Акимат » Кәсіптік оқыту

Кәсіптік оқыту

«Еңбек» нәтижелі жұмыспен қамту және жаппай кәсіпкерлікті дамыту Мемлекеттік бағдарламасының бірінші бағыты аясында 2019 жылы Семей қаласы бойынша жоспардағы 870 адамның орнына 975 адам (112%) кәсіптік мамандықтарға оқуға жіберілді. Осы мақсатқа республикалық бюджеттен бөлінген 136411,0 мың теңге қаражат толық игерілді. 
Кәсіптік оқу өңірлік Кәсіпкерлер Палатасы бекіткен оқу орындарының Тізіміне енген қаладағы 13 колледж бен 2 оқу орталығында мына мамандықтар: дәнекерлеуші (барлық түрі бойынша), күш желілері мен электр жабдықтарының электр монтаждаушысы, автомобиль жабдықтарының электригі, слесарь-сантехник, өлшеу-бақылау жабдықтары және автоматика слесарі, краншы, ауыл шаруашылығы өндірісінің тракторшы-машинисі, шаштараз, аяқ-киім жөндеу шебері, тігінші, тырнақ сәндеу шебері, сәнгер-пішуші, тәрбиешінің көмекшісі, аспаз, кондитер, бухгалтер, пошта байланысының операты т. б. бойынша жүргізілді.
Оқуға жіберілгендердің 594-і (61%) – әйелдер, 262-сі (27%) - 29 жасқа дейінгі жастар, 23-і (2,4%) – мүмкіндігі шектеулі азаматтар.  
Қысқа мерзімді кәсіптік оқуды аяқтаған 888 адамның 533-і (60%) қаладағы шағын және орта бизнес кәсіпорындарына жұмысқа орналасты. Жұмысқа орналасқандардың 217-сі (41%) зейнетақы қорына жарна аударды.
Жоғарыда атап өтілген Бағдарлама шеңберінде жаңа бизнес-идеяларды жүзеге асыруға берілетін мемлекеттік гранттар бойынша төмендегі жұмыстар жүргізілді:
- 100 АЕК көлеміндегі гранттар жоспардағы 15 адамға беріліп, 3787,0  мың
теңге игерілді;
- 200 АЕК көлеміндегі гранттар жоспардағы 93 адамға беріліп, 46965,0 мың 
теңге игерілді. 
Осылайша, 2019 жылға мемлекеттік грантқа бөлінген 50752,0 мың теңге толық игерілді.
Сонымен қатар, 2019 жылдың желтоқсан айында қысқа мерзімді кәсіптік оқуларға Қазақстан Республикасы Ұлттық қорынан бөлінген 94590,0 мың теңге қаржының 37870,0 мың теңгесі (40%) көпбалалы, аз қамтылған отбасы мүшелеріне, 29 жасқа дейінгі жастарға және жұмысқа қабілетті мүгедектерге жаңа бизнес-идеяларды жүзеге асыру үшін берілетін мемлекеттік грантқа аударылды.  Аударылған қаржы толық игерілді. 
Жоғарыда атап өтілгеннен басқа, әлеуметтік бағдарламаларды үйлестіру Басқармасы өткен жылдың желтоқсан айында мемлекеттік грантқа 16660,0 мың теңге қосымша ақша бөлген болатын.  Бұл қаржы да  толық игерілді. 
2019 жылы Семей қаласы бойынша барлығы 216 адамға мемлекеттік грант берілді. Олардың 147-сі (68%) әйелдер, 110-ы (51%) – 29 жасқа дейінгі жастар,12 адам (6%) – жұмысқа қабілетті мүгедектер. Көп балалы отбасы мүшелері қатарынан грант алған адамдар саны 69 (32%).
 
 
 
 
«ШҚО Семей қаласының жұмыспен қамту, 
әлеуметтік бағдарламалар және азаматтық
хал актілерін тіркеу бөлімі» ММ
 
 

Кәсіптік оқыту 2018 жыл 

Кәсіптік оқыту 2017 жыл

Кәсіптік оқыту 2016 жыл

 

Өңдеу күні: 17-01-2020