Акимат » Семей қаласындағы «Бизнестің жол картасы 2020» бағдарламасын жүзеге асырылуы туралы

Семей қаласындағы «Бизнестің жол картасы 2020» бағдарламасын жүзеге асырылуы туралы

Бизнестің дамуына әсерін тигізетін негізгі факторлардың бірі, кәсіпкерлікті мемлекеттік қолдау арқылы қаржы ресурстарына қол жетімділігі үшін қолайлы жағдайлар жасауға бағытталған.
«Бизнестің жол картасы 2020» бизнесті қолдау мен дамытудың бірыңғай бағдарламасын іске асыру жалғасуда, 2017 жылдың басынын бастап сомасы 4,4 млрд. теңгеге 51 жобаға несие бойынша сыйақы мөлшерлемесінің бір бөлігін субсидиялау көрсетілді.  
Жобалар (51) экономиканың әр түрлі салаларында іске асырылды: өңдеуші өнеркәсібінде - 7, көлік және қоймалау саласында - 11, денсаулық сақтау және әлеуметтік қызметтерде - 9, ауыл, орман және балық шаруашылығы саласында - 12, білім саласында – 4, саудада – 7 және жылжымайтын мүлікпен операциялар - 1.
2017 жылдың басынан бері жетіспейтін инфрақұрылымды өткізу мақсатында  2 жоба жүзеге асырылуда. Жалпы сомасы 413,2 млн.теңгені құрайды: «Нұр» ШҚ (суармалы жерлерді суармалы сумен жабдықтау желісі, 179,0 млн.теңге) және «Семей жолдары» ЖШС (теміржол қатынысы жолдарының құрылысы,      234,4 млн. теңге) жобалары.
Қазіргі уақытта электр энергияның жетіспейтін инфрақұрылымын жетілдіру бойынша «Биовторполимер» ЖШС жобасын «ШҚО энергетика және тұрғын үй-коммуналдық шаруашылық басқармасы» ММ қарастыру үшін жолданды. Кәсіпкерлерді ақпараттық қамсыздандыру және оларды мемлекеттік бағдарламаны іске асыруға қатысуға тарту мақсатында ағымдағы жылдың басынан бастап жергілікті бұқаралық ақпарат құралдарында 6 мақала жарық көріп, қала әкімінің ресми сайтында және «Даму» кәсіпкерлікті дамыту қоры» АҚ сайтында 48 ақпараттық материал орналастырылып, қалалық телеарналардан 16 сюжет көрсетілді, «Даму» кәсіпкерлікті дамыту қоры» АҚ, ШҚО Семей қаласы кәсіпкерлер палатасы филиалының өкілдерімен бірлесіп 41 кеңес және кездесулер өткізді.
«Даму» кәсіпкерлікті қолдау қоры» АҚ өңірлік филиалының жанындағы  Кәсіпкерлерге қызмет көрсету орталығында (КҚКО) 2017 жылдың басынан бастап 1914 кеңестік қызметтер көрсетілді.
«Даму» кәсіпкерлікті қолдау қоры» АҚ, екінші деңгейлі банктермен бірлесіп осы бағдарламаға кәсіпкерлерді тарту бойынша жұмыс жүргізілуде.
 
 
 
 

Кәсіпкерлік бөлімі


2016 жылда Семей қаласындағы «Бизнестің жол картасы 2020» бағдарламасын жүзеге асырылуы туралы

Өңдеу күні: 12-10-2017