Акимат » Семей қаласында мәдениеттің дамуы 2019 жылдың 1 сәуіріне

Семей қаласында мәдениеттің дамуы 2019 жылдың 1 сәуіріне

2019 жылдың басынан бері қалада 408 ірі мәдени-көпшілік шара өткізіліп, оларға 54300 астам адам қамтылды. Ағымдағы жылы Елбасының «Рухани жаңғыру: болашаққа бағдар» бағдарламалық мақаласын,  Қазақстан Республикасының Президенті Н.Назарбаевтың 2018 жылғы 5 қазандағы Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» жолдауының басым бағыттары басшылыққа алынып, жылдық жоспар әзірленіп, бекітілді. Осыған байланысты жыл басынан бері мемлекеттік және кәсіби мерекелермен қатар, мерейтойлық шаралар кең көлемде  аталып өтті.
Сонын ішінде, 1 Наурыз – Алғыс айту күні, 8 Наурыз – Халықаралық әйелдер күні, халқымыздың төл мерекесі «Наурыз мейрамы», дәстүрлі «Масленица» мерекесі, сонымен қатар «Нұр Отан» партиясының 20, Ауған жерінен Кеңес әскерлерінің шығарылуының 30 жылдығы, Халық артистері Әмина Өмірзақованың 100,  Бибігүл Төлегенованың 90 жылдығы, белгілі абайтанушы, жазушы Төкен Ибрагимовтың 80 жылдығы, әнші, композитор Жәнібек Кәрменовтің және  журналист, жазушы Дәулет Сейсенұлының 70 жылдығы,  с.с. өзге де маңызды көпшілік шаралар өткізілді.
Елбасының «Ұлы даланың жеті қыры» мақаласы аясында «Ауызша және музыка дәстүрі», «Дала фольклоры» тарауларына байланысты, қалалық Мәдениет сарайында ұлттық өнерді кеңінен насихаттау және  болашақ ұрпаққа жеткізу мақсатында жыршы, термеші Дүйсен Нығметжановтың жыр-дастандары үн таспаға жазылды, «Ұлы даланың көне сарындары» дәстүрлі музыка фестивалі өткізілді.
2019 жыл - Жастар жылына орай «Жастар жылы – жаңа серпін бастауы» атты зияткерлік шоу, «Қазақстанның болашағы - жастар» атты  ашық микрофон, «Ұлы даланың Ұлы ақыны» көрмесі ашылды, сонымен қатар «Мен жазбаймын өлеңді ермек үшін...» Абай музейінің ғылыми қызметкерлерінің студент жастармен кездесу кеші, «Ел ертеңi – бiлiмдi жастар» атты пікірсайыс дебаты, «Жастар – Қазақстанның стратегиялық  ресурсы»  студент жастармен  кездесу, Шығыс Қазақстан  облыстық ҚХА және «Ахау Семей», «Буюк келажак», «Бокер», «Казачий стан» этно-мәдени орталықтардың жастар қанаты мүшелерінің қатысуымен «Шашу» акциясы, т.б. көптеген шаралар ұйымдастырылып, өткізілді.
«Рухани жаңғыру» бағдарламасында белгіленген міндеттерді жүзеге асыру мақсатында биылғы жылы Наурыз мейрамы жалпыхалықтық сипаттағы жаңа форматта мерекеленді. Наурыздың 14-21 аралығында тоғыз күннің әрқайсысына мазмұн бере отырып, Наурыздың сипатын ашатын мерекелік шаралар өткізілді. Осы уақыт аралығында Ертіс жағалауында қойылымдар көрсетіліп, спорттық ойындар, қала өнерпаздарының мерекелік  бағдарламасы ұйымдастырылды, қол өнер шеберлерінің көрмесі қойылды, қала тұрғындарына ұлттық тағамдар (құрт, бауырсақ, наурыз-көже) таратылды.  
