Акимат » Семей қаласының білім беру жүйесінің дамуы 2019 жылдың 1 қаңтарына

Семей қаласының білім беру жүйесінің дамуы 2019 жылдың 1 қаңтарына

Мектепке дейінгі білім
Семей қаласында 56 мектепке дейінгі ұйым (16 мемлекеттік, 40 жеке-меншік) және мектеп жанындағы 12 шағын орталық қызмет етеді. Балабақшалар мен шағын-орталықтарда барлығы 10 мыңнан астам бала қамтылған.          
3-6 жастағы балаларды мектепке дейінгі тәрбие мен оқытумен қамту – 100% құрайды. 
3-6 жастағы балаларды мектепке дейінгі білім беру бойынша жұмыс жалғасуда. «Қарағайлы» кентінде 320 орынға  арналған балабақша ашылды.
Мектепке дейінгі мекемелерде 890 педагог жұмыс істейді, оның ішінде 13,0 % -жоғары санатты, бірінші санатты – 14,3%,  екінші санатты – 27,7 %, санатсыз- 44,8 %. 
Семей қаласының балабақшаларында оқу-тәрбие үрдісінде инновациялық технологияларды: ойын, жеке тұлғаға бағытталған белсенді оқыту, жобалау, ақпараттық-коммуникативтік технологияларды қолдану жұмыстары жалғасуда. 2016-2019 жылдарға арналған көптілділік білім беруді дамыту мектепке дейінгі мекемелерде үш тіл: қазақ, орыс, ағылшын тілдерін меңгерту арқылы жүзеге асырылады.  
Мектепке дейінгі мекемелердегі оқыту үрдісі мемлекеттік стандарт, типтік оқу жоспары, типтік оқу бағдарламасы арқылы жүзеге асады.
 
