Акимат » Семей қаласында дене шынықтыру мен спорттың дамуы 2017 жылдың 1 қазанына

Семей қаласында дене шынықтыру мен спорттың дамуы 2017 жылдың 1 қазанына

Дене шынықтыру және спорт бөлімімен дене шынықтыру және спортты дамыту және дене шынықтыру және спортпен үнемі айналысушылардың санын арттыру бойынша бірқатар жұмыстар атқарылды. 
Семей қаласында тұрғындар қызметіне 384 спорт ғимараты, оның ішінде 7 бассейн, 4 стадион, 5 спорт кешені, 123 спорт залы, 1 дене шынықтыру – сауықтыру кешені, 5 шаңғы базасы, 5 мылтық ату тирі, 2 мұз айдыны (Локомотив, Цементник), 1 коньки тебу стадионы, 22 футбол алаңы, 130 арнайы салынған спорт залдар және 72 қосарланған спорт залдар бар.
Спорт саласында 692 маман қызмет атқарады, оның 595-нде жоғары дене шынықтыру білімі, 97 -нде орта арнайы дене шынықтыру білімі бар. Соның ішінде 295 жалпы білім беру орта мектептерінің мұғалімдері, 163 жоғары оқу орындары мен колледждердің мұғалімдері, 192 спорт бойынша жаттықтырушы – мұғалімдер, 15 балалар жасөспірімдер спорт мектебінің қызметкерлері (директор, директордың орынбасары, әдіскерлер). 12 кәсіптік техникалық мектептердің мұғалімдері және дене шынықтыру пәндерінің басшылары, 12 -сі спорт клубтар аппараттарының, 10 басқа дене шынықтыру қызметкерлері.  
Жеке кәсіпкер А. Кузнецованың есебінен Абай көшесінде хауыз залы бар теннис залының құрылысы басталды.
Шығыс Қазақстан облысының әкімі Д. Ахметовтың 2015 жылғы 5 наурыздағы № 1/154 хаттамалық тапсырмасын орындау мақсатында Дастенов көшесі, 34 «А» мекен-жайында орналасқан «Семей қаласы бойынша № 1 Шығыс Қазақстан облыстық мамандандырылған балалар – жасөспірімдердің спорт мектебі» коммуналдық мемлекеттік кәсіпорнының базасында 2016 жылы 200 орындық спорт академиясы және күрес залы ашылған болатын. Бүгінгі күні грек-рим күресінен екі жүлдегерлер Базарбаев Нұрсұлтан, Мамырбеков Ерасыл және Қазақстан Республикасының чемпионы Сочникова Кристина дайындалып шықты.
2017 жылы қалалық бюджет есебінен Юность, Восход, Энергетик, Шмидт көшесіндегі және Сатпаев көшесіндегі Ертіс өзенінің жағалауында «STREET WORKOUT» арнайы алаңдары салынды.
«Қарағайлы» мөлтек ауданында 5000 орынға арналған мәдени – спорттық кешенінің құрылысы басталады. Құрылыс жаңа спорт түрлерінің дамуына және дене шынықтыру және спортпен үнемі айналысушылардың санын арттыруға септігін тигізеді. 
№ 12 жалпы білім беру орта мектебінің аумағында демеушілік қаражаттар есебінен шағын – футбол алаңы, жүгіру жолы салынып, құрал – жабдықтар сатылып алынды. Яғни ол аудан тұрғындарын және оқушыларды спортпен үнемі айналысуға тартады. 
Қалада облыстық спорт басқармасының теңгеріміндегі 3 спорт мектебі: «Семей қаласы бойынша № 1 Шығыс Қазақстан облыстық мамандандырылған балалар- жасөспірімдер спорт мектебі», «Семей қаласы бойынша № 2 Шығыс Қазақстан облыстық мамандандырылған олимпиадалық резерв мектебі», «Шығыс Қазақстан облыстық спорттың бұқаралық түрлері бойынша жоғары спорт шеберлігі мектебі», «ШҚО Семей қаласының дене шынықтыру және спорт бөлімі» мемлекеттік мекемесінің «Семей қаласы бойынша балалар – жасөспірімдер спорт мектебі» 23 федерация, 27 әртүрлі бағыттағы спорттық клубтар жұмыс істейді. Спорттың 65 түрі дамыған, соның 25 - олимпиадалық спорт түрлері, 40 – олимпиадалық бағдарламаға жатпайтын спорт түрлері. 
