйегінде «Спартак» стадионында футбол бойынша дәстүрлі қала әкімдігі, сот, әскери қызметкерлер, БАҚ өкілдері, қала бизнесмендері және «Спартак» футбол клубы ардагерлері арасындағы жолдастық кездесу өтті. 
Жыл сайын жаз маусымында футболдан балалар командалары арасында «Былғары доп» қалалық жарысы және «Кока – Кола» республикалық турнирі өтеді. Оған еліміздің әртүрлі облыстарынан және қалаларынан 30 –дан астам команда қатысады. 
Әр аптаның сенбі және жексенбі күндері «Цементник» стадионында ардагерлер командалары арасында допты хоккей бойынша қалалық турнир өткізіледі. Жыл сайын мектеп оқушылары командалары арасында шайбалы хоккейден «Жұлдызша» жарысына қатысуға іріктеу жарыстары өтеді. «Жұлдызша» облыстық турнирінде қала командасы үш жыл қатарынан облыс чемпиондары атанды. 
Шығыс Қазақстан облысы әкімінің 2016 жылғы 24 мамырдағы № 154 қаулысын орындау мақсатында спорттан дарынды балаларға арналған интернатқа түсу үшін шайбалы хоккейден, волейболдан, футболдан, мектеп оқушылары арасында қалалық іріктеу жарыстары өткізіледі. Қалалық іріктеуден өткен командалар Өскемен қаласына Шығыс Қазақстан облысының екінші кезеңіндегі облыстық іріктеу жарыстарына қатысады. 
2016 жылы 850 қалалық жарыстар өткізілсе, спортшылар 173 облыстық, республикалық және халықаралық жарыстарға қатысты.
Қанапиянов Арнал халықаралық дәрежедегі спорт шебері 2016 жылдың 11-16 мамырында Венгрияның Будапешт қаласында өткен әлем Кубогының иегері.
Нұрғалиев Қанағат халықаралық дәрежедегі спорт шебері 2016 жылдың 11-16 мамырында Венгрияның Будапешт қаласында өткен әлем Кубогының иегері.
Имаханов Есентай 2016 жылдың 5-17 шілдесінде Ресейдің Якутск қаласында өткен «Дети Азии» халықаралық турирінің самбо күресі бойынша жеңімпазы, 12-13 желтоқсанда Кипрдың Лимассол қаласында өткен Әлем Чемпионатының қола жүлдегері атанды.
2016 жылдың 3 - 4 қыркүйегінде Оңтүстік Кореяның Пусан қаласында Каратэ Шинкиокушинкайдан Азия чемпионаты өтіп, Екатерина Гурова І орынды жеңіп алды. 
Жакпеков Ермахан 2016 жылдың 5-17 шілдесінде Ресейдің Якутск қаласында өткен «Дети Азии» халықаралық турирінің бокс бойынша жеңімпазы атанды.
Сембаев Мадияр 2016 жылдың 3-10 шілдесінде Венгрияда өткен дзюдо күресінен Еуропа Кубогының күміс жүлдегері.
Алматов Акбар 2016 жылдың 21-26 қыркүйегінде Ресейдің Анапа қаласында өткен кикбоксингтен Әлем Кубогының жеңімпазы атанды. 
2016 жылдың 4-12 қыркүйегінде Италияның Андрия қаласында өткен таэквондодан юниорлар арасындағы Әлем чемпионатында Советхан Дамир алтын медальға ие болды, 2016 жылдың 30 қарашасы – 5 желтоқсанында Белоруссияның Минск қаласында өткен таэквон-до ІТҒ бойынша Әлем Кубогының қола жүлдегері. 
Құсаинов Рамазан Белоруссияның Минск қаласында 2016 жылдың 29 қыркүйегі – 2 қазаны аралығында өткен ерлер арасындағы грепплингтен Әлем чемпионы атанды.
Нұғымаров Айбек Қытай халық республикасының Шыңжаң-ұйғыр автономиялық республикасында өткен қазақ күресінен Әлем чемпионатында жеңімпаз атанды. Тұрсынов Мұхит қол жүлдегер атанды.