Орта білім беру
Жалпы білім беру мекемелер жүйесі – 71 мекемемен қамтылған: 67 - мемлекеттік жалпы білім беретін мектептер; 2- жеке меншік; 2 - кешкі. Мемлекеттік тілде білім беретін мектептер саны – 25, орыс тілінде - 9, оқыту екі тілде білім беретін мектептер -33. Мемлекеттік мектептерде 1-11 сыныптар аралығында 44487 оқушы білім алуда (2017ж- 43463, 2016 ж.-41939, 2015ж. – 39636). Олардың ішінде қалалық жерлерде - 42219   (2017ж-41206, 2016 ж.-39625, 2015ж.-3711, 2014ж.-35719) оқушы, ауылдық жерлерде – 2268  (2017ж- 2257, 2016 ж-2314, 2015 ж. – 2325, 2014 ж. –2404, 2013ж. – 2470) оқушы. Семей өңірі бойынша 12 – шағын жинақталған мектеп, олардың ішінде 5 – негізгі, 7- орта, контингенті- 1035, мектеп алды даярлықты қосқанда-1190 (2017ж-1433) оқушыны құрайды.
Оқушылардың оқу үлгерімі мен білім сапасы 63,2 % пайызды құрайды. 
Қорытынды аттестаттау
Білім беру мазмұнын  жаңарту  негізінде қорытынды аттестаттау да өзгертілді.
Мемлекеттік бітіру емтиханы-орта мектеп курсын тәмамдағаны туралы аттестат алу үшін қорытынды аттестаттау өткізілді. 2017-2018 оқу жылындағы түлектер саны 1926, былтырғы оқу жылына қарағанда 225 адамға артық. Қорытынды аттестаттауға қала мектептерінен 1914 оқушы қатысты, соның ішінде мемлекеттік тілде 1183 (61,8 %), орыс тілінде оқытылатын мектептерден 731 (38,1%) тапсырды. Қорытынды аттестаттаудан 12 оқушы денсаулығына байланысты босатылған. 
Қорытынды аттестаттаудың нәтижесінде білім сапасы 76,2% құрады, 11 сыныптардың жылдық білім сапасы 49,1%-ды көрсетсе, жылдық қорытындыда 27,1 %-ға артық. 
Қорытынды аттестаттау  көрсеткіші бойынша 67 түлек "Алтын белгі"(2017ж-54), үздік аттестат - 65 (2017ж-  72).
Ұлттық бірыңғай тестілеу
Ұлттық бірыңғай тестілеу- жоғары оқу  орындарына түсетін  біліктілік формалардың бірі. ҰБТ қала бойынша өткізу орындары №836 Шәкәрім атындағы СМУ, №862 КазМЗИУ 20-25 мауысымда үш ағымда өтті. ҰБТ-ға 1415 оқушы қатысты. Қала бойынша қатысу пайызы 73,4% (201-72,5%). Облыс бойынша-68,8%. Қала бойынша орта балл-84,7 (шығармашылық емтихан тапсырған түлектерді есептемегенде), олармен бірге-77балл (2017-82,6 балл), облыс бойынша-83,2 балл, республика бойынша-80,2 балл.
ҰБТ-да қала  бойынша ең төмен балл көрсеткен мектептер:
50-60 балл-№ 9,12,13,21,Шульбі м/к, Чекоман, Быхин атындағы; 60-70 балл-№7, 4, 25,26,33,35,38, Бегалин, Букенші мектептері; 
Үш жыл бойы тұрақты орта балл көрсеткен келесі мектептер: экономикалық лицей,  №37, Шәкәрім атындағы  гимназиялар, № 3.
