Акимат » 2019 жылдың 1 қаңтарына қала бюджетінің орындалуы туралы

2019 жылдың 1 қаңтарына қала бюджетінің орындалуы туралы

2018 жылдың қорытындысы бойынша қала бюджетінің орындалуы туралы
 
2018 жылдың қорытындысы бойынша қала бюджетіне 44 712,1 млн. теңге келіп түсті, оның ішінде меншік кіріс көздері бойынша  18 946,9 млн. теңге.
Жоғарғы деңгейдегі бюджеттен трансферттер түрінде 20 540,1 млн. теңге оның ішінде республикалық бюджеттен 3 362,3 млн. теңге, облыстық 17 177,7 млн. теңге, субвенция 4 851,9 млн. теңге  бөлінді.
Бюджеттің шығыс бөлігі бойынша 44 658,9 млн. теңге игеріліп, оның ішінде білім саласының шығындары 13 857,1 млн. теңгені, әлеуметтік көмек және әлеуметтік қамтамасыз етуге 2 074,8 млн. теңге, мәдениет, спорт, туризм және ақпараттық кеңістік шығындары 549,8 млн. теңгені құрады.
Нәтижелі жұмыспен қамтуды және жаппай кәсіпкерлікті дамыту аясында бағдарламасының іс-шараларын жүзеге асыруға бюджеттен 101,2 млн. теңге жұмсалып, тұрғын үй көмегіне 60 млн. теңге, үйде оқытылатын мүгедек балаларға материалдық көмекке 66,8 млн. теңге, мемлекеттік атаулы әлеуметтік көмекке 159,2 млн. теңге, жұмсалды. Жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек көрсетуге 297,2 млн.теңге жұмсалды. 
Білім саласындағы тапсырмаларды орындауға 13 797,4 млн. теңге пайдаланылды. Оның ішінде жалпы білім беру шығыстары бойынша 10 314,5 млн. теңге сомасына 68 мекеменің жұмысы қамтамасыз етілді, мектепке дейінгі тәрбиелеу мен білім беруге 891,7 млн. теңге, кәсіби білім беруді ұйымдастыруға мемлекеттік тапсырысты орналастыру аясында 228,6 млн. теңге бағытталды.
Тұрғын үй-коммуналдық шаруашылығының жұмысын қамтамасыз етуге және оны дамытуға, көліктік инфрақұрылымға және құрылысқа 25 324,7 млн. теңге қаражат шығындалды.
 
2018 жылдың қорытындысы бойынша білім және әлеуметтік көмек пен қамтамасыз ету бойынша бюджеттік қаражаттың пайдалануы туралы ақпарат
 
Қала бюджетінде 2018 жылдың  қорытындысы бойынша әлеуметтік көмек және әлеуметтік қамтамасыз етуге  1904,5 млн. теңге қарастырылды  (жұмыспен қамту және әлеуметтік бағдарламалар бөлімінің аппаратын ұстау шығындарын есепке алмағанда).
Әлеуметтік қамтамасыз етуге арналған 4 мекеменің жұмысын қамтамасыз етуге  560,4 млн.теңге бағытталды, оның ішінде қиын өмірлік жағдайға тап болған тұлғаларды қайта әлеуметтендіруге арналған орталық, арнаулы әлеуметтік қызметтер көрсету орталығы, № 3 арнаулы әлеуметтік қызметтер көрсету орталығы,  халықты жұмыспен қамту орталығы.  
Маңызды басымдылықтардың бірі болып халықты жұмыспен қамтуды қолдау болып табылады. Бұл мақсаттарға есептік кезеңде 462,6 млн. теңге шығындалды. Оның ішінде нәтижелі жұмыспен қамтуды және жаппай кәсіпкерлікті дамыту бағдарламасы  аясында республика бюджетінен 101,2 млн. теңге бағытталды. Қоғамдық жұмыстарға 89,6 млн. теңге, жұмыссыздарды кәсіптік даярлау және қайта даярлауға 114,7 млн.теңге, халықты жұмыспен қамту саласында азаматтарды әлеуметтік қорғау жөніндегі қосымша шараларға 157,1 млн.теңге бағытталған. 
Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт және ветеринар мамандарына отын сатып алуға 8,5 млн.теңгеге әлеуметтік көмек көрсетілді.
Мемлекеттік атаулы әлеуметтік көмек төлемдеріне 159,2 млн. теңге, тұрғын үй көмегін көрсетуге 60,0 млн.теңге шығындалды. 
Жергілікті өкілетті органдардың шешімі бойынша мұқтаж азаматтардың жекелеген топтарына әлеуметтік көмек көрсетуге 297,2 млн.теңге шығындалды.
Үйден тәрбиеленіп оқытылатын мүгедек балаларды материалдық қамтамасыз етуге  66,8 млн. теңге бағытталды.
Жәрдемақыларды және басқа да әлеуметтік төлемдерді есептеу, төлеу мен жеткізу бойынша қызметтерге ақы төлеуге 3,9 млн. теңге шығындалды.
Мүгедектерді оңалту жеке бағдарламасына сәйкес, мұқтаж мүгедектерді міндетті гигиеналық құралдармен және ымдау тілі мамандарының қызмет көрсетуін, жеке көмекшілермен қамтамасыз  етуге 154,4 млн. теңге бағытталды.
Мүгедектер өмірінің сапасын арттыруға және құқықтарын қамтамасыз етудегі іс-шаралар Жоспарын жүзеге асыруға 122,9 млн.теңге шығындалды.
Халықты жұмыспен қамту орталығының күрделі шығыстарына 8,6 млн. теңге жұмсалды.
 
