Акимат » Жолаушылар көлігі және автомобиль жолдары 2019 жылдың 1 сәуіріне

Жолаушылар көлігі және автомобиль жолдары 2019 жылдың 1 сәуіріне

Көлік
 
Жолаушылар тасымалын ұйымдастыруға 8 тасымалдаушы қатысады, олар – «Семавтопарк» ЖШС, «Азия Combi» ЖШС, «Автомигди» ЖШС, «Таксомотор паркі» ЖШС, «Семдотехника-2» ЖШС,   «Семей Көлігі TRAST» ЖШС-гі, «Семей» автобус паркі» ЖШС-гі және «Мүсәпіров» ЖК. 
Тасымалдаушылармен   жолаушылар мен багажды автомобильмен тұрақты тасымалдауды ұйымдастырудың келісімшарты 2013 жылы жасалды, мерзімі 2019 жылға дейін.
Семей қаласында күнделікті жолаушылар тасымалын ұйымдастыру  саласында 35-і автобустық маршрут,  15-і шағын автобустық маршрута,  барлығы - 406 көлік  қызмет көрсетеді.
2017 жылдың 5 тамызынан бастап қалалық қоғамдық көлікте жүрудің жол ақысы 80 теңге болып белгіленді, жеңілдікпен жүруші жолаушылар тарифтің 50 пайызын төлейді. 2013-2016 жылдары тариф қала бойынша 60 теңге болды.
Қоғамдық көліктерде тегін жүру құқығын пайдаланатындар: Ұлы Отан соғысының қатысушылары мен мүгедектері, І топтағы зағип жандар жетектеушісімен бірге, ІІ топтағы зағип жандар, 7 жасқа дейінгі балалар. Тарифтің 50 пайызын, яғни 40 теңге төлеп жүру құқығы берілгендер: 7 мен 15 жасқа дейінгі оқушылар және жасы 70 – тен асқан зейнеткерлер.
Зияткерлі көлік жүйесінің кейбір элементтері Семей қаласында жұмыс істеп тұр, ол - GPS, яғни деректерді нақты уақыт режимінде үздіксіз беретін құрылғы негізінде жолаушылар тасымалдау жүйесіне мониторинг жүргізу(2016 жылдан  бастап). Мониторинг «KazInterSoft» ЖШС-нің   жолаушылар көлігін  диспечерлеуді қамтамасыз ететін  «Bus Report» бағдарламасы арқылы іске асырылады.  Бағдарлама маршрутта   жүрген әрбір автобустың қызметін қадағалап, мынадай ауытқушылықтарды тіркейді: интервалды сақтамау және қозғалыс бағытын өзгерту(графиктен озу немесе қалып қою), жылдамдықты асыру, автобустың маршрутқа шықпай қалуы т.б.
Сондай-ақ, қала жұртшылығы мен қала қонақтары ұялы телефондарына тегін «InfoBus» мобильдік қосымшасын жүктеп ала алады. Қосымша жолаушыға аялдамада көлікті тосу уақытын оңтайландырып, аялдамаға көліктің нақты қай кезде келетін есептеуге мүмкіндік береді. Қосымшаны пайдаланушылардың саны- 43 084 адам.  
Жолаушылар көлігін  диспечерлеуді қамтамасыз ететін  «Bus Report»  бағдарламасы «Семей қаласының жолаушылар тасымалдауды басқару Орталығы» (ЖТБО)ЖШС –де орнатылған және жұмыс істеп тұр. Бағдарламаның негізгі мақсаты  жолаушылар тасымалының сапасы мен оны бақылауды жақсарту. «Семей қаласының  ЖТБО» ЖШС-гінің диспетчерлері осы бағдарламаның көмегімен маршруттағы әрбір автобусқа мониторинг жасап, сондай-ақ, күнделікті желіге шығып Қағида талаптары мен келісімшартты  бұзушыларды  анықтап, Акт жасайды.  
2018 жылы желілік диспетчерлік инспекторлар Қағида нормаларының бұзылуы бойынша – 1850 акт жасады(автобус салоны кір, маршруттан себепсіз шығып кету, қозғалыс кестесін бұзу, санитарлық нормаларды сақтамау т.б.). Бағдарламалық мониторинг пен акт негізінде әрбір тасымалдаушы-компанияға орын алған кемшіліктер мен олқылықтарды жою туралы хат-хабарлама жолданады. Тасымалдаушы компаниялардан  қолданған әкімшілік шаралары  туралы  535 жауап хат келді. 
Мұнан басқа, 2018 жылы әр апта сайын уәкілетті органдардың өкілдерінің қатысуымен рейд жүргізілді, оның нәтижесінде 29 акт, 2 әкімшілік хаттама толтырылды. Актілер шара қолдану үшін, ШҚО көлік инспекциясы мен ШҚО қоғамдық денсаулық сақтау департаментінің Семей қаласы бойынша басқармасына шара қолдану үшін жіберілді.
Семей қаласында 4 рет «Автобус» оперативтік алдын-алу іс-шаралары жүргізілді, оның барысында автобус жүргізушілері тарапынан ЖЖЕ бұзудың 459 фактісі тіркелді. Транспортық инспекция тарапынан 9 әкімшілік іс қозғалып, ҚР әкімшілік құқық бұзушылық туралы кодексінің 623 бабының  9 тармағына сай тасымалдаушыларға  60 129 теңге мөлшерінде айыппұл салынды.
Екі аялдамада («Орталық» және «Глинки») пилотық режимде ақпараттық таблолар орнатылды. Табло нақты мерзімде осы аялдамадан өтетін маршруттардың келу уақытын көрсетеді.
«Көлік және коммуникация ғылыми - зерттеу институты» ЖШС-гінің, қала халқының және Тасымалдаушы-компаниялардың ұсыныстарын ескере отырып, 2018 жылғы 22 шілдеде қала әкімшілігінің № 1135 қаулысымен Семей қаласының аумағында жолаушылар мен багажды қалалық тұрақты автомобиль тасымалдарының маршрут желісі бекітілді. Жаңа маршруттық желіде барлығы -40 маршрут болады, онда 318 автобус қызмет көрсетеді:
- үлкен класты автобустар – 55 бірлік- 5 маршрут;
- орта класты автобустар- 109 бірлік-11 маршрут;
- кіші класты автобустар-147 бірлік-22 маршрут;
- аса кіші класты автобустар -7 бірлік-2 маршрут.
Жаңа маршруттық жүйе бойынша қалалық маршруттарға қызмет көрсетуге    конкурс өткенен кейін жұмыс істейтін болады.  
 