Орта балдың төмендеуі  Быхин атындағы, №9,12,13,байқалады.
Ең жоғары -13 балл 140-тан № 39 ЖОББМ оқушысы Біржан Б. көрсетті (2017 жылы ең жоғары баллды 138 №31 ЖОББМ түлегі). 
Шекті деңгейге жетпеген оқушылар саны – 182. №4,19,32,38,39, Быхина мектеп түлектерінің көпшілігі төмен деңгей көрсетті. 
ҰБТ нәтижесі бойынша пәндерге бөлгенде орта балл көрсеткен:оқу сауаттылығы-16,8 балл, математикалық сауаттылық-11,1 балл, Қазақстан тарихы – 11,5 балл, физика-17,8 балл, химия – 21,7 балл, биология – 18,7 балл, география-16,5 балл, ағылшын тілі-19,2 балл. 
67 түлектердің ішінде "Алтын белгі" иегерлері бойынша 47 оқушы ҰБТ тапсырды (100 және 100-ден аса балл немесе 68,8% көрсеткен 42 оқушы). 
Үздік аттестат бойынша 65 оқушыдан 58 оқушы ҰБТ-ға қатысты, 100 және 100-ден аса балл немесе 74,4%. 
ҰБТ қорытындысы  жан-жақты сараланып, талданды. Семей қаласының білім бөлімінің кеңесінде қаралды.
Қамқоршылық және қорғаншылық секторы
Қазақстанның мемлекеттік саясаты әр баланың құқығын қорғауға бағытталған. Елбасымыз: «Біздің елімізде дүниеге келген әрбір бала – қазақстандық. Мемлекет оларды қорғау керек» - деген. 
Семей қаласында ата-анасының қамқорлығынсыз қалған жетім 406 бала қамқорлыққа алынған, соның ішінде жетімдер – 148, ата-анасының қарауынсыз қалғандар – 132, қамқорлыққа өз еркімен тапсырылғандар – 89,  патронаттық тәрбиеде – 41. 
Бүгінгі таңда аса өзекті мәселе болып табылатыны – әлеуметтік жетімдік. Экономикалық тоқырау жағдайындағы халықаралық тәжірибені есепке ала отырып, отбасын қолдау және қолайсыз отбасын ерте анықтау мақсатында қаламызда «Отбасын қолдау орталығы» мен «Ана үйі» құрылған, олар білім бөлімімен бірлесе тұрмыстық жағдайы төмен отбасыларына көмек, қолдау көрсетеді.Білім бөлімі жетім балаларды және аталған категориядағы отбасыларды қолдауға бағытталған жұмыстарды үнемі жүргізеді. Жыл сайын «Қорғаншылар күні», «Мейірім» атты жалпықалалық іс-шаралар ұйымдастырылып отырады.  
Бұл шараға отбасыларға қамқорлыққа алынған балалар, жетім және ата-анасының қамқорлығынан айырылған балаларға арналған білім беру мекемелерінің тәрбиеленушілері, отбасына бала асырап алғысы кеп жүрген кандидаттар шақырылады. 
Балаларды қамқорлығына алған барлық отбасылар бір балаға 2019 жылдың 1 қаңтарынан  10 АЕК (25250 теңге) мөлшерінде баланы күту үшін  жәрдемақы түрінде мемлекеттен қолдау алады. 
