Басы » Акимат » Мәдениет » Тамаша тұлғалардың өмірі: көрме ностальгия
Тамаша тұлғалардың өмірі: көрме ностальгия
Автор: Акимат
17-04-2018 14:47
Тамаша тұлғалардың өмірі: көрме ностальгия
17 сәуір күні кітапханамызда Халықаралық кітап және авторлық құқық күніне орай тарихи серияның бірі «Тамаша тұлғалардың өмірі» атты көрме ностальгия ұйымдастырылды. 
«Тамаша тұлғалардың өмірі» атты көрмеге № 6 мектеп- гимназияның 8 сынып оқушылары қатысып, танысты. Көрмені таныстыру барысында  осы тарихи серияның шығу тарихы жайлы мағлұмат берілді. 
«Тамаша тұлғалардың өмірі» атты кітаптар топтамасы танымал тұлғалардың мәдени-әдеби, ғылыми өмірі туралы кейінгі ұрпаққа мағлұмат топтама. Бұл кітаптар топтамасын 1890 жылы артиллерия офицері Феофаний Федорович Павленков ұйымдастырылып, 1924 жылға дейін үздіксіз шығып отырған. 1933 жылы орыстың танымал жазушысы М. Горькиидің  қолдауымен қайтадан жаңғыртылып, бүгінгі күні Ресейдегі жалғыз өмірбаяндық әмбебап жинақ қазіргі таңда да жарық көруде. Бұл сериядан  барлығы 1400  кітап  басылып шығып, жастар арасында үлкен сұранысқа ие болып отыр.
Кітап көрмесі бес бөлімнен тұрады: «Ғылым қайраткерлері», «Әскери тұлғалар, «Тарихи тұлғалар», «Әдеби портреттер», «Өнер және өмір». Ұсынылған кітаптарда  ХІХ ғасырдың аяғы мен ХХ ғасырдың басында жарық көрген және ХХІ ғасырдағы заманауи шығарылымдар да  бар.  
Бірінші бөлімде ежелден бастап қазіргі кезге дейінгі ғылымның әр түрлі саласынан  Т. Гончаров «Эпикур»,  В. Порудиминский «Даль», Ш. Султанов, К. Султанов «Омар Хайям»  т.б. сынды кітаптар  ұсынылса, екінші бөлімде әскери адамдардың әр жылдарда көрсеткен әскери ерліктерін айшықтайтын кітаптары көрмеге көрік береді.
Тыңдаушылардың ерекше назар аударғаны «Тарихи тұлғалар» бөлімі. Бөлімнен тарихтың дамуына үлес қосқан жеке тұлғаларға арналған кітаптар орын алған. Мұнда Абай, Шәкәрім, Александре Македонский,  Александр Невский және  қазіргі заманауи кітаптардың ішінде елбасымыз Н. Ә. Назарбаевтың өмірбаянына арналған кітаптар бар.
Көрменің төртінші бөлімі қазақстандық, ресейлік және шетелдік жазушылардың өмірі мен шығармашылығымен таныстырады.  Бұл бөлімде Н. Ананьев «Мухтар Ауэзов», Е. Сыдыков «Шакарим», Ю. Селезнев «Достоевский» және т.б. кітаптар ұсынылған.
«Өмір және өнер» бөлімі сазгерлер мен суретшілер, кино режиссерлер және өнер адамдарына арналған. 
Шолу барысында Медеу Сәрсекенің «Евней Букетов», Владимир Бондаренконың «Бродский», Бенито Мерлиноның  «Феллини»  және т.б. кітаптары кеңінен таныстырылды. «Тамаша тұлғалардың өмірі» атты көрме ностальгия оқу залында айдың соңына дейін оқырман назарына ұсынылады.
 
Абай атындағы кітапхана