 
Жолдар
 
Қаладағы жолдардың жалпы ұзындығы 756 км, оның ішінде асфальт бетонды жабыны бар жолдардың ұзындығы 291,2 км, қиыршық тас төселгені  22,8 км, топырақ жабындымен жабылғаны 442 км құрайды. 
2019 жылы ҚМА төсеу әдісімен орташа жөндеу мен қаланың 8 көшелерін қамту жоспарланған:
Сол жағалау: Бозтаев к-сі (сол жағалаудың айналма жол торабынан бастап Селевин көшесіне дейін). Мердігер ЖШС "Гордорстрой".
Глинки к-сі (сол жағалаудың айналма жол торабынан бастап Рысқұлов көшесіне дейін). Мердігер ЖШС "Фирма" Азия "".
Оң жағалау: Оң жағалау айналма жол торабы, жаңа көпірден түспежолды қоса алғанда. Мердігер ЖШС "Гордорстрой".
Параллельная к-сі (Мичурин көшесінен бастап Қаржаубайұлы көшесіне дейін). Мердігер ЖШС "Фирма" Азия "".
Дәстенов к-сі (Қабылбаев көшесінен бастап Трусов көшесіне дейін). Мердігер ЖШС "Гордорстрой".
Найманбаев к-сі (Засядко көшесінен бастап Чехов көшесіне дейін). Мердігер ЖШС "Гордорстрой".
Найманбаев к-сі бойынша жұмысты аяқтау (Мұхаметханов көшесіне бастап Морозов көшесіне дейін). Мердігер ЖШС "Гордорстрой".
Қаржаубайұлы к-сі бойынша жұмысты аяқтау (Жангелдін көшесінен бастап Мичурин көшесіне дейін). Мердігер ЖШС "Гордорстрой". 
Қаржаубайұлы көшесі бойынша Мамандандырылғын ХҚҚО кіреберіс жолын жайластыру. Мердігер ЖШС "Гордорстрой".
2019 жылдың бағасымен орташа жөндеуді жүргізудің құны 884 278,1 мың теңге мөлшерінде анықталды, ол жүргін бөліктің орташа ені – 10 метр болғандағы, 194244 м2 немесе 19,4 шақырым жолды құрайды.
Мичурин көшесіне күрделі жөндеу бойынша жұмыстарын аяқтау орындалады.
Жолдарға ағымдағы жөндеу жүргізу – 150 000,0 мың теңге (32 844 м2) құрайды. Қазіргі уақытта қаланың 55 көшесін ағымдағы жөндеу (ойып жөндеу) жұмыстары жүргізілді. Жұмыстар осы бағытта жалғасуда.
Қосымша, қаланың жалпы білім беретін мекемелірінің маңайынан өтетін 50 көшені қамту жоспарланған, ҚҚҚ төсеп грейдермен тегістеп және нығыздау жұмыстары жүргізілді.
 
 
 
 
Өңдеу күні: 09-07-2019