Басы » Акимат » Общая категория » Қала әкімдігі бойынша 2016 жылға тұрғындарға мемлекеттік көрсетілетін қызметтер мәселелері жөніндегі есеп

Қала әкімдігі бойынша 2016 жылға тұрғындарға мемлекеттік көрсетілетін қызметтер мәселелері жөніндегі есеп

Мемлекеттік көрсетілетін қызметтер мемлекеттік органдар, Халыққа қызмет көрсету орталықтары, және Электрондық үкімет порталы арқылы көрсетіледі.
Семей қаласы әкімдігімен мемлекеттік көрсетілетін қызметтердің 85 түрі көрсетіліп, бұл ретте 74 қызметті көрсетуге өтініштер мемлекеттік органдарға берілуі мүмкін, 40 қызметті «Азаматтарға арналған үкімет» мемлекеттік корпорациясы арқылы, 50- Электрондық үкімет порталы арқылы алуға болады. 
Қала әкімдігімен 2016 жылы барлығы 182 377 мемлекеттік қызмет көрсетілді. 2015 жылы 195 764 қызмет көрсетілді. 2017 жылдың 1 қаңтарына халыққа қызмет көрсету орталықтары арқылы 50 460 қызмет көрсетіліп, бұл көрсетілген қызметтің жалпы санынан 27,6 % құрайды. Электрондық, яғни электрондық үкімет порталы арқылы көрсетілген қызметтердің үлесі– 5 % (9 143 қызмет). Тікелей мемлекеттік органдар арқылы 122 774 қызмет көрсетілді, яғни 67,3% барлық көрсетілген қызметтер, ал оның ішінен 98 271 қызмет баламалы негізде көрсетілетін қызметтерге жатады және халыққа қызмет көрсету орталықтары мен электрондық үкімет порталы арқылы да алуға болады. 
Жер қатынастары, ветеринария, азаматтық хал актілерін тіркеу, және жұмыспен қамту саласындағы қызметтер аса сұранысқа ие. Жыл басынан «Елді мекен шегінде объект салу үшін жер учаскесін беру» қызметіне 17 097 адам жүгінген. Бүгінгі күнде жеке тұрғын үй құрылысы үшін жер учаскесін алуға 23 614 адам кезекте тұр. 2016 жылы жер-кадастрлық жоспарға сәйкес құрылыс үшін 32 жер учаскесі берілді, оның ішінен 6-ы ауыл шаруашылығы мақсатындағы жерлерден берілген. 
Ветеринариялық паспортты бере отырып, ауыл шаруашылығы жануарларын бірдейлендіру бойынша 54 670 қызмет көрсетілді. Оның ішінен 52 295 – ауыл тұрғындарына, 2 375 – қала тұрғындарына көрсетілді. Ауыл шаруашылығы жануарларын бірдейлендіру Қазақстан Республикасының Ауыл шаруашылығы министрінің 2015 жылғы 30 қаңтардағы № 7-1/68 бұйрығымен бекітілген  Ауыл шаруашылығы жануарларын бірдейлендіру қағидаларына сәйкес жүргізіледі. 2016 жылы «Ветеринариялық анықтаманы беру» қызметін 9406 өтініш беруші, 2015 жылы – 8276 өтініш беруші қолданды. 
2016 жылы «Тууды тіркеу, оның ішінде азаматтық хал актілерінің жазбаларына өзгерістер, толықтырулар мен түзетулер енгізу» қызметіне 6950 өтініш беруші, 2015 жылы – 6534 өтініш беруші жүгінген.
2016 жылы адамдарға жұмыспен қамтуға жәрдемдесудің белсенді нысандарына қатысуға жолдамалар беру бойынша 5305 қызмет, оның ішінен ауылдық елді мекендер тұрғындарына – 332 қызмет көрсетілді. 2015 жылы – 5442. 
Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қоюға өтініштерді саны 2015 жылмен салыстырғанда 1191-ге артқан және 5896-ны құрайды.
Жалпы білім беру ұйымдарына тегін тасымалдауды ұсыну бойынша 7841 қызмет көрсетіліп, оның ішінен 1173 қызмет ауылдық округтер мен кенттердің тұрғындарына көрсетілді.
«Жалпы білім беретін мектептердегі білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттарды қабылдау» қызметі  2280 өтініш берушіге ұсынылды, оның ішінен 622 – ауылды елді мекенде тұратын балалар.
Аз қамтылған отбасылардағы балалардың қала сыртындағы және мектеп жанындағы лагерьлерде демалуы үшін 466 өтініш қабылданды, оның 69-ы – ауыл халқы. 
2016 жылы мемлекеттік атаулы көмек алушылардың саны – 628 адам, оның ішінен ауылды елді мекенде тұратындар  – 51.
18 жасқа дейінгі балаларға мемлекеттік жәрдемақы алушылардың саны– 1652, ауылды елді мекенде – 124.
Тұрғын үй көмегін алушылар – 2069 адам, оның ішінен ауылды елді мекеннің   тұрғындары - 144.
Жыл басынан «Мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу және кезекке қою, сондай-ақ жергілікті атқарушы органдардың тұрғын үй беру туралы шешім қабылдауы» қызметіне 1908 өтініш беруші жүгінген, оның ішінен 230 өтініш берушіге есепке қоюдан бас тартылды. Бас тартудың негізгі себептері - тұру үшiн жарамды тұрғын үйдi иелiгiнен шығару  («Тұрғын үй қатынастары туралы» ҚРЗ 72-бабының 2-тармағына сәйкес) және басқа елді мекенде тіркеу («Тұрғын үй қатынастары туралы» ҚРЗ 67-бабының 1-тармағына сәйкес). 2015 жылғы кезеңде осы қызметке 3641 адам жүгінген. 