№ 1 облыстық балалар – жасөспірімдер спорт мектебінде жазғы уақытта сауықтыру лагері жұмыс істейді. Онда жыл сайын 250 тәрбиеленушілер демалады.
Кейінгі уақытта қалада дене шынықтыру және спортпен айналысушылар санының біршама өскендігі байқалады. Мысалы, 2015 жылы 99897 адам немесе 29,6  % -ды, 2016 жылы 102660 адам немесе 29,8 %, 2017 жылдың қыркүйегінде 102996 немесе 29,9 % -ды құрады.   
Дене шынықтыру және спорт бөлімі уәкілетті орган ретінде «Екінші және үшінші разрядтар, бірінші, екінші және үшінші жасөспірімдік разрядтар, біліктілігі жоғары және орта деңгейдегі екінші санатты жаттықтырушы, біліктілігі жоғары деңгейдегі екінші санатты нұсқаушы-спортшы, біліктілігі жоғары және орта деңгейдегі екінші санатты әдіскер, спорт төрешісі спорттық разрядтары мен санаттарын беру» мемлекеттік қызметтерін көрсетеді. 2015 жылы: 547 мемлекеттік қызмет көрсетілді. 2017 жылдың 1 қазанында, барлығы 466 көрсетілген мемлекеттік қызмет көрсетілсе, 2016 жылы: 507 мемлекеттік қызмет көрсетілді. 
2017 жылдың ІІІ тоқсанында 870 қалалық, облыстық, республикалық және халықаралық жарыстар өткізілсе, спортшылар 167 облыстық, республикалық, және халықаралық жарыстарға қатысты.
Қазақстан Республикасы Тәуелсіздігінің 25-жылдығына арналған Шығыс Қазақстан облысы әкімінің жүлдесі үшін өтетін облыстық ХХ халық спорты ойындары 2016 жылдың 19-24 мамыры аралығында Өскемен қаласында өтіп, Семей қаласының құрама командасы ұтқан медаль санына байланысты ІІ орынға ие болды.
Жыл сайын жаз маусымында футбол бойынша «Былғары доп» қалалық жарысы және балалар командалары арасындағы «Кока – Кола» республикалық турнирі өтеді. Оған қаланың және еліміздің әр облысынан келген 30 команда қатысады. 
Биылғы жалы Семей қаласында алғаш рет пауэрлифтинг және штанганы жатып сығымдау түрінен мүмкіндіктері шектеулі тұлғалар арасындағы Қазақстан Республикасының чемпионаты өтті. 
2017 жылдың 30 маусымы – 3 шілдесінде жекпе-жек бойынша «Тарлан» спорт кешенінде 2003 жылы туылған жасөспірімдер және 2001-2002 жылы туылған қыздар және жасөспірім ұлдар арасындағы ауыр атлетикадан Қазақстан Республикасының чемпионаты, Кеңес өкіметінің  халықаралық дәрежедегі спорт шебері, Қазақстан Республикасына еңбегі сіңген жаттықтырушы Анатолий Васильевич Лю-Шиннің 70-жылдығына арналған ауыр атлетикадан республикалық турнир өтті.
2017 жылдың 2-9 шілдесінде Шәкәрім атындағы СМУ спорт кешенінде пауэрлифтингтен Қазақстан Республикасының Кубогы және чемпионаты өтті.
18-20 тамыз аралығында «Көктем» сауда үйінде балалар және жасөспірімдер арасындағы таэквондо ІТҒ бойынша қалалық ашық біріншілік өткізілді.
2017 жылдың 19 тамызында қалалық жеңіл атлетикалық жүгіріс болып, жасы және жыныстық ерекшелігіне қарамастан әрбір қатысқысы келетін тұрғындар жүгірді. Осыған орай, өздерінің салауатты өмір салтын насихаттауға деген ынтасымен іс-шараға барлығы 300-ден астам адам қатысты. 
