Акимат » Туризмнің дамуы туралы ақпарат 2019 жыл

Туризмнің дамуы туралы ақпарат 2019 жыл

 
2019 жылғы қаңтар-қыркүйектегі статистикалық деректерге сәйкес келу туризмі бойынша орналастыру орындарымен (резидент еместер) қызмет көрсетілген келушілердің саны – 1997 адамды құрады, бұл 2018 жылғы тиісті кезеңмен салыстырғанда 21,4% - ға (1645 адам) артық. Ағымдағы жылдың тоғыз айында ішкі туризм бойынша орналастыру орындарымен (резиденттер) қызмет көрсетілген келушілер саны – 34682 адамды құрады, бұл 2018 жылдың тиісті кезеңіне 87% - ды құрады (40088 адам). 2019 жылдың қаңтар-қыркүйек айларында орналастыру орындарында көрсетілген қызметтер көлемі 463,75 млн. теңгені құрады. көрсетілген қызметтердің облыстық көлеміндегі үлесі 8,6 % құрады.
Семей қаласында туристік қызмет көрсететін 24 субъект бар, оның ішінде 4-уі туроператорлық қызметпен айналысуға лицензияланған, турпакеттер құруға және іске асыруға, шетелдік туристерді қабылдауға құқылы. 
Бөліммен 2023 жылға дейін өңірдің туристік саласын дамыту бойынша іс-шаралар жоспары әзірленді, ол Семей аймағына шетелдік туристердің өсуін арттыруға мүмкіндік береді. Жолаушылар тасымалы ұйымдарымен кездесулер өткізілді, оларға техникалық көлікті тәртіпке келтіруге, қызмет көрсетуші персоналға, этика мен киім нысанын сақтауға, көліктің санитарлық жағдайына ерекше көңіл бөлу ұсынылды. 3 тілде ақпарат беру әдістері айтылды, баннерлер, стендтер, экрандар, авто/теміржол вокзалдарында және әуежайда ақпараттық құрылымдар түрінде қала брендін орналастыру бойынша тілектер ескерілді.
Сондай –ақ, қалада демалыс күнгі турлар бойынша жоспар-жоба әзірленді, оған жергілікті тұрғындар мен қала қонақтарының 1000-нан астам адамы қатысты. Келген туристердің нақты санын қазіргі уақытта бақылау мүмкін емес, барлық деректер туроператорлардың мәліметтеріне бағытталған. Осы кезеңде мүдделі тұлғалармен бірлесіп туристердің келу нарығын талдау және мәліметтер жинау үшін қонақ үйлермен, демалыс базаларымен, көші-қон қызметімен тығыз жұмыс жүргізіледі.
Бөліммен сакралды, емдеу-сауықтыру, іскерлік, спорттық, мәдени-ойын-сауық, экологиялық және ғылыми-техникалық туризмді дамыту бойынша жұмыстар жүргізілуде. 
Қаланың жергілікті тұрғындарын туризмді дамытуға қатысуға бейімдеу және ынталандыру мақсатында қала тұрғындарының шетелдік туристерді қарсы алуға дайындығын анықтау бойынша әлеуметтік қызметтермен сауалнама жүргізеді. Әлеуметтік видео-роликтер мен тарататын баспа өнімдері, қала қонақтарын қарсы алу және қабылдау әдебі бойынша жадынама әзірленуде, олар жергілікті БАҚ пен қаланың ақпараттық платформаларында ұсынылады.
Бүгінгі күні қала бренді болуы тиіс ұран мен логотип (Welcome to Semey, Semey - cultural capital of Kazakhstan) әзірленді. Instagram, Facebook, VKontakte, twitter, odnoklassniki, regionkz және т.б. ақпараттық платформаларында жылжыту бойынша маркетингтік әдіс үшін бұл құралдар қажет. 
Туристерге жайлы болу үшін 3 тілде қаланың картасы және қаланың көрікті жерлері бар жолсілтеме әзірленді.
Семей қаласының делегациясы 2019 жылдың 26 ақпанында Өскемен қаласында өткен "Тамаша Қытай, Таңқаларлық Шығыс Қазақстан" атты бірінші қытай туристік көрмесіне қатысты. Кездесу жемісті өтті, Семей қаласы мен ҚХР туроператорлары арасында ШҚО-на туристерді тарту бойынша жұмыс жолға қойылды. 
Ағымдағы жылдың сәуір айында Семей қаласының делегациясы Алматы қаласында өткен "Туризм және саяхат" Қазақстандық халықаралық көрмесіне қатысты.
2019 жылдың сәуір айында Семей қаласының делегациясы Алматы қаласында өткен "Туризм және саяхат" Қазақстандық халықаралық көрмесіне қатысты.
29 тамыз күні Семей ядролық полигонының жабылу күніне орай туристік фирмалардың, "Семей Орманы" МОТР РММ және "Қазақстан Республикасының Ұлттық ядролық орталығы" РМК қатысуымен көрме ұйымдастырылды.
2019 жылдың 21 қыркүйегінде қала күніне орай "Тоғас Интур Сервис" туроператорлық компаниясымен бірлесіп "Семей – тарихтың көп қырлы бесігі"атты қалада шолу экскурсиясы өткізілді.
Қала әкімінің орынбасары А. Садырбаевтың, ШҚО туризм және сыртқы байланыстар басқармасының басшысы М. Қабақовтың, қаланың оқу орындарының басшылары, сонымен қатар өлкетанушылардың, мәдениеттанушылардың, тарихшылар мен бизнес субъектілерінің, қаланың туристік фирмаларының қатысуымен 26 қыркүйек Дүниежүзілік туризм күніне орай "дөңгелек үстел" өткізілді.
Қараша айында "Сүйікті қала, туған Семей" атты фотоконкурсы жеңімпаздарын марапаттады, Абай мұражайының қатысуымен "Туризм жастар көзімен" тақырыбында жоғары оқу орындары мен колледж студенттерінің кездесуі өткізілді.
14 желтоқсан Тәуелсіздік күніне орай қаламызда "Арена"көпфункционалды мәдени-спорт кешені ашылды. Оның ашылуына Премьер-Министрдің бірінші орынбасары Ә. Смайылов, Шығыс Қазақстан облысының әкімі Д. Ахметов, облыстың барлық аудандарының өкілдері қатысты.  Алдағы уақытта "аренада" өткізілетін іс-шаралар тек тұрғындарды ғана емес, сонымен қатар қала қонақтарын да тартады.
Сондай-ақ жеке кәсіпкер Ж. Т. Ахметбаеваның "Восточный" Ат-спорттық клубының ашылуы өткізілді, онда нұсқаушының еріп жүруімен атқа мініп, балаларға арналған төбешіктерге сырғанау мүмкіндігі бар, қала тұрғындарының демалуына арналған буфет және жылы санитарлық-гигиеналық торап орналасқан орын орнатылды.
 
