Акимат » Кәсіптік оқыту

Кәсіптік оқыту

Кәсіптік оқыту бөлімінің  2019 жылдың 1 қазанына
атқарған жұмыстары туралы
 
 
«Семей қаласы әкімдігінің халықты жұмыспен қамту орталығы» коммуналды мемлекеттік мекемесі ағымдағы жылы 870 адамды «Еңбек» нәтижелі жұмыспен қамту және жаппай кәсіпкерлікті дамыту Мемлекеттік бағдарламасының шеңберінде қысқа мерзімді кәсіптік мамандықтарға оқыту жоспарланғандығын хабарлайды.
2019 жылдың 1 қазанына жоспардағы 870 адамның 669-ы (77%) 30-ға жуық, атап айтқанда: дәнекерлеуші, күштік желілер мен электр жабдықтарының электригі, автоэлектрик, слесарь-сантехник, өлшеу, бақылау аспаптарының слесарі, краншы, ауыл шаруашылығы өндірісінің тракторшы-машинисі, шаштараз, етікші, тігінші, тырнақ сәндеу шебері, сәнгер-пішуші, тәрбиешінің көмекшісі, массажшы, аспаз, кондитер, бухгалтер, почта байланысының операторы т. б. мамандықтар бойынша«Атамекен» өңірлік кәсіпкерлер Палатасы бекіткен тізімге енген оқу орындарына оқуға жіберілді.  Есепті мерзім ішінде оқуға жіберілгендердің 492-сі (74% ) оқуды аяқтады. Оның 253-і тамыз айының аяғында бітіргендіктен, олардың жұмысқа орналасуы кейінгі айларда жүзеге асырылады. Тамыз  айының 1-іне оқуды аяқтаған 239 адамның 88-і (37%) тұрақты жұмысқа орналасса, 50 адам бірыңғай жиынтық төлем (БЖТ) төледі, 2 адам ақылы қоғамдық жұмысқа тартылды, 12 адам мемлекеттік грант алуға ниетті.  Оқуды аяқтаған 492 адамның 152-сі (31%)  жұмыспен қамту шараларымен қамтылды.Ағымдағы жылы 15 адамға  жаңа бизнес-идеяларды жүзеге асыруға 100 айлық есептік көрсеткіш мөлшерінде (252500 тенге) мемлекеттік грант берілді.  Сөйтіп, 100 АЕК мөлшерінде жоспардағы бөлінген  3787,0 мың теңге қаржы толық игерілді. Сонымен қоса, Семей қаласы бойынша көп балалы, аз қамтылған, 29 жасқа дейінгі жастарға және енбекке жарамды мүгедектерге 200 АЕК көлемінде республикалық бюджеттен және Ұлттық қордан барлығы 93 адамға 46965,0 мың теңге қаржы бөлінген болатын.Есепті мерзім ішінде 6 көп балалы отбасы мүшелеріне 3030,0 мың теңгеге грант берілсе, «Жас кәсіпкер» бағдарламасы шеңберінде кәсіпкерлік негіздеріне оқып, сертификат алған 29 жасқа дейінгі жастар есебінен 36 адам өңірлік кәсіпкерлер Палатасының жанынан құрылған комиссияда өз бизнес-жоспарларын қорғады.Жұмыспен қамту орталығының мамандары жұмыс іздеушілер мен жұмыссыз азаматтарды кәсіптік мамандықтарға оқыту, оқуды аяқтаған адамдарға  жұмыспен қамтуға жәрдемдесу және бағдарлама қатысушыларына берілетін мемлекеттік грантқа бөлінген қаржының игерілуіне қатысты жұмыстарды одан әрі жалғастыруда.
 
 
«ШҚО Семей қаласының жұмыспен қамту, 
әлеуметтік бағдарламалар және азаматтық
хал актілерін тіркеу бөлімі» ММ
 
 

Кәсіптік оқыту 2018 жыл 

Кәсіптік оқыту 2017 жыл

Кәсіптік оқыту 2016 жыл

 

Өңдеу күні: 14-10-2019