Жеңіл атлеткалық жүгіріс, веложүгіріс қалада дәстүрлі спорттық іс-шараларға айналды. Жыл сайын оларға қатысушылармен үнемі айналысушылардың саны артуда. 
2017 жылдың 18 тамызында тас жолда жүгіру бағдарламасы бойынша веложүгірістен 2000-2006 жылдары туылған жасөспірімдер және қыздар арасындағы қалалық чемпионат өткізілді. 
19-20 тамыз аралығында Орталық мәдени саябақта мүмкіндіктері шектеулі тұлғалар арасындағы тоғызқұмалақтан Семей қаласының біріншілігі өтті.
20 тамызда Орталық саябақта штанганы жатып сығымдаудан, қол күресінен қалалық біріншіліктер өткізілді. 
20 тамызда Әуезов алаңында гір спортынан қалалық біріншілік болып өтті.
2017 жылдың 30 тамызында футболдан жолдастық кездесу өтті. Ол Қазақстан Республикасының Конституциясы күніне арналды. 
Жыл сайын қаланың ұйымдары және кәсіпорындары еңбек ұжымдарының арасындағы, медициана қызметкерлерінің, мемлекеттік қызметкерлердіңғ банк қызметкерлерінің, құқық қорғау органдарының, ауыл жастары арасындағы, колледж, жоғары оқу орындары студенттері және оқытушылары арасындағы спартакиадалар өткізіледі. 
Ауылдық округтер арасындағы спартакиада 2014, 2015, 2016 жылдары өткізілетін Шығыс Қазақстан облысы әкімінің жүлдесіне арналған облыстық халық ойындарына сапалы қатысуға септігін тигізеді. Облыстық халық спорты ойындарына қала құрама командасы сапында ауылдық округтердің спортшылары қатысады. Ауыл округтерінің спортшылары: бәйге, көкпар, қыз қуу, аударыспақ, гір спорты және қол күресінен жүлделі орындарға ие болады. 
Ауылдық округтерде барлық спорттық іс-шаралар спорт залдар және мектеп жанындағы спорт алаңдарында өтеді. Апта оқушылармен жастар үшін сайын волейбол, баскетбол, үстел теннисі, гір спорты, қол күресінен спорттық үйірмелер жұмыс істейді. Мемлекеттік мерекелерге арналған спорттық шараларды өткізу дәстүрге айналған. «Наурыз», «Жеңіс Күні», «Балаларды қорғау күні», «Спорт күні», «Қазақстан Республикасы Тәуелсіздігінің 25-жылдығы», «Конституция күні» және «Қарттар күніне» арналған спорттық шаралар өтті. 
Жеңіс күніне арналған жеңіл атлетикалық жүгіріс өтіп, оған 900 –ден астам адам қатысты. 
Веложүгіріс, қала көшелеріндегі жеңіл атлетикалық жүгіріс, жаңа көпір үстіндегі «Президенттік миля» қала тұрғындары арасында жақсы дамып келеді. Ол үнемі 300-500 қатысушыны қамтиды.
Жыл сайын салауатты өмір салтын қалыптастыру орталығымен бірлесіп «Денсаулық фестивалі» өткізіледі. Осы жылы 11 алаңда, мектеп аумақтарында, кәсіпорындар, ұйымдар, ауылдық округтерден бірдей басталған жаттығуға 80 мыңнан астам адам қатысты. 
Семей қаласы аумағында Ресей-Қазақстан-Қытай бағыты бойынша «Жібек Жолы – 2017» халықаралық раллиінің 6 –шы кезеңі өтті.
  Жыл сайын қалада Қазақстан Республикасының Спорт күніне арналған мерекелік спорттық іс-шаралар ұйымдастырылады. Барлық қатысқысы келетіндерге арналып ашық алаңдарда, саябақтарда әртүрлі спорттық іс-шараларды өткізу дәстүрге айналған.
Қазіргі уақытта Семей қаласында саңыраулар және соқырлардың бірлестігі, қоғамына біріккен мүмкіндігі шектеулі 10 мыңнан астам адам тұрады. 