Алтайбаев Андрей, Бабичев Владимир Ташкент қаласында 2016 жылдың 20-23 қазанында өткен пауэрлифтингтен Азия чемпиондары атанды. 
Қуан Барыс 2016 жылдың 16-18 қазанында Польшада өткен дзюдодан жастар арасындағы Еуропа Кубогының жеңімпазы.
Мұқаметжанов Рысқали, Тұрысбеков Нұрлан 2016 жылдың 25-30 қазанында Ақтөбе қаласында өткен гір спортынан Әлем чемпионатының қола жүлдегерлері. 
Ағымдағы жылдың 1 желтоқсанында Алматы қаласында өткен «Евразия Барысы» халықаралық турнирінде Айбек Нұғымаров, Мұхит Тұрсынов жеңімпаз атанды.
Мұқұшев Еламан 2016 жылдың 3-4 желтоқсанында Болгарияның Варна қаласында өткен  каратэ Шинкиокушинкай бойынша Әлем чемпионатының қола жүлдегері атанды. 
Қазақстан Республикасы Тәуелсіздігінің 25 жылдығы қарсаңында қаланың атақты спортшылары Ахмадиев Ердос, Қабыжанов Болат, Тайменов Данияр, Вишневская Галина, Құдайбергенов Бауыржан «Қазақстан Республикасының Тәуелсіздігіне 25 – жыл» мерекелік медалімен марапатталды.
Қазіргі уақытта Семей қаласында саңыраулар және соқырлардың бірлестігі, қоғамына біріккен мүмкіндігі шектеулі 10 мыңнан астам адам тұрады. 
Қазақ соқырлар қоғамы Семей аймақтық филиалында 308 адам есепте тұр, олардың ішінде 30 адам футболмен шұғылданады. 10 адам үстел теннисімен, армрестлингпен 10, жеңіл атлетикамен 10 дойбы және шахматпен 106 тоғызқұмалақпен 15 есту қабілеттері төмен мүгедектер. 
Мүгедектерге дене шынықтыру және спортпен айналысу үшін қаланың спорт ғимараттары тегін беріледі. Барлық интернат мекемелерінде тоғызқұмалақ, дойбы, шахмат, үстел теннисі бойынша үйірмелер жұмыс істейді.
Мүмкіндіктері шектеулі тұлғалалар арасындағы қала командалары облыстық, республикалық және халықаралық жарыстарға үнемі қатысады.
2016 жылдың сәуір айында Талдықорған қаласында көру мүшелері төмен спортшылар арасындағы пауэрлифтингтен Қазақстан Республикасының чемпионаты өтіп, Москалёв Андрей жеңімпаз атанып, Айсаулин Серікбек күміс медальға ие болды.
2016 жылдың 16-26 мамырында  Арменияның Ереван қаласында өткен мүмкіндіктері шектеулі тұлғалар арасындағы шахматтан Әлем чемпионатының жеңімпазы атанды. 
Аймақтық спорт колледжінің студенті Тайменов Данияр Болгарияның Благоевград қаласында 2016 жылдың 1-10 қазанында өткен қол күресінен 38-ші Әлем чемпионатының алтын меделін жеңіп алды. 
2016 жылдың 3 мамырында қала әкімі Е. Сәлімовпен мүмкіндіктері шектеулі тұлғалар арасындағы жеңімпаздар мен жүлдегерлерді құрметтеу рәсімі өткізілді.
Қалада спорттық туризм анағұрлым танымал болуда, оған 3820 адам үш санат бойынша қосылған: ересектер, жасөспірімдер және кіші мектеп оқушылары.
Мемлекет басшысының тапсырмасына сәйкес «Жалпы Ортақ Еңбек Қоғамына қарай 20 қадам» атты берілген мақалада «Қазақстан Семей» телеарнасымен бірге апта сайын «Намыс» спорт бағдарламасы жүгізіледі.
 
Дене шынықтыру мен спорт бөлімі
 

 
 
Семей қаласында дене шынықтыру мен спорттың дамуы 2015 жыл
 
 
Семей қаласында дене шынықтыру мен спорттың дамуы 2014 жыл
 
 
Семей қаласында дене шынықтыру мен спорттың дамуы 2013 жыл
 
 
 
 
 
 
 
Өңдеу күні: 18-01-2017