Ата-анасының қамқорлығынан айырылған балаларға және жетім балаларға арналған мекемелерден жетім бала асырап алған Қазақстан Республикасы азаматы 2015 жылдың қаңтар айынан 75 АЕК мөлшерінде (189375) біржолғы жәрдемақы алады. 
Патронат тәрбиешілер ай сайын педаогикалық еңбек өтіліне байланысты 30 000-50000 дейін еңбекақы, сонымен қатар бір баланы асырауға 10 АЕК  (24050) алады.  
Бүгінгі таңда Семей қаласында «Мейірім» акциясымен  263  кәмелетке толмағандар қамтылған (балалар үйінде – 111, патронаттық тәрбие мен қамқорлықта -152).Балаларға  әлеуметтік-патронаттық қолдауды 80-нен артық патронаттық ұйымдар  көрсетеді
2018 жылдың 29 желтоқсанындағы есеп бойынша «Жилстройсбербанк» балалардың есебіне аударылған сома мөлшері – 36 млн.теңгеден асады.
Жетім балаларға үш жылға арналған Кешенді жоспарды жүзеге асыру нәтижесі бойынша 12 пәтер бөлінді, 1 тәрбиеленуші жер телімін алды,  5 тәрбиеленуші жөндеу жұмысын жүргізді және жиһаз алды, 6 тәрбиеленуші мемлекеттен жиһаз және тұрмыстық техника алды. «Мейірім» акциясына белсенді қатысқан патронатты ұйымдардың ішінде – ең алдымен білім беру мекемесі, денсаулық сақтау және ауылшаруашылық бөлімі  және т.б. бар. 
Бүгінгі таңда балалар есебіне «Жилстройсбербанк» патронаттық  ұйымдар арқылы 36 млн.теңгеден артық қаржы бөлінген.
«2020 – қолжетімді баспана», «Жұмыспен қамту жол картасы 2020 бағдарламалары бойынша қала әкімшілігімен  соңғы жылдары жетім және ата-анасының қамқорлығынан айырылған балаларға (2013 жылы – 6 пәтер, 2014- 2015 жылдары - 89 пәтер,  2017 жылы – 1 пәтер, 2018 жылы -1 пәтер) бөлінген.
Бүгінгі күні мемлекеттік тұрғын үй қорынан тұрғын үйді қажет ететіндер есебінде 1323 жетім –бала және ата-анасының қамқорлығынан айырылған балалар тұр. 
2016 жылы ШҚО облыс мәслихатымен жетім және ата-анасының қамқорлығынан айырылған балаларды қолдау жөнінде 2016-2018 жылдарға кешенді жоспар бекітілген. Қорғаушылық және қамқоршылық ұйымының қызметін атқаратын білім бөлімімен ата-анасының қамқорлығынан айырылған балаларды анықтау және оларды есепке алу жөнінде ұдайы жұмыстар жүргізіп отырады, ата-анасының қамқорлығынан айырылудың нақты жағдайлары ескеріле отырып,  қамқорлық пен қорғауға алу, асырап алу түрі анықталады, сонымен қатар олардың келешектегі тәрбиеленуіне, білім алуына және күтілу жағдайына бақылау жүргізіліп отырады. 
2017 жылдың мамыр айында ШҚО мәслихатымен бекітілген «Мейірім» қайырымдылық акциясының аясында Білім бөлімі мен балалар үйі бірлесіп «№8 балалар үйі» ҚММ тәрбиеленушісі – Экштеин Марияға 1 бөлмелі пәтер берілді.
 