Мысалға алсақ Қазақ саңыраулар қоғамының аймақтық филиалында 308 адам тіркеліп тұр. Олардың арасында шағын – футболмен 30 адам, үстел теннисімен 10 адам, қол күресімен 10 адам, жеңіл атлетикамен 30 адам, дойбы және шахматпен 10 адам, тоғызқұмалақпен есту қабілеттері төмен мүгедек 15 адам үнемі шұғылданады.
Ағымдағы жылдың 30 қыркүйегінде мүмкіндіктері шектеулі тұлғалар күніне арналған паралимпиадалықтарды құрметтеу рәсімі болып өтті. Салтанатты шараға 170 адам қатысты. Олардың арасында нашар көретін және нашар еститін тұлғаларға арналған интернат тәрбиеленушілері, сонымен қатар ересек спортшылар да бар. Бүгінгі күні Семейлік паралимпиадалықтар 15 спорт түрінен қалалық, облыстық, республикалық және халықаралық жарыстарға қатысады. 
Қалада спорттық туризм анағұрлым танымал болуда, оған 3820 адам үш санат бойынша қосылған: ересектер, жасөспірімдер және кіші мектеп оқушылары.
Қаланың спорттық өміріне белсене қатысатын ардагерлер Кеңесі жұмыс істейді. Сонымен бірге бөлім спорттық федерациялармен, спорттық клубтармен және қоғамдық бірлестіктермен тығыз байланыста жұмыс істейді. 
Спорт күнінде жыл сайын қалалық спортшы ардагерлерге құрмет көрсетіледі.
Нұғымаров Айбек – «Әлем Барысы» халықаралық турнирінің жеңімпазы, Астана қаласы, қазақ күресінен 2017 жылдың қыркүйегінде өткен «Ашхабад – 2017» V Азия ойындарының жеңімпазы.
Тайменов Данияр Будапешт қаласында 2017 жылдың 2-9 қыркүйегінде өткен (Венгрия) Әлем чемпионатының күміс жүлдегері.
Зере Бектасқызы самбо күресінен 2017 жылдың қыркүйегінде өткен «Ашхабад – 2017» V Азия ойындарының жеңімпазы.
Советхан Дамир 2017 жылдың қыркүйегінде Солтүстік Кореяның Пхенян қаласында өткен таэквондо ІТҒ бойынша Әлем чемпионатының күміс жүлдегері.
Қабдылрахметова Жұлдыз 2017 жылдың қыркүйегінде Солтүстік Кореяның Пхенян қаласында өткен таэквондо ІТҒ бойынша Әлем чемпионатының қола жүлдегері.
Кремжанова Аяулым 2017 жылдың қыркүйегінде Солтүстік Кореяның Пхенян қаласында өткен таэквондо ІТҒ бойынша Әлем чемпионатының күміс жүлдегері.
Алиасқаров Марат қыркүйек айында Атырау қаласында өткен мүмкіндіктері шектеулі тұлғалар арасындағы спартакиада бағдарламасындағы жеңіл атлетика жарысының жеңімпазы.
Сиязова Айдана қыркүйек айында Атырау қаласында өткен мүмкіндіктері шектеулі тұлғалар арасындағы спартакиада бағдарламасындағы жеңіл атлетика жарысының жеңімпазы.
Исаханов Жарас қыркүйек айында Қостанай қаласында өткен тоғызқұмалақтан ардагерлер арасындағы Қазақстан Республикасының жеңімпазы. 
Мемлекет басшысының тапсырмасына сәйкес «Жалпы Ортақ Еңбек Қоғамына қарай 20 қадам» атты берілген мақалада «Қазақстан Семей» телеарнасымен бірге апта сайын «Намыс» спорт бағдарламасы жүгізіледі.
 
 
 
Дене шынықтыру мен спорт бөлімі

 
Семей қаласында дене шынықтыру мен спорттың дамуы 2016 жыл
 
 
Семей қаласында дене шынықтыру мен спорттың дамуы 2015 жыл
 
 
Семей қаласында дене шынықтыру мен спорттың дамуы 2014 жыл
 
 
Семей қаласында дене шынықтыру мен спорттың дамуы 2013 жыл
 
 
 
 
 
 
 
Өңдеу күні: 10-10-2017