2018 жылдың  қорытындысы  бойынша қала бюджетінен білім саласы бойынша шығындар 13797,4 млн.теңгеде (білім бөлімі аппаратын ескермегенде) бағытталды. 
Мектепке дейінгі білім беру және тәрбиелеуге 891,7 млн. теңге жұмсалды. 
Бұдан басқа халықтың мектепке дейінгі білім беру мемлекеттік тапсырысын жүзеге асыруға 577,9 млн. теңге бағытталды.
Жалпы білім беру шығындарына 10314,5 млн. теңге сомасына 68 мекеменің жұмысы қамтамасыз етілді. 
Қаланың мемлекеттік білім беру мекемелер үшін оқулықтар мен оқу-әдiстемелiк кешендерді сатып алу және жеткізуге  644,6 млн. теңге бағытталды.
Көпбалалы және жеткілікті түрде қамтамасыз етілмеген отбасылардың балаларына материалдық көмек көрсету үшін көмек көрсетуге жалпыға бірдей мiндеттi орта бiлiм қорының есебінен ыстық тамақты ұйымдастыруға, киіммен қамтамасыз етуге және басқа да шығындарға 317,3 млн. теңге жұмсалды.
Жетім және ата ананың қамқорынсыз қалған балаларды бағып-қағуға асыраушыларына ай сайынғы ақшалай қаражат төлемдері 84,5 млн. теңгені құрады.
Жетім баланы (жетім балаларды) және ата-анасының қамқорлығынсыз қалған баланы (балаларды) асырап алған Қазақстан азаматтарына біржолғы ақшалай қаражаты төлеуге 2,2 млн. теңге бағытталды.
Қосымша білім беретін мектептен тыс мекемелердің қызметін қамтамасыз етуге шығындар 688,0 млн. теңгені құрады.
Мемлекеттік тапсырыс орналастыру аясында 3 мамандандырылған-техникалық мекемеде мамандандырылған білім беруді ұйымдастыруға 228,6 млн. теңге бағытталды.
Методикалық кабинеттердін жұмысына 15,0 млн. тенге жұмсалды.
Мектептегі олимпиадаларды, мектептен тыс шараларды және конкурстарды өткізу үшін 22,4 млн.теңге қаражат бөлінді.
Патронат тәрбиешілерге берілген баланы (балаларды) асырап-бағуға 27,9 млн. теңге бағытталды. 
Ведомстволық бағыныстағы мемлекеттік мекемелерінің және ұйымдарының күрделі шығыстарына 291,4 млн.теңге жұмсалған.
Өңірлерді дамытудың 2020 жылға дейінгі бағдарламасы шеңберінде өңірлерді экономикалыќ дамытуға жәрдемдесу бойынша шараларды іске асыруға шығындар 8,7 млн. теңгені құрады.
 
 
 
 

2017 жылға қала бюджетінің орындалуы туралы

 

2016 жылға қала бюджетінің орындалуы туралы

 

2015 жылға қала бюджетінің орындалуы туралы

 

2014 жылға қала бюджетінің орындалуы туралы

 

2013 жылға қала бюджетінің орындалуы туралы

 

2012 жылға қала бюджетінің орындалуы туралы

 

2011 жылға қала бюджетінің орындалуы туралы

Өңдеу күні: 14-01-2019