Наурыз мейрамын мерекелеу кезінде қала бала-бақшаларында Қыдыр атадан өзінің армандарының орындалуын және таңғажайыпты шынайы ақ тілегімен күтіп жүрген балаларда шет қалған жоқ. Алдын–ала бекітілген кестеге сәйкес, Қыдыр ата аталған мекемелерді аралап, бүлдіршіндерге ақ тілек-батасын беріп,  әжелер тойға шашу шашты. 
22 наурыз күні қаланың Орталық алаңында мерекелік шаралар барысында «Ұлы даланың жеті қыры» мақаласы аясында «Ұлы дала көші» ұйымдастырылды. Орталық алаңда Алтын Адам және  қазақ елі батырларының бейнесі жанданып,  саятшылар көрінісі ұсынылды. Мерекелік шаралар Орталық  алаңда   ғана емес, сонымен қатар қаланың бірқатар аудандарында өткізілді. Онда мерекелік концерттік бағдарламалармен қатар ұлттық салт-дәстүр көріністері, түрлі спорт ойындары мен сайыстар, қол өнер шеберлерінің көрмесі, мерекелік сауда және ұлттық тағамдар халыққа ұсынылды.
Мәдени шаралармен қатар, қалалық Достық үйінде бөгде жастағы  адамдарды интеллектуалдық, шығармашылық, қоғамдық өмірге тарту мақсатында Белсенді өмір сүру орталығы құрылып, салтанатты түрде ашылды. Орталықта шахмат, дойбы, ән, хореография, гимнастика, компьютерлік сауаттылық, латын графикасын және шет тілдерді үйрету курстары мен үйірмелер және кітапхана қызмет көрсетеді.  
Мәдениет мекемелерінің материалдық базасын нығайту мақсатында іс-шаралар кешені жоспарланып, жүзеге асырылуда. Соның ішінде қала кітапханалары жаңа әдебиеттермен толықтырылып, мәдениет мекемелері жаңа үлгідегі мемлекеттік рәміздермен, орталық кітапхана кәсіби сканермен, Қайнар Мәдениет үйі стационарлық музыкалық аппаратурамен және сахналық жабдықтармен қамтамасыз етілетін болады. Жыл басынан бері бөлім аппараты қызметкерлеріне кеңсе жиһаздары мен компьютерлік техника алынып, зағип және нашар көретін азаматтардың арнайы кітапханасы жаңа кітаптармен толықты .
Кітап қорын сандық нұсқаға көшіру және электронды каталогқа енгізу жұмыстары жалғастырылуда.  Бүгінгі күні,  орталықтандырылған кітапхана жүйесінде 5128 құжат сандық нұсқаға көшірілген, оның ішінде 2019 жылдың басынан бері 340 құжаттың сандық көшірмесі жасалды.
Электронды каталогпен белсенді жұмыс жүргізілуде. Қазіргі таңда электронды каталогқа 283691 библиографиялық жазба орналастырылды, соның ішінде мемлекеттік тілде - 103097, 2019 жылдың 1 тоқсанында  электронды каталогқа - 9228 библиографиялық жазба, мемлекеттік тілде – 5419 жазба енгізілді. Электронды каталогтың веб-нұсқасы кітапхана жүйесінің сайтына орналастырылды.
 
 
 

 
Семей қаласында мәдениеттің дамуы 2018 жыл 
Семей қаласында мәдениеттің дамуы 2016 жыл
 
 
Семей қаласында мәдениеттің дамуы 2015 жыл
 
 
Семей қаласында мәдениеттің дамуы 2014 жыл
 
 
Семей қаласында мәдениеттің дамуы 2013 жыл
 
 
Семей қаласында мәдениеттің дамуы 2012 жыл
 
 
Семей қаласында мәдениеттің дамуы 2011 жыл
 
 
Семей қаласында мәдениеттің дамуы 2010 жыл
Өңдеу күні: 29-04-2019