Дарынды балалармен жұмыс
Семей қаласының білім бөлімі 2018 жылдың 20 қазанда Шәкәрім атындағы Мемлекеттік университетінің базасында республикалық ғылыми жобалар жарысының   қалалық кезеңін өткізді.
Қалалық кезеңге 44 мектептен 261 оқушы  4 бағыт,  16 секция бойынша 199 ғылыми жобалар қорғауға жіберілді.  
Ғылыми жоба жарысының   қалалық кезеңінің қорытындысы бойынша 1, 2, 3 орын алған 109 жоба, 146 жүлдегер: 
Қазылар алқасының мүшелері  Семей қаласы Шәкәрім атындағы мемлекеттік университеті, Семей мемлекеттік медицина университеті, Қазақстан инновациялық университеті, Семей Инновациялық -гуманитарлық Заң университетінің оқытушы-ғалымдарынан құралған.  
2018 жылдың желтоқсанында ғылыми жоба жарысының облыстық кезеңіне Семей қаласынан 21 мектеп: 51 жоба, 69 оқушы қатысты.  Облыстық кезеңнің қорытындысы бойынша 31 қатысушыдан, 42 оқушы жүлделі орындарға ие болды. 
Облыстық кезеңде ең көп жүлделі орын алған келесі жалпы орта білім беретін мектептер: №39 (10 жүлдегер), №47, (6 жүлдегер),  ЭЛ (4 жүлдегер).   
Оқушылардың ғылыми-зерттеу және оқу-танымдық қызметін ынталандыру, талантты және дарынды жас зерттеушілерді іріктеу  мен оларға қолдау көрсету мақсатында «Зерде» республикалық конкурсының қалалық кезеңі өткізілді.  Қалалық кезеңге 49 мектептен 359 жоба, 446 оқушы қатысты). Қорытынды бойынша 139 жобамен 165 жүлдегер. 
Облыстық кезеңіне Семей қаласынан 13 мектептен 28 оқушы қатысып, 15 оқушы жүлделі орындарға ие болды: І орын – 5 жүлдегер, ІІ орын – 2 жүлдегер, ІІІ орын – 8  жүлдегер.
Облыстық кезеңде І жүлделі орынды жеңіп алған 5 жүлдегер «Зерде» конкурсынының республикалық кезеңіне қатысады. 
Қалалық олимпиадаға 2018 жылы жалпы білім беретін пәндер бойынша   республикалық олимпиаданың қалалық кезеңі желтоқсан айында өткізілді. Оған 63 мектептен 1772 оқушы қатысты. 
Олимпиаданың қорытындысы бойынша 500 оқушы жүлделі орындарға ие болды.
І орын - 61 оқушы, ІІ орын - 161 оқушы, ІІІ орын - 278 оқушы
Ерекше нәтиже көрсеткен мектептер:
№ 6 Гимназия, № 37 Гимназия, Экономикалық лицей, № 1 ОМ, №22 МЛ, № 39 ОМ, №16, №19, №30, №32, №47.
Таулы Үлбіде  жас өлкетанушы-экологтар мен натуралистердің облыстық  форумы өтті.   
Форумның жұмысы «Туған өлкенің табиғатын аяла» ғылыми-практикалық конференция түрінде  және «Туған өлкені зерттейміз», «Жасыл экономика», «Денсаулық және қоршаған орта» номинациялар бойынша зерттеу жобаларының конкурсы ұйымдастырылды. Бағдарламаға: облыстың алдыңғы қатарлы педагог-экологтардың шеберлік-сыныбтары, «Қалдықтардан – табыстарға» шығармашылық жұмыстар көрмесі, «Экоәлем» бейнероликтердің презентациясы, «Табиғаттың құтқарушы шеңбері» экологиялық квест,экскурсия, «Жасыл әлем» экологиялық акциясы енгізілді.
 Облыстық форумға Семей қаласынан №39 жалпы орта білім беретін мектептің 8 оқушысы қатысты. 
Форум қорытындысы бойынша Б. Жұматаева  мен М. Халелова жүлдегер атанып, ІІ Дәрежелі дипломдармен марапатталды. Барлық қатысушыларға сертификат берілді. 
Жаратылыстану-математика пәндері бойынша Президенттік олимпиаданың облыстық кезеңіне Семей қаласынан  4 оқушы Экономикалық лицей (Валиев Артем, Толеухан Акежан) мен №37 гимназиядан (Қайырбек Аяжан, Маратұлы Азамат) қатысты.
Шараның өткізілу мақсаты – дарынды балаларды айқындау үшін қажетті жағдайлар жасау, оқушылардың  жаратылыстану-математика пәндері бағытына қызығушылықтарын дамыту және олардың кәсіптік бағдарларын қалыптастыру.
Олимпиада екі тур бойынша өтті.   Әр оқушы 4 пән бойынша тапсырмалар орындады.
Олимпиаданың қорытындысы бойынша жоғары ұпай жинаған №37 гимназияның 11 сынып оқушылары Қайырбек Аяжан мен Маратұлы Азамат 
 
