Акимат » Кәсіптік оқыту

Кәсіптік оқыту

«Семей қаласы әкімдігінің халықты жұмыспен қамту орталығы» КММ 2018 жылы «Еңбек» Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасының (әрі қарай Бағдарлама) бірінші бағыты аясында ШҚО Жұмыспен қамту және әлеуметтік бағдарламаларды үйлестіру Басқармасымен белгіленген жоспарға сәйкес 595 адам қысқа мерзімді кәсіптік мамандықтарға оқытылатындығын хабарлайды. Оларды оқытуға республикалық  бюджеттен екі 89995,0 мың теңге қаржы түсті.   Сонымен қатар, аймақты өркендету Бағдарламасы  аясында 170 адам қысқа мерзімді курсқа оқыту жоспарланған болатын. Оларды оқытуға қалалық бюджеттен  32928,0 мың теңге қаржы бөлінді.
2018 жылдың 11 айындағы есебі бойынша екі Бағдарлама бойынша 829 адам (108%) 40 мамандық бойынша қысқа мерзімді оқуларға жіберілді. Оның ішінде 360 адам (43%) күш желілері мен электр жабдықтарының электр монтаждаушысы, дәнекерлеуші (барлық түрі бойынша), автокөліктің электр жабдықтарын жөндейтін электрик, слесарь-сантехник, краншы, ауыл шаруашылығы өндірісіндегі тракторшы-машинист, бульдозер машинисі, «В» санаттағы жүргізуші, электр және газбен дәнекерлеуші, автомобиль жөндеуші слесарь және т.б.; 383 адам (46%) халыққа қызмет көрсету саласының  аяқ киім жөндеуші, аспаз, аспаз-кондитер, тігінші, кәсіби күтуші, наубайшы, визажшы, шаштараз сияқты мамандықтарына; 86 адам (11%)  1С  оператор, электронды есептеу машинасының операторы, мемлекеттік сатып алу агенті, бухгалтер біліктілігін жетілдіру курсына оқуға жіберілді.  
Бағдарламаға қатысушыларды кәсіптік мамандықтарға оқыту 2018 жылдың 19 ақпанында өңірлік комиссия бекіткен Тізімге енген «Электротехникалық колледж», «Құрылыс колледжі, «Көлік колледжі», «Д. Қалматаев атындағы медицина колледжі», «Бизнес және сервис колледжі», «М. Әуезов атындағы педагогикалық колледжі», «Шығыс Қазақстан технология колледжі» коммуналды мемлекеттік қазынашылық кәсіпорындарында, «Индустриалды технологиялық колледж» коммуналды мемлекеттік мекемесінде және «Семей қаласының технология колледжі», «Туризм және экономика», «Қазақ тұтынушылар қоғамының агробизнес және экономика», «Қызмет көрсету», «Қайнар», «Семей», «Жастар» колледжі, «Динамо» қоғамдық бірлестігінің оқу орталығы, Өскемен қаласындағы «Специалист» оқу орталығы, «Шәкәрім атындағы Университет»  сияқты 18 оқыту мекемелерінде оқытылуда. 
Биыл екінші жыл қаланың шалғайдағы елді мекендеріндегі жұмыссыз азаматтарды тұрғылықты жерінде мобильдік оқу орталықтары оқыту жұмыстары жүргізілуде. Ағымдағы жылы Қараөлең, Алғабас, Ақбұлақ, Айнабұлақ ауылдық округтерінен жоспарланған  70 адам аспаз, электр және газбен дәнекерлеуші, ЭЕМ операторы, күш желілер мен электр жабдықтарының электр монтаждаушысы мамандықтарына оқуға жіберілді. 
2018 жылдың 1 желтоқсанына  қысқа мерзімді кәсіптік оқуға жіберілген 829 адамның 431-і (52%) әйелдер, 251-і (30%) - 29 жасқа дейінгі жастар, 163-і (20%) – ауылдық өңірлердің жұмыссыз азаматтары.
Есепті мерзім ішінде 609 адам (73%) қысқа мерзімді кәсіптік оқуды аяқтады. Оның ішінде 250 адам (41%) қаладағы шағын және орта бизнес мекемелеріне жұмысқа орналасты.
 
«ШҚО Семей қаласының жұмыспен қамту, 
әлеуметтік бағдарламалар және азаматтық
хал актілерін тіркеу бөлімі» ММ
 
 

Кәсіптік оқыту 2017 жыл

Кәсіптік оқыту 2016 жыл

 

Өңдеу күні: 10-12-2018