Семей өңірі бойынша жол бойындағы сервис нысандарына келер болсақ, 2019 жылдың қыркүйек айының ортасында бекітілген жауапты тұлғалармен және жол бойындағы нысандардың басшыларымен кеңес өткізілді. Оның барысында кеңеске қатысушылардың барлығына жол бойындағы сервистің ұлттық стандарты жеткізілді. Гигиеналық-санитарлық тораптардың Ұлттық стандарттарға сәйкес еместігі туралы хабарланған объектілер анықталды. Қазіргі уақытта жол бойындағы кафелердің иелері анықталған кемшіліктерді жою бойынша жұмыстар жүргізуде.
Осы бағыттар бойынша жұмыстар жоспарлы түрде нысан орындарына шығумен жүріп жатыр, 2019 жылдың 19 қазанында Күшікбай батыр монументі маңында "Алты Алаш" жол бойындағы нысанның ашылу салтанаты болды.
Туризмді дамыту секторының мамандары 2019 жылдың 21-27 қазан аралығында "туризм және өлкетану апталығын" өткізді. Аталған іс-шараға "Семей орманы" республикалық табиғи орман резерваты, ЖОО, колледждер, мектептер мен мұражайлар қатысты. Іс-шаралар жоспарына сәйкес табиғи-қорғалатын аймақта жер учаскелерін бөлу мақсатында инвестициялар тарту бойынша жұмыстар жүргізілуде.
"Семей орманы" МОТР РММ туристік объектілерді салу немесе салу үшін жол бойындағы орман учаскелерін жалға беру бойынша конкурстық рәсімдерді өткізеді.
Желтоқсан айында жаңа жыл қарсаңында "Happy Winter Fest" қысқы маусымының ашылуы "Семей Орманы" МОТР РММ-мен бірлесіп Жаңасемей филиалының аумағында қала тұрғындары мен қонақтарына арналған және атақты спортшылардың қатысуымен өткізілді. Қалалықтар топпен коньки теуіп, шаңғымен, тюбингтермен сырғанап, қысқы орман сұлулығымен ләззат алды.
Қала әкімшілігі қаладағы мәдени объектілерге дейінгі жолдарды қанағаттанарлық жағдайда, сондай-ақ қаладан тыс жерлерде күтіп-ұстауға барлық күш-жігерін жұмсайды. Сондай-ақ мәдени-тарихи объектілердің сыртқы жағдайына қамқорлық көрсетеді.
Сектор ауылдық округ әкімдерімен және қала туроператорларымен бірлесіп туризмнің қысқы түрінің іс-шаралар жоспарын әзірлеу бойынша дайындық жұмыстарын бастады. Желтоқсан айында ауылдық округ мамандарымен туризмді дамыту бағдарламасы бойынша түсіндірме-семинар өткізілді. Жалпы сектор туризмнің барлық түрлерін дамыту бойынша жұмыс жүргізуде.
Туризм экономиканың қызмет көрсету саласы (қонақ үйлер, демалыс базалары, санаторийлер), Көлік және байланыс, құрылыс, ауыл шаруашылығы, халық тұтынатын тауарлар өндірісі, білім беру, мәдениет сияқты негізгі салаларына үлкен әсер етеді.
2020 жылға арналған міндеттер:
- Туризмді дамыту үшін жағдай жасау. Туристік нарық ойыншылары (туроператорлар, турагенттер, туристік объектілер, қызмет көрсетушілер, қауымдастықтар, инвесторлар және басқалар) арасындағы байланыстарды, үйлестіруді және тиімді өзара іс-қимылды жолға қою); 
- Қолайлы туристік климат құру. Семей өңірінің туристік әлеуетін ішкі және халықаралық нарықтарда жылжытудың тиімді жүйесін қалыптастыру;
- Халыққа сапалы мемлекеттік қызмет көрсету;
- Туристік объектілердің көліктік қолжетімділігі ішкі және келу туризмін одан әрі дамыту үшін айқындаушы факторлардың бірі болып табылады, бұл автомобиль жолдарын жөндеу қажеттілігін айқындайды. Туристік тартымдылықты біздің қаламыздың туризмін дамыту үшін сыртқы тартымдылықты қалпына келтіру және қолдау қажет мәдени және тарихи нысандар, ғимараттар қамтамасыз етеді.
 
 
 
Дене шынықтыру және спорт бөлімі

 
 
Өңдеу күні: 09-01-2020