2016 жылғы 16 ақпанда Қазақстан Республикасы Мемлекеттік қызмет істері министрінің бұйрығымен Мемлекеттік қызметтер көрсету сапасын мемлекеттік бақылау қағидалары бекітіліп, соған сәйкес мемлекеттік қызметтерді көрсету сапасын мониторингілеу бойынша іс-шаралар қала әкімі аппаратының ішкі бақылау қызметімен де, мемлекеттік қызметтерді көрсету сапасын бағалау және бақылау жөніндегі уәкілетті органмен де жүргізіледі. 2016 жылы  әкім аппаратының ішкі бақылау қызметімен мемлекеттік қызметтерді көрсететін 9 мекемеге (оның ішінде 1 мемлекеттік коммуналдық кәсіпорын) тексеру жүргізіліп, қорытындысы бойынша 21 ұсыныс жасалды. 
2011 жылдан бастап әкімдікте Call-орталық жұмыс істейді:  азаматтар 52-11-98 телефон нөміріне қоңырау шалып, электрондық үкіметті дамыту және электрондық қызметтер туралы сұрақ қойып, түсініктеме алуға мүмкіндігі бар. Азаматтар мемлекеттік қызметтерді көрсету тәртібі туралы қажетті ақпаратты қала әкімінің ресми сайтында да алуға болады. Сондай-ақ, қала әкімінің сайтында балабақшаға, мемлекеттік тұрғын үй қорынан тұрғын үйге және ЖТҚ үшін жер учаскесіне кезектің жай-күйі туралы ақпарат бар.  Тізімдерді жаңарту мерзімділігі – ай сайын. Бұл ретте контент алу үшін авторландыру немесе бірдейлестіру талап етілмейді, бұл барлық сайт кірушілері тізіміне еркін кіруді қамтамасыз етуге мүмкіндік береді.
Мүмкіндігі шектеулі адамдарға ыңғайлы жағдайлар жасау жөнінде шаралар қабылданады. Мемлекеттік органдардың барлық ғимараттары пандустармен жабдықталған, тірек-қимыл аппараты бар мүгедектердің қолжетімділігі үшін санитарлық-гигиеналық үй-жайлар, нашар көретін адамдарға арналған тактильді ақпарат құралдары (Брайль жүйесі бойынша қосарланған әріппен тактильді тақтайшалар) бар. Қызметтерді ұсыну туралы көзбе-көз ақпарат құралдары, өтініш үлгілерімен, қажетті құжаттар тізбесімен стендтер және т.б. орнатылған.  
Мүмкіндігі шектеулі адамдарға қызмет көрсету үшін Семей қ. «ХҚКО» РМК филиалы бөлімдерінде де ыңғайлы жағдайлар жасалған. 
Қала әкімдігімен мемлекеттік қызметтерді көрсету барысына тікелей тартылған мамандардың біліктілігін арттыру іс-шаралары  тұрақты негізде өткізіледі. Мемлекеттік қызметтерді көрсету мәселелері бойынша азаматтар үшін түсіндірме іс-шаралары жүргізіледі. 2016 жылдан бастап БАҚ-та баяндау, газеттерде мақала, семинарлар, кеңестер, дөңгелек үстел түрінде 161 түсіндірме жүргізілді. 
Мемлекеттік қызметтерді көрсету мерзімдерін бұзу азайғанын айтып кету қажет. 2015 жылы мемлекеттік қызметтердің мерзімдерін бұзудың 30 фактісі тіркелген, 2016 жылы - 8. Мерзімдерді бұзу азаматтық хал актілерін тіркеу бөлімінде «Неке қиюды (ерлі-зайыптылықты) тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу», «Туу туралы анықтаманы беру» қызметтері, әкім аппаратында «Жер учаскесінің нысаналы мақсатын өзгертуге шешім беру», ауыл шаруашылығы бөлімінде «Тракторларды және олардың базасында жасалған өздiгiнен жүретiн шассилер мен механизмдердi, өздiгiнен жүретiн ауылшаруашылық, мелиорациялық және жол-құрылыс машиналарын, сондай-ақ жүрiп өту мүмкiндiгi жоғары арнайы машиналарды басқару құқығына куәлiктер беру» қызметі бойынша тіркелген.
Мемлекеттік қызметтерді көрсету мерзімдерін бұзған кінәлі барлық орындаушылар тәртіптік жауапкершілікке тартылды.  Азаматтық хал актілерін тіркеу бөлімі басшысының 2016 жылғы 4 мамырдағы № 19 және 2016 жылғы 8 тамыздағы № 41 бұйрықтарымен бөлім инспекторы Ж. К. Жиенғуловаға, бас мамандар Б. А. Бейсекеева мен Р. К. Конганбаеваға ескерту берілді, әкімнің 2016 жылғы 17 қарашадағы № 398-ж/қ өкімімен қала әкімінің кеңесшісі Т. М. Уәлиевке   ескерту, ауыл шаруашылығы бөлімі басшысының 2016 жылғы 11 ақпандағы № 10-ЖҚ бұйрығымен К. Т. Смаиловқа ескерту берілді. 
 
 

Қала әкімдігі бойынша 2015 жылға тұрғындарға мемлекеттік көрсетілетін қызметтер мәселелері жөніндегі есеп 

 

Қала әкімдігі бойынша 2014 жылға тұрғындарға мемлекеттік көрсетілетін қызметтер мәселелері жөніндегі есеп 

 

Қала әкімдігі бойынша 2013 жылға тұрғындарға мемлекеттік көрсетілетін қызметтер мәселелері жөніндегі есеп 

Пока еще нет комментариев
Captcha