Тәрбие  жұмысы
Қаламыздың жалпы білім беретін мектептерінің ата-аналар қоғамы үшін келесі іс-шаралар ұйымдастырылған:
- « XXI ғасырдағы Қазақстандық  ата-ана: өз балаңа үлгі бол» Республикалық ата-аналар конференциясы, бұл конференция мақсаты - бірінші сынып оқушыларының ата-аналарына психологиялық көмек көрсету, отбасы мен мектеп ынтымақтастығының берік негізін қалау;
- білім бөлімі мамандары, психологтар, СӨС орталығының медицина мамандары, ПМПК өкілдері, ІІБ ЖПҚ ЮП қызметкерлері қатысыуымен  алғашқы қоғамдық тымдалым ұйымдастырылды, бұл шара мақсаты – өскелең ұрпақтың азаматтық және әлеуметтік жауапкершілігін қалыптастыруда ата – ана рөлін белсендіру;
- Оқушылардың құқықтық тәрбиесі бойынша білім бөлімі ұйымдастырған ашық есік күні, Бұл шарада қаламыздың № 19,16,15,10,30,38 ОМ  және № 6  гимназия  оқушыларға құқықтық білім беру тәжірибесін көрсетті.
 
«Рухани жаңғыру» бағдарламасын іске асыру аясында «Үздік мектеп мұражайы» республикалық конкурсының облыстық туры өтті. « Аманов атындағы № 16 ЖОББ мектеп» КММ 11 сынып оқушысы Советхан Саян  Айтказина А.А. жетекшілігімен «Тарихи мұражай» номинациясында  мектеп мұражайының жұмысын көрсетіп, 1-орынды иеленді.
Мектеп ортасында жемқорлыққа қарсы мәдениетті қалыптастыру Бағдарламасын іске асыру аясында азаматтық- патриоттық және рухани- азаматтық  тәрбие беру контексінде  ШҚО жемқорлыққа қарсы және мемлекеттік қызмет істері бойынша  Қазақстан Республикасы Департаменті өкілінің қатысуымен  қала мектептерінің «Адал ұрпақ» еріктілер клубы слеті өтті. Бұл шараға 500 ден астам клуб мүшелері қатысты, слет нәтижесі бойынша үздік мектептер мақтау қазардарымен марапатталды.
Тұңғыш Президент күні және Қазақстан Республикасының Тәуелсіздігі  күні қарсаңында барлық қала мектептерінде салтанатты сап түзеулер өтіп, 400ден астам оқушылар      «Жас ұлан», «Жас қыран» бірыңғай балалар - жастар  ұйымына  мүшелікке қабылданды. 2018 жылдың соңында «Жас ұлан» ББЖҰ мүше болған оқушылар саны 25000 құрады. « Біздің ел – Қазақстан, болашағы – «Жас ұлан» қалалық салтанатты сап түзеуде  қала мектептерінің ең үздік 200 оқушысы осы ұйым мүшелігіне қабылданды. Сондай-ақ, қала мектептері арасында дебат турнирлері ұйымдастырылып, «№ 30 ЖББОМ» КММ ҚР Тұңғыш Президенті кабинетінде  40 өзін-өзі басқару ұйымдары мен мектеп комитеттері мүшелері қатысқан «Қалай көшбасшы болуға болады»  онлайн режимде дөңгелек үстел өтті.
Білім бөлімі бастамасымен «Нұр отан» партиясы офисінде   қала мектептерінің он бір 11-сынып оқушыларын «Жас отан» ЖК салтанатты түрде қабылдауы өтті. Бұл оқушылар түлі  халықаралық,республикалық, облыстық олимпиадалар мен спорттық сайыстардың жүлдегерлері және мектептің қоғамдық өміріне белсене араласатын, үздік оқитын жастар.
Жастар мен балалардың шығармашылық сарайында Рубик кубигін жылдам жинау бойынша «KSF Semey Citi 2018» қалалық турнир ұйымдастырылды. Болашақта осындай турнирлер  Қазақстанның 16 қаласында өткізу жоспарланған. Чемпионаттың ұйымдастырушылары – Kazakhstan Speedcubing Federaition  және Семей қаласының білім бөлімі. Турнирге  қала мектептерінен 201 оқушы қатысып, жеңімпаздар турнир ұйымдастырушылары тарапынан сыйлықтармен марапатталды.
2018 жылдың 1-3 қарашасында  Семей қаласының балалар  өнер мектебінде Шығыс Қазақстан облысы  білім беру басқармасының облыстық қосымша білім беру және дене тәрбиесі орталығы қолдауымен  Теміржан Базарбаев атындағы тұңғыш облыстық фестиваль-конкурс ұйымдастырылып, өткізілді. Фестивальде  117 әнші, 49 жас суретші және 8 Балалар музыка мектебі ұйымдары өнер көрсетті.
Аз қамтылған және көпбалалы отбасылардан шыққан оқушыларға, жетім балаларға, ата- анасының қамқорынсыз қалған балаларға балалар мен жасөспірімдер шығармашылық Сарайында қала әкімі шыршасы ұйымдастырылды, бұл шараға  қала мектептерінен 150 оқушы қатысты. 2018 жылдың 21 желтоқсанында  Достық Үйі әкімшілігі бастамасымен ұйымдастырылған «Жан жылуы» қайырымдылық акциясына ауыл мектептерінен 140 оқушы  қатысты.
Спорттық-бұқаралық және дене тәрбиесі-сауықтыру іс шаралары 2018-2019 жылдарға  спорттық-бұқаралық іс-шаралар күнтізбесі  жоспарына сәйкес өткізілді. 
 
 
Білім бөлімі
 
 

Семей қаласының білім беру жүйесінің дамуы 2017 жыл

 

Семей қаласының білім беру жүйесінің дамуы 2016 жыл

 

Семей қаласының білім беру жүйесінің дамуы 2015 жыл

 

Семей қаласының білім беру жүйесінің дамуы 2014 жыл

 

Семей қаласының білім беру жүйесінің дамуы 2013 жыл

 

Семей қаласының білім беру жүйесінің дамуы 2012 жыл

 

Семей қаласының білім беру жүйесінің дамуы 2011 жыл

 

Семей қаласының білім беру жүйесінің дамуы 2010 жыл

Өңдеу күні: 14-01-2019